default_image

2 years ago

August 29, 2022

न्यू डायमन्ड र पुलिस समूह विजेता

पोखरा (हाम्रो खेलकुद) – न्यू डायमन्ड युथ स्पोर्ट्स क्लब र विभागीय नेपाल पुलिस क्लब लामाचौर तीज महोत्सव–२०७९ अन्तर्गत लामाचौर कप महिला तथा पुरुष राष्ट्रिय भलिबल प्रतियोगिता अन्तरगत महिलातर्फ समूह विजेता बन्दै सेमिफाइनलमा प्रवेश गरेको छ । न्यू डायमन्डले विभागीय टोली त्रिभुवन आर्मी क्लब र पुलिसले गण्डकी प्रदेशलाई समान ३–० को सोझो सेटमा पराजित गर्दै अन्तिम […]

112 views

0 Bookmark

पोखरा (हाम्रो खेलकुद) – न्यू डायमन्ड युथ स्पोर्ट्स क्लब र विभागीय नेपाल पुलिस क्लब लामाचौर तीज महोत्सव–२०७९ अन्तर्गत लामाचौर कप महिला तथा पुरुष राष्ट्रिय भलिबल प्रतियोगिता अन्तरगत महिलातर्फ समूह विजेता बन्दै सेमिफाइनलमा प्रवेश गरेको छ ।

फाइल तस्विर

न्यू डायमन्डले विभागीय टोली त्रिभुवन आर्मी क्लब र पुलिसले गण्डकी प्रदेशलाई समान ३–० को सोझो सेटमा पराजित गर्दै अन्तिम चारमा स्थान पक्का गरेका हुन् । हारका बावजुत आर्मी र गण्डकी समूह उपविजेता बन्दै सेमिफाइनलमा पुगेका छन् ।

हरेक समूहमा दुई टोली रहेका कारण दुवै टोली सेमिफाइनलमा पुगेका हुन् । अब सेमिफाइनलमा न्यू डायमन्डले गण्डकी प्रदेशसँग तथा पुलिसले आर्मीसँग प्रतिस्पर्धा गर्नेछ । सेमिफाइनल मंगलबार हुनेछ ।

लामाचौरस्थित इन्द्र राज्यलक्ष्मी माविको भलिबल कोर्टमा सोमबार भएको खेलमा युवा खेलाडीको बाहुल्य रहेको डायमन्डले कुनै पनि समय आर्मीलाई खुलेर खेल्न दिएन । पहिलो सेटमा २५–१६ को जित निकालेको डायमन्डले ११–८ को स्थितिबाट अग्रता बढाउँदै जित निकाल्न सफल भयो ।

दोस्रो सेटमा पनि डायमन्डले ८–८ को बराबरीबाट अग्रता लिदै जितनजिक पुगेपनि आर्मीले पूनरागमन प्रयास गर्दा खेल २४–२२ को स्थितिमा पुगेको थियो । त्यसपछि डायमनडले एक जोड्दै २५–२२ को जित निकाल्न सफल भयो । तेस्रो सेटमा सुरुवातमा आर्मीले डायमन्डलाइ चुनौती पेश गरेपनि १४–१४ को बराबरीबाट डायमन्डले अग्रता बढाउँदै २५–१९ ले खेल आफ्नो पक्षमा पार्न सफल भयो ।

फाइल तस्विर

सोमबारै महिलातर्फ पुलिसले गण्डकीमाथि पुलिसविरुद्ध गण्डकी २५–१६, २५–१५ र २५–९ को सोझो सेटमा जित निकाल्दै समूह विजेता बन्न सफल भयो । राष्ट्रिय टोलीका कप्तानसमेत रहेका अरुणा शाहीको कप्तानीमा उत्रिएको गण्डकीले पुलिससामु पहिलो र दोस्रो सेटमा सम्मानजनक प्रदर्शन गरेपनि तेस्रो सेटमा निरिह बन्न पुग्यो ।

पुरुषतर्फ स्थानिय गण्डकी प्रदेशले विभागीय त्रिभुवन आर्मी क्लबलाई तथा पुलिसले एपिएफलाई समान ३–२ को सेटमा हराएर समूह विजेता बनेको छ । गण्डकीले आर्मीमाथि १९–२५, २५–१५, २०–२५, २५–२३ र १७–१५ ले जित निकाल्न सफल भयो ।

गण्डकीले आर्मीमाथि झन्डै दुई वर्षपछि जित निकालेको हो । गण्डकीले आर्मीलाई पछिल्लोपटक २०७७ मा पोखरामा भएको टाइगर कप भलिबलको फाइनलमा हराउँदै उपाधि जितेको थियो ।

यस्तै पुलिसले एपिएफलाई २५–१९, १७–२५, २५–२१, २१–२५ र १५–१० ले हरायो । हरेक समूहमा दुई टोली रहेकाले हारका बावजुत आर्मी र एपिएफ पनि समूह उपविजेता बन्दै सेमिफाइनलमा पुगेका छन् । अब सेमिफाइनलमा गण्डकी र एपिएफ तथा पुलिस र आर्मीबीच प्रतिस्पर्धा हुनेछ । महिला र पुरुष दुवैतर्फको सेमिफाइनल मंगलबार तथा फाइनल बुधबार हुनेछ ।

नव आदर्श सामुदायिक विकास समाजको आयोजनामा भइरहेको प्रतियोगितामा महिलातर्फ चार र पुरुषतर्फ पाँच टिमको सहभागिता रहेको छ । महिलातर्फ एपिएफ अन्तिम समयमा सहभागी भएनन् ।

महिलातर्फ नेपाल प्रहरी, त्रिभुवन आर्मी क्लब, न्यू डायमण्ड युथ स्पोर्टस् क्लब र गण्डकी प्रदेशको टिमले भाग लिएका छन् । पुरुषतर्फ नेपाल प्रहरी, सशस्त्र प्रहरी बल, त्रिभुवन आर्मी क्लबसहित बुटवलको मणिमुकुन्द भलिबल क्लब र गण्डकी प्रदेशको टिम गरी ५ टिमको सहभागिता रहेको छ ।

दुवै विधातर्फको विजेताले समान १ लाख ५० हजार १ सय ११, उपविजेताले १ लाख १ सय ११ र तेस्रो हुनेले ५० हजार १ सय ११ रुपैयाँ प्राप्त गर्नेछ । सर्वोत्कृष्ट खेलाडीसहित विधागतरुपमा उत्कृष्टले पनि पुरस्कार प्राप्त गर्नेछ ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.