काठमाडौं (हाम्रो खेलकुद) – हाइसेन्स नेपाल प्रथम सायम अन्तरकलेज सेभेन ए साइड फुटसल प्रतियोगितामा २८ टिमको सहभागिता रहने भएको छ । सायम कलेजको आयोजनामा हुने प्रतियोगिता बुधबारदेखि रोयल नेपाल फुटसलमा सुरु हुनेछ ।

प्रतियोगिताको अन्तिम तयारी बारे जानकारी गराउन सोमबार आयोजित पत्रकार सम्मेलनमा सायमका प्रिन्सिपल अशोकराज पाण्डेले पहिलो संस्करणमा २८ टिमको सहभागिता निश्चित भएको जानकारी गराए । प्रिन्सिपल पाण्डेले विद्यार्थीको क्षमता बढाउन कलेजले विद्यार्थीले गर्ने हरेक कार्यक्रममा भरपुर सहयोग गर्दै आएको बताए ।

सहभागी टिमलाई ८ समूहमा विभाजन गरी लिग कम नकआउट आधारमा खेल खेलाइने छ । हाइसेन्स मुख्य प्रायोजक रहेको प्रतियोगितामा स्नातक तह सेमेस्टर प्रणालीका कलेजका टिम सहभागी हुने छन् ।

प्रतियोगिताको विजेताले ९० हजार, उपविजेताले ४० हजार तथा तेस्रो हुने टोलीले २० हजार नगद पुरस्कार प्राप्त गर्नेछन् । उत्कृष्ट खेलाडीले ५ हजार तथा उत्कृष्ट डिफेन्डर, सर्वाधिक गोलकर्ता र उत्कृष्ट गोलरक्षकले समान ३–३ हजार नगद पुरस्कारसहित गिफ्ट भौचर प्राप्त गर्ने छन् । उत्कृष्ट प्रशिक्षकले ट्रफीसहित गिफ्ट भौचर पाउने छन् ।

प्रतियोगिता सञ्चालन गर्न करिब ५ लाख ५० हजार खर्च हुने सायमका भाइस प्रिन्सिपल विशाल श्रेष्ठले जानकारी दिए । तीनदिने प्रतियोगिताका खेलहरु भक्तपुरको दिब्येश्वरी प्लानिङस्थित रोयल नेपाल फुटसलमा हुनेछ ।

सायम प्रिमियर लिग इन्ट्रा कलेज क्रिकेटको पाँचौं संस्करण सफलतापूर्वक आयोजना गरिसकेको सायमले पहिलोपटक फुटसल आयोजना गर्न लागेको प्रतियोगिता संयोजक दशरथ शाहीले बताए । प्रायोजकमा एथर इनर्जी, पठाउ नेपाल, उप्स नेपाल, मेडेक्स मल्टी स्पेसिएलिटी क्लिनिक एन्ड डायग्नोस्टिक सेन्टर, पार्क भिलेज रिसोर्ट, सूर्य नेपाल, जस्मिन पेन्ट्स र बेन नेभिस रहेका छन् ।

समूह विभाजन :

समूह ए : एस इन्टरनेसनल कलेज, मिल्टन कलेज, भीएस इन्टरनेसनल कलेज, युनिभर्सल कलेज

समूह बि : सेन्ट्रल कलेज, राजधानी कलेज, सैनिक कलेज

समूह सी : साइम ह्वाइट, केआइसी, ठेम्क कलेज, किंग्स कलेज

समूह डी : सिटिजन कलेज, अर्किड कलेज, ग्लोबल कलेज

समूह ई: एनसिएमटि कलेज, मल्पी कलेज, इम्पेरीयल बिजनेस कलेज, एलए कलेज

समूह एफ : अथर्व कलेज, डीयरवाल्क कलेज, एआइटिएम

समूह एफ : साइम रेड, मेधावी कलेज, इस्लिंगटन कलेज, टेकस्पायर कलेज

समूह एच : एपेक्स कलेज, क्वेस्ट कलेज, ह्वाइटहाउस कलेज