कुचिङ (हाम्रो खेलकुद) – ब्रुनाईविरद्धको पहिलो हाफको समाप्तीमा नेपालले १–० को अग्रता लिएको छ । गत बर्ष नेपालले जितेका दुई महत्वपूर्ण उपाधिमा महत्वपूर्ण भूमिका निर्वाह गरेका नवयुग श्रेष्ठको गोल बाट नेपालले पहिलो हाफको इन्जुरी समयमा अग्रता लिएको हो । हेमन गुरुडका प्रहार लाई विपक्षी रक्षकले रोकेपछि रिबाउन्डमा प्राप्त बलमा दोस्रो प्रयामा नवयुग गोल गर्न सफल भएका हुन् ।
नवयुग पहिलो खेलमा भने अपेक्षा अनुसार चलेका थिएनन् । पहिलो खेलमा टिमोर लिस्टेसँग गोलरहित बराबरी खेलेको नेपालले समूह चरणको अन्तिम खेलमा ब्रुनाईसँग प्रतिस्पर्धा गरिरहेको छ । नेपाल जित्न सकेमा भने समूह विजेता बन्नेछ । ४ गोल वा त्यो भन्दा कम अन्तरमा हारेमा पनि नेपाल सेमिफाइनल पुग्नेछ । तुलानात्मक रुपमा पहिलो खेलमा भन्दा प्रदर्शनमा सुधारिएको प्रदर्शन गरेको थियो ।
