पुलिस एनभिए क्लब च्याम्पियनसिपको क्वाटरफाइनलमा

काठमाडौं (हाम्रो खेलकुद) – विभागीय नेपाल पुलिस क्लब काठमाडौंमा जारी सातौ एनभिए राष्ट्रिय महिला तथा पुरुष क्लब भलिबल च्याम्पियनसिपको पुरुषतर्फ क्वाटरफाइनलमा प्रवेश गरेको छ ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा मंगलबार भएको खेलमा पुलिसले ढोरपाटन भलिबल प्रशिक्षण केन्द्रलाई ३–० को सोझो सेटमा हरायो ।

पुलिसले ढोरपाटनमाथि २५–१२, २५–२० र २५–११ को सहज जित निकाल्न सफल भयो । पुलिसका स्पाइकर विशाल विक केल्मी प्लेयर अफ दि म्याच घोसषत भए । उनले केल्मी नेपालबाट गिफ्ट ह्याम्पर प्राप्त गरे । आफ्नो समूह ‘सी’ मा लगातार दोस्रो जित निकाल्दै पुलिसले एक खेल बाँकी छँदै अन्तिम आठमा स्थान पक्का गरेको हो ।

यस जितसँगै समूह ‘सी’ मा अपराजित रहेको पुलिसको २ खेलबाट ६ अंक पुगेको छ । न्युटन र ढोरपाटनले अंकको खाता खोल्न सककेो छैन । गण्डकीले आफ्नो पहिलो खेल खेल्दैछ ।