2 years ago
August 21, 2022
पोखरा (हाम्रो खेलकुद) – नवआदर्श सामुदायिक विकास समाज लामाचौरले हरितालिका तीजको अवसरमा आयोजना गर्ने लामाचौर कप महिला तथा पुरुष राष्ट्रिय भलिबल प्रतियोगितामा १० टोलीको सहभागिता रहने भएको छ । महिला र पुुरुषमा समान ५–५ गरी १० टोलीले २४औं संस्करणको लामाचौर तीज महोत्सव–२०७९ अन्तरगतको भलिबल प्रतियोगितामा भाग लिने आयोजकले जनाएको छ । यसपटकदेखि पुरुष भलिबल प्रतियोगिता […]
पोखरा (हाम्रो खेलकुद) – नवआदर्श सामुदायिक विकास समाज लामाचौरले हरितालिका तीजको अवसरमा आयोजना गर्ने लामाचौर कप महिला तथा पुरुष राष्ट्रिय भलिबल प्रतियोगितामा १० टोलीको सहभागिता रहने भएको छ ।
महिला र पुुरुषमा समान ५–५ गरी १० टोलीले २४औं संस्करणको लामाचौर तीज महोत्सव–२०७९ अन्तरगतको भलिबल प्रतियोगितामा भाग लिने आयोजकले जनाएको छ । यसपटकदेखि पुरुष भलिबल प्रतियोगिता थपिएको हो ।
यसअघि महिलाको मात्रै राष्ट्रिय स्तरको तथा छात्र-छात्राको भलिबल हुँदै आएको थियो । कोभिडका कारण गत दुई वर्ष प्रतियोगिता हुन सकेन । प्रतियोगिता १२ देखि १४ भदौंसम्म लामाचौरको इन्द्रराज्यलक्ष्मी माविको प्रांगणमा हुनेछ ।
यसपाली महिलातर्फ तीन विभागीय टोली नेपाल पुलिस, नेपाल एपिएफ क्लब, त्रिभुवन आर्मी क्लब, न्यू डायमण्ड युथ स्पोर्टर्स क्लब र गण्डकी प्रदेश गरी ५ टोलीको सहभागिता रहेको छ ।
पुरुषतर्फ पनि तीन विभागीय टिम नेपाल पुलिस, नेपाल एपिएफ क्लब, त्रिभुवन आर्मी क्लब, बुटवलको मणिमुकुन्द भलिबल क्लब र गण्डकी प्रदेश गरी ५ टोलीको सहभागिता रहेको छ ।
दुवै विधातर्फको विजेताले समान १ लाख ५० हजार, उपविजेताले १ लाख र तेस्रो हुनेले ५० हजार प्राप्त गर्नेछ । सर्वोत्कृष्ट खेलाडीसहित विधागतरुपमा उत्कृष्टलाई आकर्षक पुरस्कार दिइनेछ ।
महोत्सवमा महिला र पुरुष भलिबलसँगै अन्तरमावि लोक नृत्य, सितारियो कराते, अन्तरमहिला खुला तीज गीत प्रतियोगिता पनि हुनेछ ।
आयोजक संस्थाका अध्यक्ष रेश्मा शेरचन अधिकारीले तीज गीत प्रतियोगितासँगै खेलकुदको छुट्टै ब्राण्ड बनाएको लामाचौर तीज महोत्सव सफल पार्नु सबैको दायित्व भएको बताउँदै यसपालि पुरुष राष्ट्रिय भलिबल प्रतियोगिता पनि आयोजना गर्ने लागेको बताए ।
महोत्सव दौरान १३ भदौंमा संस्थाले निर्माण गरेको ब्याडमिन्टन कोर्टको उद्घाटन हुनेछ । महोत्सव ३ दिन चल्ने भएपनि भलिबल अघिल्लो दिन देखि नै शुरु हुनेछन् । महोत्सवमा ५४ लाख ५ हजार खर्च हुने आयोजकको अनुमान छ ।
२०५४ सालमा स्थापित संस्थाले तीज गीतमा प्रथमले ५० हजार, दोस्रोले ३० हजार, तेस्रोले २० हजार र सान्त्वनाले १० हजार, अन्तरमावि लोकनृत्यतर्फ प्रथमले ४० हजार, दोस्रोले २५ हजार, तेस्रोले १५ हजार र सान्त्वना तीन टिम र उत्कृष्ट भेषभूषलाई ५ हजार दिइने सूचना तथा संचार उपसमिति संयोजक बुद्धिबहादुर खत्री क्षेत्रीले जानकारी दिए ।
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]
April 30, 2024
एजेन्सी – युरोपेली च्याम्पियन्स लिगको सेमिफाइनलको पहिलो लेगमा आज स्पेनिश टोली रियल म्याड्रिड र जर्मन टोली बायर्न म्युनिख भिड्दै छन् । बायर्नको घरेलु मैदान आलियान्ज अरिनामा हुने खेल राती १२:४५ बजे सुरु हुनेछ । यी दुई टोली पछिल्लो पटक २०१८ को च्याम्पियन्स लिग सेमिफाइनलमा र २०१७ को क्वाटरफाइनलमा एकअर्का सँग भिडेका थिए । दुवै पटक […]
April 29, 2024
काठमाडौं (हाम्रो खेलकुद) – सहिद स्मारक सि डिभिजन लिगमा सोमबार सम्पन्न खेलमा मनोहरा युनाइटेड युथ क्लब खालीबारी युथ क्लब विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा मनोहराले सानेपा क्लब माथि २-१ को जित निकाल्यो । मनोहराका लागि विवस मगर र लिला बहादुर थापा मगरले एक-एक गोल गरे । यस्तै निराजन जंग […]