2 years ago
June 19, 2022
काठमाडौं (हाम्रो खेलकुद) – नेपाल नम्वर एक एमेच्योर सुवास तामाङ र नम्वर दुई सद्भाव आचार्यले विश्वकै प्रतिष्ठित भारतको बैंग्लोरमा रहेको गल्फ एकेडेमीमा प्रशिक्षण गर्ने भएका छन् । नेपाल गल्फ संघको पहलमा उनीहरुले बैंग्लोरमा रहेको सुविधासम्पन्न तरुन सरदेसाई गल्फ एकेडेमीमा करिव ३ महिना प्रशिक्षण गर्नेछन् । प्रशिक्षणका लागि सुवास र सद्भाव बिहीबार त्यसतर्फ प्रस्थान गर्नेछ । […]
काठमाडौं (हाम्रो खेलकुद) – नेपाल नम्वर एक एमेच्योर सुवास तामाङ र नम्वर दुई सद्भाव आचार्यले विश्वकै प्रतिष्ठित भारतको बैंग्लोरमा रहेको गल्फ एकेडेमीमा प्रशिक्षण गर्ने भएका छन् ।
नेपाल गल्फ संघको पहलमा उनीहरुले बैंग्लोरमा रहेको सुविधासम्पन्न तरुन सरदेसाई गल्फ एकेडेमीमा करिव ३ महिना प्रशिक्षण गर्नेछन् । प्रशिक्षणका लागि सुवास र सद्भाव बिहीबार त्यसतर्फ प्रस्थान गर्नेछ । उनीहलाई राष्ट्रिय खेलकुद परिषद (राखेप) का सदस्यसचिव टंक लाल घिसिङ, नेपाल गल्फ संघका अध्यक्ष टासी घले र गल्फका युथ डेभलभमेन्ट डाइरेक्टर दीपक आचार्य लगायतले आइतबार बिदाई गरेका छन् ।
राखेपका सदस्यसचिव घिसिङले सबैलाई खेललाई समान अवसर दिइने र बढी सम्भावना रहेको खेललाई थप प्रोत्साहन गरिने बताए । उनले यो प्रशिक्षण तीन महिनाका लागि मात्रै नभई निरन्तर लैजाने लक्ष्य रहेको बताए ।
सुरुवातमा सुवास र सद्भावले तीन महिना प्रशिक्षण गर्नेछन् । तीन महिनापछि सद्भाव सोही एकडेमीमा दुई वर्षसम्म थप अध्ययन र प्रशिक्षणमा रहनेछन् । संघले प्रो शुक्र बहादुर राईलाई पनि प्रशिक्षणको वातावरण मिलाउने तयारी गरिरहेको छ ।
उक्त एकेडेमीमा विशेषगरी पोषण र इन्ज्युरी व्यवस्थापन सम्वन्धी प्रशिक्षण हुने गल्फका युथ डेभलभमेन्ट डाइरेक्टर दीपक आचार्य बताए ।
‘त्यहाँ खेलाडीसँग असेस्ट गर्ने राम्रो वातावरण छ । हरेक दिन बल हान्न लगाउदैन । संस्कार र अनुशासनको हिसावले बैंककभन्दा बैंग्लोर राम्रो लागेर त्यही रोजेका हौं ।’ आचार्यले भने, ‘त्यहा सुरुवातमा फिजिकल असेसमेन्ट, गल्फ र त्यसपछि मात्रै प्रशिक्षणको तालिका हुन्छ । हामी यो तीन महिनाको प्रशिक्षणलाई हेर्दै त्यसपछि के गर्ने भन्ने सोच्नेछौं । राम्रो भएको अवस्थामा प्रशिक्षण अवधि लम्ब्याउन सक्छौं । नभए अन्यत्र पनि प्रशिक्षणको प्रवन्ध मिलाउनेछौं ।’
सुवासलाई राष्ट्रिय खेलकुद परिषद (राखेप) र नेपाल ओलम्पिक कमिटिले सहयोग गर्नेछ । ५० प्रतिशत छात्रवृत्तिमा सुवासको लागि तीन महिनामा ६ लाख नेपाली रुपैया खर्च हुनेछ । २५ प्रतिशत छात्रवृत्ति पाएका सद्भावलाई दुई वर्षको १६ लाख भारतीय रुपैया प्रशिक्षण खर्च लाग्नेछ । सद्भाव व्यक्तिगत खर्चमा प्रशिक्षणमा जान लागेको हो ।
यो तीन महिनाको प्रशिक्षणपछि सुवास र सद्भावले थाइल्यान्डमा २७ देखि ३० अक्टोवरमा हुने एसिया प्यासेफिक एमेच्योर च्याम्पियनसिपमा सहभागिता जनाउनेछ । सुवास एमेच्योरतर्फ विश्वमा २६२औं स्थानमा तथा सद्भाव २६७०औं स्थानमा रहेका छन् । गल्फ संघले शीर्ष १० भित्र पर्ने र एसियन गेम्स २०२४ खेल्ने लक्ष्य राखेको छ । यि खेलाडीबाट दक्षिण एसियाली खेलकुद (साग) र एसियन गेम्समा पदकको अपेक्षा गरिएको छ ।
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
April 6, 2024
काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् । नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]