1 year ago
January 19, 2023
सिक्किम (हाम्रो खेलकुद) – कालिङपोङ कोलकत्ता थन्डर्स बोल्ड्सले सिक्किममा भएको प्रथम खुल्ला महिला भलिबल प्रतियोगितामा तेस्रो स्थान हासिल गरेको छ । नाम्ची डिष्ट्रिक सिक्किमस्थित याङगाङ सिनियर सेकेन्डरी स्कुलको भलिबल कोर्टमा बिहीबार भएको तेस्रो स्थानको प्रतिस्पर्धामा कोलकत्ता थन्डर्सले गान्तोक तादोङ जोसफाइट सिक्किमलाई ३–० को सोझो सेटमा पराजित गर्दै तेस्रो स्थान हासिल गरेका हुन् । एकपक्षीय खेलमा […]
सिक्किम (हाम्रो खेलकुद) – कालिङपोङ कोलकत्ता थन्डर्स बोल्ड्सले सिक्किममा भएको प्रथम खुल्ला महिला भलिबल प्रतियोगितामा तेस्रो स्थान हासिल गरेको छ ।
नाम्ची डिष्ट्रिक सिक्किमस्थित याङगाङ सिनियर सेकेन्डरी स्कुलको भलिबल कोर्टमा बिहीबार भएको तेस्रो स्थानको प्रतिस्पर्धामा कोलकत्ता थन्डर्सले गान्तोक तादोङ जोसफाइट सिक्किमलाई ३–० को सोझो सेटमा पराजित गर्दै तेस्रो स्थान हासिल गरेका हुन् ।
एकपक्षीय खेलमा कोलकत्ताले २५–६, २५–६ र २५–९ को सहज जित निकाल्यो । तेस्रो भएसँगै कालिङपोङ कोलकत्ता थन्डर्स बोल्ड्सले ५० हजार भारतीय रुपैयाँ र चौथो भएको तादोङले १० हजार रुपैयाँ हात पारेको छ ।
खुल्ला महिला भलिबल प्रतियोगिताको उपाधिका लागि शुक्रबार याङगाङ गल्र्स र आयोजक प्योरल्याण्ड इन्टरनेसनल एकेडेमीबीच प्रतिस्पर्धा हुँदैछ । दुवै टोलीमा काठमाडौंको होङ्गान्जी न्यु डायमण्ड युथ स्पोर्ट्स क्लबका खेलाडीहरु रहेका छन् ।
न्यु डायमण्डको टोली १ माघमा काठमाडौंमा भएको सातौं एनभिए महिला तथा पुरुष क्लब भलिबल च्याम्पियनसिपको फाइनल खेलेको भोलिपल्टै सिक्किम प्रस्थान गरेको थियो । सिक्किमको भलिबल प्रतियोगितापछि न्यु डायमण्डले पोखरामा ८ माघदेखि पोखरामा आयोजना हुने तेस्रो संस्करणको टाइगर कप अन्तर्राष्ट्रिय भलिबल प्रतियोगितामा सहभागिता जनाउन त्यसतर्फ प्रस्थान गर्नेछ ।
विजेताले २ लाख भारतीय रुपैयासँगै शिल्ड जित्नेछ । दोस्रो हुनेले १ लाख भारतीय रुपैयाँ तथा नकआउटका आधारमा २ माघदेखि शुरु भएको प्रतियोगितामा ८ टोली पोकलोक कामरङ नाम्ची, कालिङपोङ कोलकत्ता थन्डर्स, याङगाङ गल्र्स, दार्जिलिङ गल्र्स, तादोङ जोसफाइट गान्तोक, अनस्टप वेभर्स नाम्ची, प्योरल्याण्ड याङगाङ र सेलेक्सन कलेज नाम्चीको सहभागिता रहेको थियो ।
आयोजक प्योरल्याण्ड इन्टरनेसनल एकेडेमीले सिक्किममा महिला भलिबलको चेतना जगाउन पहिलोपटक खुल्ला महिला भलिबल प्रतियोगिताको आयोजना गरिएको जनाएको छ । यस खालको प्रतियोगिताले अब सिक्किममा पनि महिला भलिबलको विकास हुने आयोजकले दावी गरेको छ । सिक्किममा यसअघि महिलाहरुको विभिन्न खेल भएपनि भलिबल पहिलोपटक भएको हो ।
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 24, 2024
गोरखा (हाम्रो खेलकुद) – नवलपुरका मिडल ब्लकर हिमाल सुनारी र पर्वतकी स्पाइकर रिमा कुँवर गण्डकी प्रदेश स्तरीय महिला तथा पुरुष भलिबल प्रतियोगिताको सर्वाेत्कृष्ट खेलाडी घोषित भएका छन् । दुवैले आ–आफ्नो टोलीलाई च्याम्पियन बनाउन सानदार प्रदर्शन गरेका थिए । सर्वाेत्कृष्ट बनेसँगै उनले १० हजार रुपैयाँसँगै ट्रफी मेडल र प्रमाणपत्र प्राप्त गरेका छन् । गोरखाको बारपाक सुलिकोट […]