काठमाडौ, (हाम्रो खेलकुद)– विगतमा नेपालले १३ खेलसम्म गोल गर्न नसकेको कीर्तिमान राख्दै खुब आलोचना खेप्नु परेको थियो । अहिले भने नेपाली टोलीले सुखद कीर्तिमान बनाएको छ ।
नेपालले आज साँझ (सवा ५ बजे) हुने एएपफसी सोलिडारिटी कपको फाइनलमा मकाउलार्इ हराउन सके अन्तर्राष्ट्रिय फुटबलमा नेपालको अपराजित यात्राको खेल संख्या ८ पुग्नेछ । नेपालले लाओससँग सेमिफाइनल खेल्दै अपराजित संख्या सात पुर्रयाएके थियो । टाइब्रेकरमा लाओसलार्इ हराउनु अघि नेपालले निर्धारित ९० र थप ३० मिनेट २–२ को बराबरी खेलेको थियो ।
यसअघि नेपाल ५ खेलसम्म मात्र अपराजित रहेको थियो । नेपालले सन् २०१५ को डिसेम्बर २७ मा भारतके त्रिवेन्द्रममा भएको साफ च्याम्पियनसिपमा भारतसँग ४–१ ले पराजित भएयता नेपाल हारेको छैन । त्यसयता नेपालले राष्ट्रिय टिमसँगको प्रतिस्पर्धामा श्रीलंका, माल्दिभ्स र ब्रुनाईलार्इ हराएको छ भने बंगलादेश, टिमोर लेस्टे र जारी प्रतियोगितामा लाओससँग बराबरी खेलेको छ । नेपालले लाओसलार्इ टाइब्रेकरमा हराएर मकाउसँगको फाइनल भेट पक्का गरेको थियो ।
