काठमाडौं (हाम्रो खेलकुद) – काष्ठमण्डप र आयोजक द एक्सेल्सियर स्कुलको रातो टिम नवौं एक्सेल्सियर कपअन्तर्गत यु–१२ ब्वाइज फुटबलतर्फ सेमिफाइनलमा प्रवेश गरेका छन् ।
काष्ठमण्डपले स्वस्तिश्रीलाई ५–० गोलले पराजित गर्दै अन्तिम चारमा स्थान पक्का गरेको हो । काष्ठमण्डपका सहज ढकालले ४ तथा सुप्रिम बोहराले १ गोल गरे ।
एक्सेल्सियर रातोले आफ्नै पहेलो टोलीलाई १–० गोलले हरायो । साहिलराज थापाले निर्णायक गोल गरे । यस्तै रेडिअन्ट पब्लिक र संस्कृति पनि सेमिफाइनलमा पुगेका छन् । रेडिअन्टले बृहस्पति विद्या सदनलाई २–० ले तथा संस्कृतिले रिब्समाथि २–० को जित आत्मासात् ग¥यो ।
यु–१६ ब्वाइज फुटबलमा ग्रिनफिल्ड, श्री सञ्जय साइ, न्यु इरा र हार्टल्यान्ड एकेडेमीले सेमिफाइनलमा स्थान बनाए । ग्रिनफिल्डले एलआरआईलाई ६–० ले पाखा लगायो । श्री सञ्जय साइले होली भिजनलाई ४–३ ले पन्छायो । न्यु इराले एनआईसी एकेडेमीलाई ३–२ गोलले निराश पा¥यो । हार्टल्यान्डले एक्सेल्सियरमाथि ७–० को आरामदायी जित निकाल्यो ।
गल्र्स बास्केटबलमा संस्कृतिले एक्सेल्सियरलाई १९–६, रेडिअन्ट पब्लिकले द चाँदबाग स्कुललाई २०–८ र रातो बंगलाले मोर्डन इन्डियन स्कुल (एमआईएस) लाई २७–४ ले पाखा लगाउदै सेमिफाइनलमा स्थान सुरक्षित गरे ।
सिनियर ब्वाइज बास्केटबलमा जेनिथले रातो बंगलालाई ४०–१३ तथा एमआईएसले पिपल्स एकेडेमीलाई ३४–२३ ले पन्छ्याउदै सेमिफाइनलमा स्थान पक्का गरे ।
