default_image

2 years ago

January 28, 2023

गण्डकी टाइगर कप च्याम्पियन

347 views

0 Bookmark

पोखरा (हाम्रो खेलकुद) – विभागीय नेपाल एपिएफ क्लबको चुनौती पन्छाउँदै घरेलु टोली गण्डकी प्रदेश तेस्रो टाइगर कप राष्ट्रिय तथा अन्तर्राष्ट्रिय आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगिताको पुरुषतर्फ च्याम्पियन बनेको छ ।

घरेलु टोली गण्डकीले एपिएफलाई ३–२ को सेटमा पराजित गर्दै दोस्रोपटक च्याम्पियन बन्न सफल भएको हो । गण्डकी पहिलो संस्करणपछि उपाधि जित्न सफल भएको हो । गण्डकीले पहिलो संस्करणमा आर्मीलाई पराजित गर्दै उपाधि जितेको हो ।

पोखरा रंगशालास्थित भलिबल कोर्टमा शनिबार भएको फाइनलको पहिलो सेट गण्डकीले १६–२५ ले गुमाएको थियो । त्यसपछि गण्डकीले सानदार प्रदर्शन गर्दै जित्न सफल भयो । गण्डकीले दोस्रो सेटमा २५–१८ को जित निकाल्दा तेस्रो सेटमा २५–१९ ले विजयी हुन सफल भयो ।

चौथो सेटमा गण्डकी १७–१४ ले अघि रहँदा समर्थकहरुले एपिएफका खेलाडीलाई बोतल प्रहार गरेपछि खेल केहीवेर रोकिन पुगेको थियो । त्यसपछि खेल सुचारु हुँदा रोमाञ्चक र प्रतिस्पर्धात्मक बनेको खेलमा एपिएफ २८–२६ ले विजयी हुन सफल भयो ।

निर्णायक तथा पाँचौ सेटमा ब्लकबाटै ५ अंक बटुलेपछि गण्डकीले १५–८ ले आफ्नो पक्षमा पार्दै च्याम्पियन बन्न सफल भयो ।

गण्डकीसँगको हारसँगै एपिएफको अपराजित रहेर च्याम्पियन बन्ने सपना सकिएको छ । एपिएफले पाँच खेलसम्म अपराजित रहेको थियो ।

च्याम्पियन बनेसँगै गण्डकीले ५ लाख रुपैयाँ प्राप्त गरेको छ । दोस्रो भएको एपिएफले २ लाख ५ हजार रुपैयाँ प्राप्त गर्नेछ ।पुरुषतर्फ आर्मीलाई ३–१ को सेटमा पराजित गर्दै पुलिसले तेस्रो स्थान हासिल गरिसकेको छ । पुलिसले १ लाख २५ हजार रुपैया तथा चौथो भएको आर्मीले ६५ हजार रुपैयाँ प्राप्त गरेको छ ।

टाइगर ग्रुप अफ पोखरा नेपालको आयोजनामा माघ ८ गतेबाट शुरु भएको प्रतियोगितामा महिलातर्फ ४ र पुरुषतर्फ ५ टोलीको सहभागिता रहेको थियो । महिलातर्फ एपिएफ, आर्मी, डायमण्ड र गण्डकी तथा पुरुषतर्फ त्रिभुवन आर्मी क्लब, सेन्ट जोसेफ वाज स्पोर्टस् क्लब श्रीलंका, नेपाल पुलिस, एपिएफ र गण्डकी प्रदेश गरी ५ टोलीको सहभागिता रहेको थियो ।

पहिलो संस्करणमा पुरुषतर्फ गण्डकी र महिलामा पुलिस तथा दोस्रो संस्करणमा महिलातर्फ एपिएफ र पुरुषतर्फ आर्मी च्याम्पियन बनेको थियो ।

July 2, 2025

अस्ट्रेलियामा भलिबल अवार्ड हुने

सिड्नी (हाम्रो खेलकुद) – अस्ट्रेलियाको सिड्नीमा पहिलो भलिबल अवार्ड कार्यक्रम आयोजना हुने भएको छ । नेपाल भलिबल संघ अस्ट्रेलिया (एनभिएए) को आयोजनामा साउन ४ गते (१९ जुलाई) उक्त अवार्ड कार्यक्रम हुने भएको हो । अवार्ड कार्यक्रम सिड्नीस्थित रकडेलमा रहेको इन्द्रेणी फङ्सन सेन्टरमा हुनेछ । एनभिएएले वर्षभरि उत्कृष्ट प्रदर्शन गर्ने पुरुष र महिला खेलाडीलाई अवार्ड प्रदान […]

July 1, 2025

एसियाडका लागि ३० खेल एनओसीमार्फत दर्ता

काठमाडौं (हाम्रो खेलकुद)- अर्को वर्ष जापानमा आयोजना हुने २० औं एसियाली खेलकुद (एसियाड) मा भाग लिन ३० खेल राष्ट्रिय संघ दर्ता भएको छ। युवा तथा खेलकुद मन्त्रालय र राष्ट्रिय खेलकुद परिषद् राखेप) ले जवाफ नदिएपछि राष्ट्रिय खेल संघहरुलाई पत्राचार गरेको नेपाल ओलम्पिक कमिटी (एनओसी) ले मंगलवार पत्रकार सम्मेलनमार्फत जानकारी दिएको छ।त्यसमा ३० खेल एसियाडका लागि […]

June 29, 2025

पूर्व खेलाडी श्रेष्ठको एनआरएनए एनएसडब्लुको सदस्यमा उम्मेदवारी

सिड्नी (हाम्रो खेलकुद) – भलिबलका पूर्व सुनिल श्रेष्ठले अर्काे महिना अस्ट्रेलियामा हुने गैर आवासीय नेपाली संघ (एनआरएनए) न्यु साउथ वेल्स (एनएसडब्लु) को एससिसी सदस्यमा उम्मेदारी दिएका छन् । एनएसडब्लुबाट एनआरएनए न्यू साउथ वेल्स राज्यको सन् २०२५–२०२७ कार्यकालका लागि संघीय समिति सदस्य (एससिसी) पदमा उम्मेवारी दिएका हुन् । नेपालको राष्ट्रिय खेल भलिबलमार्फत आफ्नो पहिचान स्थापित गरिसकेका […]

Success

Thank you for your time.