काठमाडौं (हाम्रो खेलकुद) – खुम्जुङ युवा क्लबको आयोजनामा शेर्पा समुदायको सबैभन्दा ठुलो खेलकुद प्रतियोगिता १३औं खुम्बु ल्होसार कप फुटबल प्रतियोगिता यसै महिना (माघ) को अन्तिम साता काठमाडाैंमा आयोजना हुने भएको छ।
शेर्पा समुदायको महान् चाड ल्होसार (नयाँ वर्ष) को अवसरमा विगत १२ वर्षदेखि आयोजना हुँदै आएको खुम्बु ल्होसार कप यसवर्ष माघ २८ गतेबाट ६ फागुनसम्म हुने जानकारी गराएको छ ।
सोलुखुम्बुस्थित खुम्बु पासाङ ल्हामु गाउँपालिकाको विभिन्न गाउँमा जन्मिएर हाल काठमाडौँमा रहेका युवा पुस्ताको खेलकुदप्रति लगाव र प्रतिभाको प्रदर्शन, प्रस्फुटन र समुदायका सम्पूर्णलाई एउटै ठाउँमा जोड्न शेर्पा समुदायको सबैभन्दा ठुलो खेलकुद प्रतियोगिता गत वर्ष भने कोरोना भाइरस (कोभिड–१९ का कारण हुन सकेको थिएन ।
खेल सानो गौचरण खेलकुद मैदानमा हुने खुम्जुङ युवा क्लबका महासचिब पासाङ छिरिङ शेर्पाले जानकारी गराए ।
