1 year ago
January 20, 2023
सिक्किम (हाम्रो खेलकुद) – याङगाङ गल्र्सले भारतको सिक्किममा भएको पहिलो संस्करणको खुल्ला महिला भलिबल प्रतियोगिताको उपाधि जितेको छ । शुक्रबार भएको फाइनलमा आयोजक प्योरल्याण्ड इन्टरनेसनल एकेडेमीलाई ३–० को सोझो सेटमा पराजित गर्दै उपाधि जितेको हो । नाम्चे डिष्ट्रिक सिक्किमस्थित याङगाङ सिनियर सेकेन्डरी स्कुलको भलिबल कोर्टमा भएको फाइनलको पहिलो सेट याङगाङ गल्र्सले २५–१९ ले आफ्नो पक्षमा […]
सिक्किम (हाम्रो खेलकुद) – याङगाङ गल्र्सले भारतको सिक्किममा भएको पहिलो संस्करणको खुल्ला महिला भलिबल प्रतियोगिताको उपाधि जितेको छ ।
शुक्रबार भएको फाइनलमा आयोजक प्योरल्याण्ड इन्टरनेसनल एकेडेमीलाई ३–० को सोझो सेटमा पराजित गर्दै उपाधि जितेको हो ।
नाम्चे डिष्ट्रिक सिक्किमस्थित याङगाङ सिनियर सेकेन्डरी स्कुलको भलिबल कोर्टमा भएको फाइनलको पहिलो सेट याङगाङ गल्र्सले २५–१९ ले आफ्नो पक्षमा पारेको थियो । प्रतिस्पर्धात्मक दोस्रो सेटमा याङगाङ गल्र्सले पछि पर्नुका बावजुत २५–२१ को सेटमा जित निकाल्दै उपाधितर्फ अग्रसर बन्यो । तेस्रो सेटमा एकपक्षीय प्रदर्शन गर्दै याङगाङ गल्र्सले २५–१४ ले खेल जित्दै च्याम्पियन बन्न सफल भयो ।
दुवै टोलीमा काठमाडौंको होङ्गान्जी न्यु डायमण्ड युथ स्पोर्ट्स क्लबका खेलाडीहरुले प्रतिस्पर्धा गरेका थिए । न्यु डायमण्डको टोली १ माघमा काठमाडौंमा भएको सातौं एनभिए महिला तथा पुरुष क्लब भलिबल च्याम्पियनसिपको फाइनल खेलेको भोलिपल्टै सिक्किम प्रस्थान गरेको थियो ।
सिक्किमको भलिबल प्रतियोगितापछि न्यु डायमण्डको टोली पोखरामा ८ माघदेखि आयोजना हुने तेस्रो संस्करणको टाइगर कप अन्तर्राष्ट्रिय भलिबल प्रतियोगितामा सहभागिता जनाउन त्यसतर्फ प्रस्थान गर्नेछ ।
फाइनल खेलमा च्याम्पियन याङगाङ गल्र्सका स्पाइकर सलिना बुढा मगर प्लेयर अफ दि म्याच घोषित भइन् । उनले ट्रफी हात पारे । उपाधिसँगै याङगाङ गल्र्सले २ लाख भारतीय रुपैयासहित शिल्ड, मेडल र प्रमाणपत्र हात पारेको छ । दोस्रो भएको प्योरल्याण्ड इन्टरनेसनल एकेडेमीले १ लाख भारतीय रुपैयाँ, शिल्ड, मेडल र प्रमाणपत्र प्राप्त गरेको छ ।
यस्तै प्योरल्याण्ड इन्टरनेसनल एकेडेमीका एन्जिला प्रधान प्रतियोगिताको सर्वाेत्कृष्ट खेलाडी घोषित भइन् । उनले ट्रफी प्राप्त गरिन् । प्रतियोगिता दौरान सिक्किमकै महिला राष्ट्रिय फुटबल खेलाडी करिश्मा राई (दक्षिण सिक्किम राभाङ्ला) लाई सम्मानित गरिएको थियो । कालिङपोङ कोलकत्ता थन्डर्स बोल्ड्सले तेस्रो स्थान हासिल गरेको छ ।
विजेतालाई एमएलए पिन्चु नाम्गेल लेप्चा, विधायिका राज कुमारी थापा, एसके एम पार्टीका वरिष्ठ उपाध्यक्ष आरके बस्नेत, प्योरल्याण्ड इन्टरनेसनल एकेडेमीका निर्देशक सोनाम वाङ्दी भुटियालगायत पञ्चायत सदस्य, आयोजक टोलीहरुले पुरस्कृत गरे ।
नकआउटको आधारमा २ माघदेखि शुरु भएको प्रतियोगितामा ८ टोलीको सहभागिता रहेको थियो । आयोजक प्योरल्याण्ड इन्टरनेसनल एकेडेमीले सिक्किममा महिला भलिबलको चेतना जगाउन पहिलोपटक खुल्ला महिला भलिबल प्रतियोगिताको आयोजना गरिएको जनाएको छ ।
यस खालको प्रतियोगिताले अब सिक्किममा पनि महिला भलिबलको विकास हुने आयोजकले दावी गरेको छ । सिक्किममा यसअघि महिलाहरुको विभिन्न खेल भएपनि भलिबल पहिलोपटक भएको हो ।
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
April 6, 2024
काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् । नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]