default_image

3 years ago

August 16, 2021

थ्री स्टार छाड्दै मनाङ फर्किए रुपेश

98 views

0 Bookmark

काठमाडौं (हाम्रो खेलकुद) – मिडफिल्डर रुपेश केसी रुस्लान थ्री स्टार क्लब छाड्दै मनाङ मर्स्याङ्दी क्लबमा फर्किएका छन् । राष्ट्रिय टोलीबाट पनि खेलिसकेका अनुभवी मिडफिल्डर रुपेशले चार वर्ष थ्री स्टार बसाई बिट मार्दै कीर्तिमानी आठ पटकको लिग च्याम्पियन मनाङ फर्किएका हुन् ।

क्लबले आधिकारिक रुपमा सार्वजनिक नगरेपनि रुपेशले सामाजिक सन्जाल फेसबुकमा यसअघि मनाङबाट खेल्दाको तस्विर पोस्ट गर्दै मनाङ फर्किएको संकेत दिएका छन् । उनले आसन्न ‘ए’ डिभिजन लिग र राष्ट्रिय लिगसम्मलाई मनाङसँग सम्झौता गरेका हुन् । ‘ए’ डिभिजन लिग २९ कात्तिकबाट सुरु हुने तालिका छ । राष्ट्रिय लिगको मिति तय भइसकेको छैन ।

रुपेशले पछिल्लो दुई सिजनको सहिद स्मारक ‘ए’ डिभिजन लिग थ्री स्टारबाट खेलेका थिए । उनले मोफसलको विभिन्न गोल्डकपमा थ्री स्टारको कप्तानी समेत गरेका छन् । मनाङले सन् २०१४ मा सातौं पटक ‘ए’ डिभिजन लिग जित्दा रुपेश टोलीका मुख्य सदस्य रहेका थिए । उनले लिगसँगै मोफसलका केही गोल्डकपमा मनाङको कप्तानी गरिसकेका छन् ।

एन्फा एकेडेमीका उत्पादन केसीले यसअघि हिमालयन शेर्पा क्लबबाट ‘ए’ डिभिजन लिग खेलिसकेका छन् । उनले गत जेठमा सम्पन्न नेपाल सुपर लिगमा धनगढी एफसीबाट खेलेका थिए । धनगढी दोस्रो हुन सफल भएको थियो । केसीले सन् २०१२ मा नेहरु कपबाट सिनियर राष्ट्रिय टोलीमा डेब्यु गरेका थिए । त्यसयता उनले राष्ट्रिय टोलीमा नियमित रुपमा स्थान बनाउन सकेका छैनन् ।

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 18, 2024

काठमाडौंलाई गोदावरी मेयर कप फुटबल उपाधि

ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]

May 18, 2024

पूर्वेली रातो दुर्गादेवी श्रेष्ठ स्मृति भेट्रान्सको फाइनलमा

हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]

Success

Thank you for your time.