काठमाडौं (हाम्रो खेलकुद) –पूर्वाञ्चल क्रिकेट एकेडेमीको आयोजनामा विराटनगरमा इन्डो–नेपाल टि–२० क्रिकेट प्रतियोगिता हुने भएको छ । आयोजकले आइतबार विराटनगरमा पत्रकार सम्मेलन गरि इन्डो–नेपाल टि–२० क्रिकेट चैत अन्तिममा गर्न लागेको जनाएको छ ।

एकाडेमीका अध्यक्ष नरेश श्रेष्ठले आफ्नी दिवगंत भइसकेको छोरी रिचा श्रेष्ठको स्मृतीमा पहिलो रिचा मेमोरियल टि–२० क्रिकेट प्रतियोगिता आगमी चैत्र २५ गतेदेखि विराटनगरको मेरिवल ज्वाला विराटनगर क्रिकेट मैदानमा हुने बताए ।

अध्यक्ष श्रेष्ठका अनुसार नेपालको विभागिय ३ टिम, सुदुरपचिम प्रदेशको १ टिम र कोशी प्रदेशका राजधानी विराटनगरका १ टिम र भारतको विभिन्न राज्यका ३ टिम सहभागी हुने बताएका छन् । प्रतियोगिता सम्पनन गर्न करिव ४० लाख खर्च हुने आयोजकले जनाएको छ।