default_image

2 years ago

January 8, 2023

दावालीलाई हराउँदै आर्मीको विजयी सुरुवात

163 views

0 Bookmark

काठमाडौं (हाम्रो खेलकुद) – उपाधिको दावेदार विभागीय त्रिभुवन आर्मी क्लबले काठमाडौंमा शुरु भएको सातौं संस्करणको एनभिए राष्ट्रिय महिला तथा पुरुष क्लब भलिबल च्याम्पियनसिपमा पुरुषतर्फ विजयी शुरुवात गरेका छन् ।

आर्मीले तीन भारतीय खेलाडी सम्मिलित दावाली मिलान क्लबलाई ३–० को सोझो सेटमा पराजित गर्दै विजयी सुरुवात गरेको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा आइतबार भएको समूह चरणको पहिलो खेलमा आर्मीले पहिलो सेट २५–२० ले आफ्नो पक्षमा पारेको थियो ।

दोस्रो सेटमा आर्मीले पछि परेको स्थिति उल्ट्याएर २५–२१ को जित निकाल्न सफल भयो । एक समय १०–१५ ले पछि परेको आर्मीले दावालीलाई १९–१९ को भेट्दै जित निकाल्न सफल भयो । त्यसपछि दावालीले २ अंक मात्रै जोड्न सक्यो ।
आर्मीले तेस्रो सेटमा २५–२१ काे जित निकाल्न सफल भयाे । दावालीका तनिश चाैधरी केल्मी प्लेयर अफ दि म्याच घाेषित भए । उनले केल्मी नेपालबाट गिफ्ट ह्याम्पर प्राप्त गरे ।

यससँगै आर्मीले समूह ‘ए’ मा ३ अंक जोडेको छ । यो समूहमा आर्मी र दावालीसँगै मणि मुकुन्द भलिबल क्लब रहेका छन् ।

आइतबार नै पुरुषतर्फ समूह ‘सी’ को खेलमा नेपाल पुलिस क्लबले न्युटन भलिबल एकेडेमीलाई २५–१६, २५–१७ र २५–१६ ले पराजित गरेको छ । यस जितसँगै पुलिसले समूह ‘सी’ मा ३ अंक जोडेको छ । यो समुहमा पुलिससाँगै गण्डकी, न्युटन, ढोरपाटन र गण्डकी रहेको छ ।

यस्तै आर्मीले कृष्ण सेकेन्डरी एकेडेमीमाथि २५–३, २५–५ र २५–१० को एकपक्षीय जित निकाल्न सफल भयो । यस जितसँगै आर्मीले समूह ‘बी’ मा ३ अंक जोडेको छ । यो समूहमा आर्मीसँगै एपिएफ, गण्डकी प्रदेश, कृष्ण सेकेन्डरी एकेडेमी रहेको छ ।

माघ १ गतेसम्म हुने च्याम्पियनसिपमा पुरुषतर्फ १५ र महिलामा ८ टोलीको सहभागिता रहेको छ । पुरुष र महिला दुवै तर्फको च्याम्पियनले समान ४ लाख रुपैयाँसँगै उपाधि हात पार्नेछन् । दोस्रो हुनेले २ लाख र तेस्रो हुने टोलीले १ लाख रुपैयाँ प्राप्त गर्नेछन् ।

च्याम्पियनसिपको सर्वाेत्कृष्ट खेलाडीले २५ हजार र हरेक विधा (स्पाइकर, सेटर, ब्लकर, सर्भर, डिफेन्स र प्रशिक्षक) ले जनही १० हजार रुपैयाँ प्राप्त गर्नेछन् । त्यस्तै इन्टरनेट सेवा प्रदायक भाएनेटले प्रतियोगिताको विधागत उत्कृष्टलाई ३ महिना र सर्वोत्कृष्ट पुरुष र महिला खेलाडीलाई ६–६ महिनाको इन्टरनेट सेवा प्रदान गर्नेछ ।

यस्तै संघले हाम्रो खेलकुद डटकमसँग १ वर्षको लागि मिडिया राइट्स लिएको जनाएको छ । यससँगै हाम्रो खेलकुद डटकमले संघले १ वर्षभरि गर्ने विभिन्न प्रतियोगिताको प्रत्यक्ष प्रसारण गर्नेछ ।

सोमबार हुने खेल
महिलातर्फ
होङ्गान्जी न्यू डायमण्ड युथ स्पोर्ट्स क्लबविरुद्ध नयाँ बजार सामाजिक युवा क्लब
एभेरेस्ट भलिबल क्लबविरुद्ध नेपाल पुलिस क्लब
पुरुषतर्फ
टिप टप हेल्न नेपाल स्पोर्ट्स क्दबविरुद्ध बुढानिलकण्ठ भलिबल क्लब
केशवलाल मेमोरियल भलिबल क्लबविरुद्ध मधेश प्रदेश
आर्मीविरुद्ध मणिमुकुन्द भलिबल क्लब
एपिएफविरुद्ध जावलाखेल भलिबल ट्रेनिङ सेन्टर

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ । फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा […]

Success

Thank you for your time.