काठमाडौं, साउन २९ गते । पाटन संयुक्त क्यामपस ‘सी’ ले प्रथम क्रान्तिकारी कप अन्तरकलेज फुटसल प्रतियोगिताको उपाधि शुक्रबार जितेको छ ।

शान्तिनगर फुटसलमा भएको फाइनलमा पाटन ‘सी’ ले आफ्नै ‘बी’ टिमलाई टाइब्रेकरमा ३–२ गोलले पराजित गर्‍यो । पेनाल्टी सुटआउटमा पाटन ‘सी’ का नगेन्द्र पुन, अशोक खड्का र आशिष केसीले गोल गरे । पाटन ‘बी’ बाट मणि लामा र सुवास लामाले गोल गरे । पाटन ‘बी’ का विकास लामा फाइनल खेलको ‘म्यान अफ द म्याच’ ठहरिए । त्यसवापत उनले ५ सय नगद पुरस्कार हात पारे । अखिल क्रान्तिकारी नेवा: राज्य समितिद्वारा आयोजित प्रतियोगितामा ओरियन्टले तेश्रो स्थानमा चित्त बुझायो । ओरियन्टले ग्लेसियरलाई ७–० को फराकिलो गोलअन्तरले हरायो । विजेताका श्याम नेपालीले ३, निरज परियारले २ तथा युरोप भण्डारी र सुशान्त बस्नेतले १–१ गोल गरे । विजेताले ६६ हजार ६ सय ६६, उपविजेताले ३३ हजार ३ सय ३३ तथा तेश्रोले २२ हजार २ सय २२ रुपैयाा नगद पुरस्कार हात पारे । प्रतियोगितामा पाटन ‘बी’ का शेरबहादुर थापा उत्कृष्ट खेलाडी घोषित भए । शेरबहादुर नै प्रतियोगिताको सर्वाधिक गोलकर्ताको सूचीमा शीर्ष स्थानमा रहे । प्रतियोगिताभर उनले १६ गोल गरे । उनले उत्कृष्ट र सर्वाधिक गोलका लागि २–२ गरी जम्मा ४ हजार नगद पुरस्कार पाए । पाटन ‘सी’ का अनन्त श्रेष्ठ उत्कृष्ट गोलरक्षक चुनिए । उनले २ हजार नगद पुरस्कार प्राप्त गरे । विजेतालाई एनेकपा माओवादीका महासचिव कृष्णबहादुर महरा, पाटन संयुक्त क्याम्पसका प्रमुख माधव गौतम, आयोजकका संयोजक सुरेन्द्र बस्नेतलगायतले पुरस्कार वितरण गरे । पााचदिने प्रतियोगितामा ५८ टिमले नकआउट आधारमा प्रतिस्पर्धा गरेका थिए ।