काठमाडौं (हाम्रो खेलकुद) – टाइम्स कलेज र ह्वाइट हाउस कलेजले नवौं एलआरआई बास्केटबल तथा फुटसल फेस्टको उपाधि जितेका छन् । टाइम्स बास्केटबलमा तथा ह्वाइट हाउस फुटसलमा च्याम्पियन बनेको हो ।
एलआरआई स्कुलको खेल मैदानमा बिहीबार भएको बास्केटबलतर्फको फाइनलमा टाइम्सले सिसिआरसिलाई ७६–५२ को अन्तरले पराजित गर्दै उपाधि हात पारेको हो ।
त्यस्तै फुटसलको फाइनल खेलमा ह्वाइट हाउस कलेज केसिसिएसलाई ४–२ अन्तरले पराजित गर्दै उपाधि जित्न सफल भएको हो । बास्केटबलमा टाइम्सका पारस केसी तथा फुटसलमा ह्वाइट हाउसका समिर वन उत्कृष्ट खेलाडी घोषित भए । प्रतियोगितमा २० कलेजको सहभागिता रहेको थियो ।
उपाधिसँगै टाइम्स र ह्वाइट हाउसले समान २४ हजार रुपैयाँ, मेडल र ट्रफी प्राप्त गरेका छन् । दोस्रो भएको सिसिआरसि र केसिसिएसले समान १२ हजार प्राप्त गरेको छ । विजयी टोली तथा खेलाडीलाई नागार्जुन नगरपालिकाका उपप्रमुख सुशिला अधिकारीले एलआरआईका प्राचार्य डा. देवकान्त जोशी, उच्च माविका संयोजक ध्रुब खड्कालगायतले पुरस्कृत गरे ।
स्कुलले विगत लामो समयदेखि विद्यार्थीहरुमा लुकेको प्रतिभा उजागर गर्न यस्ता प्रतियोगिता आयोजना गर्दै आएकोमा कोभिडका कारण निरन्तरता दिन नसकिएको बताउदै समयानुकुल प्रतियोगितालाई निरन्तरता दिने स्कुलका प्रमुख प्रशासकिय अधिकृत दीपक जोशीले बताए ।
राष्ट्रका लागि खेलकुद क्षेत्रमा राम्रो खेलाडीहरु उत्पादन गर्न विद्यालय तथा कलेजहरु अतिनै उर्बर माध्यम भएकोले स्कुलले विद्याथीैहरुको अध्ययनमा बाधा नपुग्ने गरी फुटसल, क्रिकेट, बास्केटबल, भलिबल, ब्याटम्यान्टिन, टेबुलटेनिस, चेस, एरोबिक्स लगायतका बिधामा अभ्यास गराईरहेको अतिरिक्त क्रियाकलापका संयोजक जयराम खड्काले बताए ।
