default_image

1 year ago

February 15, 2023

प्रिन्स र रशिला क्वाटरफाइनलमा

114 views

0 Bookmark

काठमाडौं (हाम्रो खेलकुद) – नेपाल पुलिस क्लबका प्रिन्स दाहाल र आर्मीकी रशिला महर्जन विराटनगरमा जारी ‘लिनिङ १२औं पुष्पलाल स्मृति राष्ट्रिय वरीयता ब्याडमिन्टन प्रतियोगिताको क्वाटरफााइनलमा प्रवेश गरेका छन् ।

नेपाल खेलकुद महासंघ अन्तरगतको राष्ट्रिय ब्याडमिन्टन संघ, नेपालको आयोजनामा भइरहेको प्रतियोगिताको शीर्ष १६ वरीयताको पुरुष एकलतर्फ बुधबार भएको लिगको समूह ‘बी’को खेलमा प्रिन्सले आफ्नै क्लबका जीवन आचार्यलाई २१–९ र २१–१४ ले पराजित गर्दै अन्तिम आठमा स्थान बनाएका हुन् ।

प्रिन्सले आफ्नो समूहको तीनै खेलमा जित हात पारे । कास्कीका विधान अधिकारी उपविजेता बनेर कवाटरफाइनल पुगेको छ ।विधानले एक जित र एक वाकओभर प्राप्त गर्दै क्वाटरफाइनलमा पुगेका हुन् । विधानले बुधबार पुलिसका पुर्ण बहादुर थापाबाट वाक ओभर पाए ।

समूह ए बाट पुलिसका बिष्णु कटुवाल विजेता तथा आर्मीका रुकेश महर्जन उपविजेता बनेको क्वाटरफाइनला पुगेको छ । विष्णुले बुधबार रुकेशलाई १९–२१, २१–१६ र २१–५ ले पराजित गरे ।

समूह सीबाट एपिएफका क्षितिज खनाल विजेता र देवराज राना उपबिजेता बन्दै क्वाटरफाइनलमा स्थान पक्का गर्न सफल भए ।क्षितिजले आफ्नो तीनै खेलमा जित निकाल्दै क्वाटरफाईनल प्रवेश गरेका हुन् ।

क्षितिजले देवराज रानालाई २१–१५, १८–२१ र २१–१८ पराजित गरे । अघिल्लो दुई खेलमा जित निकालेको देवराज उपविजेता बन्यो । यस समूहको अर्को खेलमा एपिएफका बिजीत थापा मगरले पुलिसका दीपक बोहरालाई पराजित गरे । २१–१५ र २१–१६ ले पराजित गरे ।

समूह डी बाट आर्मीका प्रफुल महर्जन विजेता र पुलिसका सुनिल जोशीले उपविजेताको रुपमा क्वाटरफाईनलमा पुगेको छ । प्रफुलले तीन खेलमै जित निकाल्यो । महर्जनले जोशीलाई २१–६ र २१–१३ ले पराजित गरे ।

सुनिल दुई जितबाट अघि बढ्यो । यो समूहमा आर्मीका नरेन्द्र बमले अनिल मल्ललाई १६–२१, २१–१९ र २१–१५ ले पराजित गरे । अब क्वाटरफाइनलमा बिष्णु र देवराज, प्रफुल र विधान, रुकेश र क्षितिज तथा सुनिल र प्रिन्सबीत प्रतिस्पर्धा हुनेछ ।

महिलातर्फ शीर्ष १२ वरीयताको एकलमा समूह ‘ए’ बाट आर्मीकी रशिला महर्जन विजेता र पुलिसकी निता लम्साल उपबिजेता, समूह ‘बी’ बाट आर्मीकी अमिता गिरी विजेता र एपिएफकी शोभा गौचन उपबिजेता, समूह ‘सी’ बाट आर्मीकी अनुमाया राई विजेता र एपिएफकी सुनयना मुखिया उपविजेता, समूह ‘डी’ बाट एपिएफकी जेशिका गुरुङ विजेता र आर्मीकी प्राथना देउवा उपविजेताको रुपमा क्वाटरफाइनलमा प्रवेश गरेका छन् ।

रशिलाले नितालाई २१–१४ र २३–२१, अमिताले शोभालाई १३–२१, २१–१५ र २१–१५, अनुमायाले सुनयनालाई २१–१९ र २१–७ र जेशिकाले प्राथनालाई २१–१० र २२–२० ले पराजित गरे । अब क्वाटरफाईनलमा रशिला र सुनयना, जेशिका र शोभा गौचन, निता र अनुमाया तथा अमिता र प्राथनाबीच प्रतिस्पर्धा हुनेछ ।

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ । फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा […]

Success

Thank you for your time.