2 years ago
July 10, 2022
काठमाडौं (हाम्रो खेलकुद) – नासिर याह्या हुसेन र निभा मास्केले १०औं एनएसए कप खुल्ला तथा उमेर समूह पौडी प्रतियोगितामा पहिलो दिन दोहोरो स्वर्ण हात पार्न सफल भएका छन् । नेपाल पौडी संघले आयोजनामा आइतबारदेखि सातदोबाटोस्थित पौडी पोखरीमा शुरु भएको प्रतियोगितामा नासिरले २०० मिटर इन्डिभिजुअल मिड्ले र १०० मिटर फ्रि स्टाइलमा स्वर्ण जित्न सफल भएको हो […]
काठमाडौं (हाम्रो खेलकुद) – नासिर याह्या हुसेन र निभा मास्केले १०औं एनएसए कप खुल्ला तथा उमेर समूह पौडी प्रतियोगितामा पहिलो दिन दोहोरो स्वर्ण हात पार्न सफल भएका छन् ।
नेपाल पौडी संघले आयोजनामा आइतबारदेखि सातदोबाटोस्थित पौडी पोखरीमा शुरु भएको प्रतियोगितामा नासिरले २०० मिटर इन्डिभिजुअल मिड्ले र १०० मिटर फ्रि स्टाइलमा स्वर्ण जित्न सफल भएको हो । निभाले ५० मिटर ब्याकस्ट्रोक र १०० मिटर फ्रिस्टाइलमा स्वर्ण जित्दै दोहोरो स्वर्ण जितेकी हुन् ।
उमेर समूह पौडी प्रतियोगिताको महिला २०० मिटर ईन्डिभिजुअल मिड्लेमा डुवाना लामाले खुलातर्फ बिजयी हात पार्न सफल भइन् । लामाले उक्त दुरी २ मिनेट ३७.१७ सेकेन्डका साथ स्वर्ण जितिन् । सो स्पर्धामा निभा मास्के २ मिनट ४०.२१ सेकेन्डका साथ दोश्रो र सियरा सुभांगी बजाज ३ मिनेट १.७४ सेकेन्डसहित तेस्रो भइन् ।
पुरुषतर्फ सोही स्पर्धामा नासिर याह्या हुसेनले स्वर्ण जिते । उनले सो दुरी २ मिनेट १८.५९ सेकेन्डमा पुरा गरे । सेरेन सिंह २ मिनेट २९.८९ सेकेन्डमा पुरा गर्दै दोश्रो र २ मिनेट ३४.४१ सेकेन्डका साथ विकास कुमाल तेश्रोे भए ।
महिला ५० मिटर ब्याकस्ट्रोकमा निभा मास्केले स्वर्ण जितिन् । उनले ३५.९० सेकेन्डमा दुरी पुरा गरेकी हुन् । यस्तै दोश्रो स्थानमा ३७.९६ सेकेन्डका साथ रोयल प्रजापति र ३८.११ सेकेन्डका साथ आर्या महर्जन तेश्रो भईन् । पुरुषतर्फ तेन्जिङ नामदोल रायन गुरुङले ३१.६१ सेकेन्डसहित स्वर्ण हात पारे । दोश्रो स्थानमा अनुभव सुब्बा रहे । उनले ३२.४२ सेकेन्डम दुरी पुरा गरे । यस्तै ३३.९८ सेकेन्डका साथ गौरभ लामा तेस्रो भए ।
महिला १०० मिटर फ्रि स्टाइलमा डुवाना लामालाई पछि पार्दै निभा मास्केले स्वर्ण हात पारिन् । निभाले उक्त दुरी १ मिनेट २.८७ सेकेन्डमा पुरा गरे । डुवानाको समय १ मिनेट ३.७८ सेकेन्डमा पुरा गरिन् । तेस्रो स्थान हासिल गरेकी अनुसिया तण्डुकारले १ मिनेट ५.१७ सेकेन्डमा दुरी पुरा गरिन् ।
पुरुषतर्फ नासिर याह्या हुसेनले ५५.८१ सेकेन्डका साथ स्वर्ण हात पारे । दोश्रो स्थानमा रहेका अनुभव सुब्बाले ५८.३० सेकेन्डमा र तेश्रो स्थानमा रहेका सुविग्य मान तुलाधरले ५८.३७ सेकेन्डमा दुरी पुरा गरे ।
बिजयी खेलाडीहरुलाई राष्ट्रिय खेलकुद परिषद्का सदस्य सचिव टंकलाल घिसिङ नेपाल ओलम्पिक कमिटिका महासचिव निलेन्द्र राज श्रेष्ठ, सचिव रामजी बहादुर श्रेष्ठ लगायतले पुरस्कृत गरे ।
प्रतियोगिता मंगलबारसम्म चल्नेछ । अन्तिम दिन १३औं सागमा पौडीबाट पदक विजेता महिला खेलाडीलाई नगदसहित सम्मानित गरिने कार्यक्रमा रहेको छ ।
April 28, 2024
एजेन्सी – जारी इंडियन प्रिमियर लिग (आईपिएल) को शीर्ष स्थानमा रहेको राजस्थान रोयल्सले अंकदूरी बढाएको छ । नवौं खेलमा आठौ जित दर्ता गर्ने क्रममा राजस्थानले लखनऊ सुपर जाएन्ट्स माथि ७ विकेटको सहज जित दर्ता गरेको हो । लखनऊले दिएको १९७ रनको लक्ष्य पछ्याएको राजस्थानले ६ बल बाँकी छँदै लक्ष्य ३ विकेट मात्र गुमाएर भेटायो । […]
April 27, 2024
एजेन्सी – इंग्लिश प्रिमियर लिग उपाधि दावेदार मानिएको लिभरपुल लाई उपाधि आकांक्षामा अर्को धक्का लागेको छ । पछिल्लो समय खराब लयमा रहेको लिभरपुल आज भएको खेलमा वेस्ट ह्याम विरुद्ध २-२ को बराबरीमा रोकिएको हो । पछि परेको अवस्था उल्ट्याउँदै अग्रता लिएको लिभरपुल अन्तिममा भने बराबरीमा रोकियो । ४३औं मिनेटमा जेरड बावेनले मोहम्मद कुडुसको क्रसमा हेडर […]
April 27, 2024
काठमाडौं (हाम्रो खेलकुद) – च्याम्पियन नेपाल एपिएफ क्लबकी स्पाइकर निरुता ठगुन्ना सातौं केएनपी नेरोलेक राष्ट्रिय महिला भलिबल प्रतियोगिताको सर्वाेत्कृष्ट खेलाडी घोषित भएकी छिन् । एपिएफलाई अपराजित रहेर च्याम्पियन बनाउन निरुताले सबै खेलमा सानदार प्रदर्शन गरेकी थिइन् । सर्वाेत्कृष्ट बनेसँगै निरुताले ५० हजार रुपैयाँसँगै ट्रफी प्राप्त गरेकी छिन् । व्यक्तिगत विधामा पनि च्याम्पियन एपिएफकै खेलाडीको वर्चश्व […]
