एजेन्सी – खेलका क्रममा दुई टोलीका खेलाडीबीच घम्साघम्सीमा हातपात हुनु नयाँ कुरा होइन । तर टर्कीको शीर्ष डिभिजन क्लब गालाटासरेका डिफेन्डर मार्साओले आफ्नै टोलीका विंगर केरेम अक्तुर्कोग्लुलाई मुक्का हानेपछि रातो कार्ड खाँदै मैदान छाड्नुपर्यो ।

सोमबार भएको टर्किस सुपर लिगको खेलमा गालाटासरे जिरेसन्स्पोरविरुद्ध २-० ले अघि थियो । खेल चल्दै गर्दा गालाका ब्राजिली डिफेन्डर मार्साओ कुद्दै आफ्नो सहकर्मी केरेमनजिक पुगे । सुरुवातमा टाउकोले हनन खोजेका उनले त्यसपछि दुई पटक मुक्का प्रहार गरे । अन्य खेलाडी आएर दुवैलाई छुट्याए ।

रेफ्रीले उक्त घटना भिडियो रिप्लेमा हेर्दै मार्साओलाई रातो कार्ड दिए । फिफाको नियम अनुसार खेलका क्रममा आफ्नो विपक्षी वा सहकर्मी कसैलाई पनि हातपात गरेमा रातो कार्ड दिने प्रावधान छ । रेफ्रीले मुक्का प्रहार गरेका मार्साओलाई रातो कार्ड दिँदै बाहिर पठाए । यता प्रशिक्षक फेथ तेरिमले भने मुक्का खाने केरेमलाई दुई मिनेटपछि नै परिवर्तन गरे ।

खेलपछि बोल्दै प्रशिक्षक तेरिमले यस घटनाबारे अन्तरिक छानविन पनि हुने बताए । लिगले पनि मुक्का प्रहार गर्ने मार्साओलाई थप कारवाही गर्नेछ । उनले हाल भने दुई खेलको स्वत: प्रतिबन्ध भोग्नेछन् । उनले मुक्का किन प्रहार गरे भन्नेबारे केहि बाहिर आएको छैन ।

Pemain Galatasaray, Marcao menanduk dan menonjok rekan setimnya sendiri di lapangan saat pertandingan masih berlangsung. Akibat ulahnya, Wasit memberinya Red Card! Kartu merah karena pelanggaran ke teman sendiri 😀😄😆#Galatasaray pic.twitter.com/ctJuxNEhw1

— Siaran Bola Live (@SiaranBolaLive) August 17, 2021