काठमाडौं (हाम्रो खेलकुद) – रातो बंगला र जेभियर इन्टरनेसनल कलेजले १०औं बर्नहार्ट कप प्लस टु अन्तरकलेज बास्केटबल प्रतियोगिताको उपाधि जितेका छन् ।
रातो बंगला ब्वाइज तथा जेभियर गल्र्समा च्याम्पियन बनेका हुन् । बल्खुस्थित आयोजक बर्नहार्ट कलेजको कोर्टमा मंगलबार भएको ब्वाइज फाइनलमा रातो बंगलाले टाइम्सलाई ४३–४१ ले पराजित ग¥यो । रातो बंगलाका रेवत सोनाम गुरुङले ११ अंक जोडे ।
गल्र्सको फाइनलमा जेभियरले गोल्डेनगेट इन्टरनेसनल कलेजलाई ३०–१६ ले हरायो । जेभियरका कृति चौधरी र सुभाना अधिकारीले समान ६–६ स्कोर गरे । ब्वाइजमा रातो बंगलाका रेवत सोनाम गुरुङ तथा गल्र्समा जेभियरकी कृति चौधरी ‘मोस्ट भेलुएबल प्लेयर’ घोषित भए ।
विजेतालाई बर्नहार्टका अध्यक्ष भुपेश चत्कुली, प्रबन्ध निर्देशक नवराज अधिकारीलगायतले एक कार्यक्रमबीच पुरस्कृत गरे ।
