काठमाडौं (हाम्रो खेलकुद) – नेपाली महिला टोलीकी सदस्य प्रतिभा माली माल्दिभ्स महिला लिगका विदेशी खेलाडीतर्फ सर्वोत्कृष्ट चुनिएकी छिन् । प्रतिभा र कोपिला उप्रेती सम्मिलित टोली मिस्कियागु इजीले ४ मध्ये ३ खेल जित्दा सबैमा प्रतिभा क्विन अफ दी म्याच घोषित भएकी थिइन् । मञ्जु गुरुङ अरुणा शाही फेयस्दाबाट खेलिरहेका छन् ।
मञ्जका अनुसार महिला लिगको दोस्रो चरण आइतबार सुरु हुनेछ । पहिलो चरणमा माल्दिभिय आरसी शीर्षस्थान, प्रतिभा र कोपिलाको टोली मिस्कियागु दोस्रो, पुलिस तेस्रो र मञ्जु अरुणाको फेयस्दा चौथो हुँदै अर्को चरणका लागि छनोट भएका थिए । पोलस्टार भने पहिलो चरणबाट बाहिरीएको छ ।
