काठमाडौं (हाम्रो खेलकुद) – इचंगुनारायण डोजो र ब्रह्माष्मी स्कुलले प्रथम सरस्वती कप सिनियर तथा जुनियर कराँते प्रतियाेगिताको उपाधि जितेको छ ।
नेपाल वादोरियो कराते सरस्वती डोजोको आयोजनामा १३ र १४ माघमा भएको प्रतियोगितामा सिनियरतर्फ इचंगुनारायण डोजोले तथा जुनियरमा ब्रह्माष्मीले उपाधि जितेको हो ।
सिनियरतर्फ कुल १४ स्वर्ण पदकका लागि भएको प्रतिस्पर्धामा इचंगुले २ स्वर्ण २ रजत र ५ कास्यगरी ९ पदक जित्न सफल भयो । दोस्रो भएको च्याम्पियन मार्सल आर्ट एकेडेमीले २ स्वर्ण १ रजत र ३ कास्य हात पा¥यो । तेस्रो भएको मनमैजु डोजोले २ स्वर्ण १ रजत र ३ कास्य जित्यो । आयोजक सरस्वती डोजोले भने १ स्वर्ण ५ रजत र ५ कास्यमा चित्त बुझायो ।
त्यस्तै जुनियरतर्फ भने ब्रहमाष्मी स्कुल पहिलो भएको छ । ब्रहमाष्मीले ६ स्वर्ण ६ रजत र ७ कास्यसहित १९ दिक हात पार्दा ५ स्वर्ण २ रजत र १ कास्य पदक सहित पाँचपोखरी स्कुल टिम दोस्रो बन्यो । त्यसैगरी ३ स्वर्ण ५ रजत र ८ कास्य जितेको योङहार्ट स्कुल टिम तेस्रो बन्यो ।
दुई दिन चलेको प्रतियोगिताको उदघाट्न प्रतिनिधिसभा सदस्य सन्तोष चालिसेले गरेका थिए । विजयी खेलाडीहरुलाई मेडल तथा प्रमाण पत्र गोकर्णेश्वर नगरपालिका प्रमुख दिपक रिसाल, वडा अध्यक्ष नारायण सुवेदी, नेपाल कराते महासंघका महासचिव हरिशरण केसी लगाएतले वितरण गरेका थिए ।
प्रतियोगितामा विभिन्न जिल्लाबाट २५ वटा स्कुल र डोजोका ३५० खेलाडीले सहभागिता जनाएका थिए । सिनियर इभेन्ट्मा क्रमश २५ हजार १५ हजार र १० हजार नगद पुरस्कार प्रदान गरिएको थियो ।
गोकर्णेश्वर नगरपालिकाको सहयोगमा प्रतियोगिता आयोजना गरिएको प्रतियोगिताका संयोजक समेत रहेका सरस्वती डोजोका प्रमुख प्रशिक्षक पुरुषोत्तम पोखरेलले जानकारी दिए ।
