6 years ago
November 20, 2017
काठमाडौं (हाम्रो खेलकुद) – प्रथम अन्तर कलेज फुटसल प्रतियोगिताको सम्पूर्ण तयारी पूरा भएको आयोजकले जानकारी गराएको छ । आयोजक अल्फा बिटाले सोमबार राजधानीमा पत्रकार सम्मेलन गर्दै प्रतियोगिताको सम्पूर्ण तयारी पूरा भएको जानकारी गराएको हो । प्रतियोगिता मंसिर ६ गते बुधबार देखि ८ गते शुक्रबारसम्म शंखमुल फुटसलमा हुनेछ । खेल बिहान ९ बजेबाट सुरु हुनेछ । […]
काठमाडौं (हाम्रो खेलकुद) – प्रथम अन्तर कलेज फुटसल प्रतियोगिताको सम्पूर्ण तयारी पूरा भएको आयोजकले जानकारी गराएको छ । आयोजक अल्फा बिटाले सोमबार राजधानीमा पत्रकार सम्मेलन गर्दै प्रतियोगिताको सम्पूर्ण तयारी पूरा भएको जानकारी गराएको हो । प्रतियोगिता मंसिर ६ गते बुधबार देखि ८ गते शुक्रबारसम्म शंखमुल फुटसलमा हुनेछ । खेल बिहान ९ बजेबाट सुरु हुनेछ ।
करिब साढे २ दशकदेखि शिक्षा क्षेत्रमा काम गर्दै आएको अल्फा बिटा कन्सल्टेन्सीले पहिलोपटक फुटसल खेलमार्फत औपचारिक रुपमा खेलकुदमा प्रवेश गर्न लागेको अल्फा बिटाका कार्यकारी अध्यक्ष द्धिराज शर्माले जानकारी गराए । ‘इंग्लिस क्लब चेल्सी, लिभरपुल लगायतले पनि सानै प्रयासबाट व्यवसायिक रुपमा अघि बढेको हो ।’
कार्यकारी अध्यक्ष शर्माले पत्रकार सम्मेलनमा भने, ‘२ दशक शिक्षामा बितायौं । अब यस फुटसल प्रतियोगितामार्फत खेल क्षेत्रमा पनि अघि बढ्ने हाम्रो योजना छ । नेपाली फुटसल टोली तयार पार्नका लागि सहयोग पुगोस् र नयाँ खेलाडी छनोटका लागि सम्भावनाको एउटा थलो बन्न सकोस् भन्नका लागि हामीले फुटसल आयोजना गर्न लागेका हौं ।’
पहिलो प्रयासस्वरुप यसपटक फुटसल आयोजना गर्न लागेको र भविष्यमा नेपालमा लोकप्रिय खेल फुटबल र क्रिकेट पनि आयोजना गर्ने लक्ष्य राखेको समेत अध्यक्ष शर्माले बताए ।
प्रतियोगितामा १६ कलेजले सहभागिता जनाउने प्रतियोगिता संयोजक तथा पूर्व राष्ट्रिय खेलाडी हरि खड्काले जानकारी गराए । १६ टिमलाई ४ समूहमा विभाजन गरिएको छ । लिगकम नकआउटको आधारमा हुने प्रतियोगिताको हरेक समूहका शीर्ष दुई टोली क्वार्टरफाइनल पुग्नेछन् ।
करिब ८ लाख ५० हजार रुपैयाँ खर्च हुने अनुमान गरिएको प्रतियोगितामा २ लाख रुपैयाँ भन्दा बढी नगद पुरस्कार राखिएको छ । प्रतियोगिताको विजेताले ट्रफीसहित १ लाख, दोस्रो हुनेले ६० हजार, तेस्रो हुने टोलीले ४० हजार रुपैयाँ प्राप्त गर्नेछन् । त्यस्तै प्रतियोगिताको क्वार्टरफाइनलबाट खेलको ‘म्यान अफ दी म्याच’ले १ हजार रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडी र सर्वाधिक गोलकर्ताले समान १० हजार रुपैयाँ प्राप्त गर्नेछन् ।
भविष्यमा नेपालको बलियो फुटसल टोली तयार पार्नका लागि समय-समयमा स्थानीय रुपमा प्रतियोगिता आयोजना र त्यसमा उत्कृष्ट प्रदर्शन गर्ने खेलाडीलाई अभ्यासको व्यवस्था हुन सके नेपालको फुटसल टोलीले आउने दिनमा सफलता प्राप्त गर्ने संयोजक खड्काले जानकारी गराए । यस्तै प्रतियोगिताको अर्काे संयोजक तथा कीर्तिमानी ओलम्पियन दीपक विष्टले निजी संस्था खेलकुदमा होमिनु नेपाली खेलकुदको लागि सुखद पक्ष हुने बताए ।
समूह विभाजन
समूह ‘ए’ : साइपाल एकेडेमी, युनिग्लोव कलेज, लिभरपुल कलेज र सिबर्ड
समूह ‘बी’ : लिटिल एन्जल्स, ओलम्पिया कलेज, आइडियल कलेज र नामी कलेज
समूह ‘सी’: ह्वाइट हाउस कलेज, ब्रिटिस गोर्खा कलेज, इनसाइड भिजन र ह्वाइटफिल्ड कलेज
समूह ‘डी’ : युलेन्स कलेज, गोल्डेनगेट, एभिएम कलेज र टाइम्स कलेज
April 5, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) लाई कलेज फुटसल प्रतियोगिता आयोजना गर्न प्याराडाइम ग्रुप प्रालिले २३ लाख रुपैयाँको प्रायोजन गरेको छ । एन्फाले सामाजिक संजालमार्फत प्रतियोगिताको सम्पूर्ण प्रायोजन अधिकार तथा डिजिटल र ब्रोडकास्ट अधिकारका लागि प्याराडाइमसँग सम्झौता गरेको जनाएको छ । एन्फाका महासचिव किरण राई र प्याराडाइमका सिसन बानियाले प्रायोजन सम्झौतामा हस्ताक्षर […]
February 27, 2024
काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]
January 22, 2024
काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]