3 years ago
October 8, 2021
एजेन्सी – फिफा विश्वकप कतार २०२२ को दक्षिण अमेरिकी छनोटमा अर्जेन्टिना बराबरीमा रोकिएको छ । बल पोसेसन राख्दै लगातार दवाव सिर्जना गरेपनि फिनिसिङमा चुक्दा अर्जेन्टिना घरेलु टोली पाराग्वेसँग गोलरहित बराबरीमा रोकिन बाध्य बनेको हो । पहिलो मिोटमा नै जियोभानी लो सेल्सोको प्रयासलाई पाराग्वेका गोलरक्षक एन्थोली सिल्भाले बचाए । नवौं मिनेटमा कप्तान लियोनेल मेस्सीको पासमा जोआक्वि […]
एजेन्सी – फिफा विश्वकप कतार २०२२ को दक्षिण अमेरिकी छनोटमा अर्जेन्टिना बराबरीमा रोकिएको छ । बल पोसेसन राख्दै लगातार दवाव सिर्जना गरेपनि फिनिसिङमा चुक्दा अर्जेन्टिना घरेलु टोली पाराग्वेसँग गोलरहित बराबरीमा रोकिन बाध्य बनेको हो ।
पहिलो मिोटमा नै जियोभानी लो सेल्सोको प्रयासलाई पाराग्वेका गोलरक्षक एन्थोली सिल्भाले बचाए । नवौं मिनेटमा कप्तान लियोनेल मेस्सीको पासमा जोआक्वि कोरेआको प्रहार सदुपयोग हुन नसक्दा अर्जेन्टिनाले अग्रता लिन सकेन । २५औं मिनेटमा मेस्सीको प्रहार पोस्ट नजिकैबाट बाहिरियो ।
४९औं मिनेटमा गुस्ताभो गोमेजको हेडरलाई अर्जेन्टिनी डिफेन्डरले ब्लक गर्दा पाराग्वे अग्रता लिनबाट चुक्यो । ५३औं मिनेटमा मिगुइल अल्मिरोनको प्रयासलाई अर्जेन्टिनाका गोलरक्षक इमिलियानो मार्टिनेजले बचाए ।
६४औं मिनेटमा मेस्सीको पासमा रोड्रिगो डि पलको प्रहार सदुपयोग हुन नसक्दा अर्जेन्टिना चुकचुकायो । त्यसपछि पनि अर्जेन्टिनाले लगातार घरेलु टोलीलाई दवावमा राखेपनि गोल गर्न नसक्दा बराबरीमा रोकिन बाध्य बन्यो ।
बराबरीपछि दक्षिण अमेरिकी विश्वकप छनोटमा अपराजित रहेको अर्जेन्टिना ९ खेलबाट १९ अंक जोडेर दोस्रो स्थानमा रहेको छ । पाराग्वे १२ अंक जोडेर छैटौं स्थनमा रहेको छ ।
अर्काे खेलमा उरुग्वे र कोलम्वियाले गोलरहित बराबरी खेल्दै अंक बाँडेका छन् । प्रतिस्पर्धात्मक खेलमा दुवै टोलीले गोलका केही अवसर सिर्जना गरेपनि सदुपयोग गर्न नसक्दा खेल गोलरहित बराबरीमा टुंगिएको हो ।
यो बराबरीपछि उरुग्वे १० खेलबाट १६ अंक जोडेर चौथो स्थानमा यथावत रहँदा कोलम्विया समान खेलबाटै १४ अंक जोडेर पाँचौ स्थानमा रहेको छ ।
यस्तै इक्वेडरले बोलिभियालाई ३–० ले पराजित गर्दा पेरुले चिलीलाई २–० ले स्तब्ध पारेको छ । जितपछि इक्वेडर १० खेलबाट १६ अंक जोडेर तेस्रो स्थानमा उक्लिएको छ । बोलिभिया ६ अंक जोडेर नवौं स्थानमा रहेको छ । पेरु ११ अंक जोडेर सातौ स्थानमा रहँदा चिली ७ अंक जोडेर आठौं स्थानमा रहेको छ ।
April 29, 2024
काठमाडौं (हाम्रो खेलकुद) – सहिद स्मारक सि डिभिजन लिगमा सोमबार सम्पन्न खेलमा मनोहरा युनाइटेड युथ क्लब खालीबारी युथ क्लब विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा मनोहराले सानेपा क्लब माथि २-१ को जित निकाल्यो । मनोहराका लागि विवस मगर र लिला बहादुर थापा मगरले एक-एक गोल गरे । यस्तै निराजन जंग […]
April 29, 2024
हिमाल खरेल, बिर्तामोडधरान एफसीमाथि सहज जित निकाल्दै पाहुना टोली भारतको मानेभन्ज्याङ एफसी झापाको बुधबारेमा जारी तेस्रो आदर्श च्यालेन्ज कपको सेमिफाइनलमा प्रवेश गरेको छ । मानेभन्ज्याङले धरान एफसीमाथि सोमबार ५–१ गोलको नतिजामा जित हात पारेको हो । खेल सुरु भएको ५ मिनेटमै मानेभन्ज्याङले गोल गर्दै अग्रता लिएको थियो । मानेभन्ज्याङका करण राईले १८ यार्डको दूरीबाट प्रहार […]
April 29, 2024
ललितपुर (हाम्रो खेलकुद )- मध्यपुर थिमि नगरपालिका गोदावरीमा जारी प्रथम उपत्यकाव्यापी अन्तर पालिका खुल्ला मेयर कप फुटबल प्रतियोगिताको क्बार्टरफाइनलमा प्रवेश गरेको छ । गोदावरी १० टाहाखेल–झ्यालुन्टारस्थित प्रस्तावित गोदावरी बहुउद्देश्यीय रंगशाला सोमबार भएको एक मात्र खेलमा टोखा नगरपालिकालाई ४–० ले हराउँदै मध्यपुर थिमिले अन्तिम आठमा पुगेको हो । मध्यपुरको जितमा रोहन खड्गीले ह्याट्रिक पूरा गरे भने […]