default_image

1 year ago

January 21, 2023

मुकेश १० र गिता ५ किलोमिटर च्याम्पियन

140 views

0 Bookmark

काठमाडौं (हाम्रो खेलकुद)– त्रिभुवन आर्मी क्लबका खेलाडीले राइट टु प्रोटिन रनको पुरुष खुला १० किलोमिटर दौडमा शीर्ष पाँच स्थानमा प्राप्त गरेका छन् । महिला खुला ५ किलोमिटर दौडमा शीर्ष २ पनि आर्मीकै खेलाडी रहन सफल भएका छन् ।

दशरथ रंगशालाबाट शनिबार बिहान सुरु भएको १० किलोमिटर दौड आर्मीका मुकेश पालले ३० मिनेट ५६ः०१ सेकेन्डमा पूरा गर्दै पहिलो स्थान प्राप्त गरे । आर्मीकै गजेन्द्र राई (३१ मिनेट ००.२९ सेकेन्ड) दोस्रो, सुबास कार्की (२१ मिनेट ०७.२० सेकेन्ड) तेस्रो, शिकास राई (३१ मिनेट १४.१५ सेकेन्ड) र कोहन देव जोशी (३२ मिनेट २०.२३ सेकेन्ड) पाँचौ भएका छन् ।

महिला ५ किलोमिटरमा आर्मीकी गिता विकले २१ मिनेट ३८.५२ सेकेन्डमा दौड पूरा गर्दै पहिलो स्थान प्राप्त गरिन् । आर्मीकी निर्मला केसीले २२ मिनेट ०८.२२ सेकेन्डका साथ दोस्रो स्थान हासिल गरिन् । एपिएफकी सिमा चौधरी (२२ मिनेट २८.१३ सेकेन्ड) मा तेस्रो, नेपाल पुलिस क्लबकी ब्रिसन्दा कुमाल (२२ मिनेट २९.६१ सेकेन्ड) ले चौथो र एपिएफकी आशा रावत (२२ मिनेट ४४.६६ सेकेन्ड) ले पाँचौ स्थान प्राप्त गरिन् ।

राइ टु प्रोटिन रनको हाफ म्याराथनको उपाधि महिलातर्फ एपिएफकी फुलमती राना र पुरुषतर्फ आर्मीका दीपक अधिकारीले जितेका छन् । नेपाल भेटेरिनरी एसोसिएसनले आयोजना गरेको प्रतियोगितामा फुलमतीले निर्धारित दुरी १ घण्टा २२ मिनेट १२ सेकेन्डमा पूरा गर्दै उपाधि जितिन् । उनले नेपाल पुलिस क्लबकी राममाया बुढालाई पाँच सेकेन्डले पछि पारेकी थिइन् ।

राममायाले उक्त दुरी १ घण्टा २२ मिनेट १७ सेकेन्डमा पूरा गर्दै दोस्रो भइन् । तेस्रो भएकी आर्मी क्लबकी पूर्णलक्ष्मी न्यौपानेले उक्त दुरी १ घण्टा २३ मिनेट १० सकेन्डमा पूरा गरिन् । आर्मीकै कल्पना खड्काले १ घण्टा २७ मिनेट १२ सेकेन्डमा पूरा गर्दै चौथो भइन् । पुलिसकी अञ्जु खड्काले १ घण्टा ३२ मिनेट १३ सेकेन्डमा पूरा गर्दै पाँचौं बनिन् ।

पुरुषतर्फ दीपकले राजन रोकायालाई ६ सेकेन्डले पछि पार्दै उपाधि जिते । दीपकले निर्धारित दुरी १ घण्टा ५ मिनेट ८ सेकेन्डमा पूरा गर्दै उपाधि जिते । दोस्रो भएका राजनले १ घण्टा ५ मिनेट १४ सेकेन्डमा पूरा गरेका थिए । भारतीय सेनाका नरेन्द्र सिंह रावलले १ घण्टा ५ मिनेट ५५ सेकेन्डमा पूरा गर्दै तेस्रो बने ।

चौथो बनेका तिर्थ पुनले १ घण्टा ६ मिनेट ९ सेकेन्डमा उक्त दुरी पूरा गरे । तीर्थ गत वर्षको च्याम्पियन खेलाडी थिए । आर्मीका शुशिल कुमार शाहीले १ घण्टा ८ मिनेट ४ सेकेन्डमा पूरा गर्दै पाँचौं स्थानमा रहे । म्याराथनका दुवैतर्फका विजेताले १ लाख, दोस्रोले ७५ हजार र तेस्रो हुने खेलाडीले ६० हजार रुपैयाँ प्राप्त गरे ।

स्कुल ब्वाइज ५ किलोमिटर दौडमा सञ्जिव नेपाली विजयी भए । उनले १८ मिनेट ३६ सेकेन्डमा दौड पूरा गरे । श्याम मग्रातीे (१८ मिनेट ४५.५८ सेकेन्ड) दोस्रो, हिमालराज गुरुङ (१८ मिनेट ५०.३४ सेकेन्ड) तेस्रो भए । स्कुल गल्स ३ किलोमिटरमा कल्पना बुढा विजयी भइन् । कल्पनाले १८ मिनेट १५.२२ मिनेटमा दौड पूरा गरिन् । हिमाली शाही (१८ मिनेट ३५.७३ सेकेन्ड) दोस्रो र दिपशिखा शाही (१९ मिनेट १०.४० सेकेन्ड) तेस्रो भइन् ।

ह्विल चियर पुरुषमा प्रमेबहादुर विक पहिलो, रामकाजी मिजार दोस्रो र सोमनाथ राई तेस्रो भए । त्यस्तै ह्विचिय महिलामा रजनी राई पहिलो, यामी झाक्री मगर दोस्रो र जेनिसा कठायत तेस्रो भइन् । प्रधानमन्त्री पुष्पकमल दाहा प्रचन्डले विजेता खेलाडीलाई पुरस्कृत गरेका थिए । आयोजक एसोसिएनका अध्यक्ष शितलकाजी श्रेष्ठले चार हजार भन्दा बढीको उत्साहजनक सहभागिता रहेको जानकारी दिए ।

प्रतियोगितालाई नेपाल दाना उद्योग संघ र अन्तगर्तका दाना उद्योग सहयोगीको रुपमा रहेको बताइएको छ । प्रतियोगितामा प्रिमेरा हस्पिटल पार्टनर, इसेवा टिकेटिङ पार्टनर, आइएसएस साउन्ड सिस्टम पार्टनर तथा यूस र एसओवाई प्रबद्र्धकका रुपमा रहेका छन् । मेरियोट काठमाडौ र फेयरफिल्ड मेरियट हस्पिटालिटी पार्टनरका रुपमा रहेको बताइएको छ ।

गत वर्ष पहिलो संस्करण रन फर प्रोटिन हाफ म्याराथन भएको थियो । गत वर्षको हाफ म्याराथन महिलातर्फ १३ औं दक्षिण एसियाली खेलकुद (साग) की स्वर्ण पदक विजेता सन्तोषी श्रेष्ठ र पुरुषतर्फ तीर्थ पुन विजयी भएका थिए ।

June 17, 2024

बंगलादेशविरुद्ध जितका लागि नेपाललाई १ सय ७ रनको लक्ष्य

किंग्सटाउन (हाम्रो खेलकुद) – आइसिसी टि-२० विश्वकप अन्तर्गत समूह चरणको अन्तिम खेलमा नेपालले टेस्ट राष्ट्र बंगलादेश विरुद्ध १ सय ७ रनको लक्ष्य पाएको छ । टस हारेर पहिला ब्याटिङको निम्तो पाएको बंगलादेशले निर्धारित २० ओभरमा विकेट गुमाउँदै १ सय ६ रन बनाएपछि नेपालले सो लक्ष्य पाएको हो । दक्षिण अफ्रिका विरुद्ध १ रनको झिनो हार […]

June 15, 2024

कुशलले दक्षिण अफ्रिकाको दोस्रो विकेट लिए

किङ्कटाउन (हाम्रो खेलकुद)– नेपालले दक्षिण अफ्रिकाको दोस्रो विकेट लिएको छ । कुशल भुर्तेलले १२ औं ओभरको दोस्रो बलमा कप्तान एडियन मार्कक्रमलाई बोल्ड गराएपछि दक्षिण अफ्रिका ६८/२ मा छ । दक्षिण अफ्रिका विरुद्ध टि ट्वान्टी विश्वकपको समूह चरणको खेलमा मध्यम सुरुवात गरेको छ । १० ओभरको समाप्तीमा दक्षिण अफ्रिकाले १ विकेटको क्षतिमा ५७ रन बनाएको छ […]

June 10, 2024

छन्त्याल र ढोरपाटनलाई भलिबल उपाधि

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]

Success

Thank you for your time.