काठमाडौं (हाम्रो खेलकुद) – १३औं दक्षिण एसियाली खेलकुद (साग) का दोहोरो स्वर्णपदक विजेता मण्डेकाजी श्रेष्ठ प्यारागन पब्लिक स्कुलको ब्रान्ड एम्वासडरमा नियुक्त भएका छन् ।
खेलकुदमार्फत राष्ट्रलाई पु¥याएको योगदानको कदर गर्दै काठमाडौंको तिलगंगा नजिक रहेको प्यारागन पब्लिक स्कुलले मन्डेलाई दुई वर्षसम्मको लागि ब्रान्ड एम्वासडरमा नियुक्त गरेको जनाएको छ । मन्डेले सन् २०१९ मा नेपालमा भएको १३औं सागमा करातेबाट दोहोरो स्वर्णपदक जितेका थिए ।
एम्बासडरमा नियुक्त भएसँगै मन्डेले मासिक रूपमा पारिश्रमिक पाउनुका साथै विभिन्न अन्तर्राष्ट्रिय प्रतियोगितामा सहभागिता जनाउँदा विद्यालयले सहयोग गर्ने सम्झौतामा उल्लेख छ ।
सम्झौता पत्रमा विद्यालयका तर्फबाट विद्यालयकी प्रधानाध्यापक बिना बानु तथा प्रबन्ध निर्देशक शाकिर उद्दिन र मण्डेकाजीले हस्ताक्षरगर्दै आदान–प्रदान गरे । मन्डेलाई ब्रान्ड एम्बासडरको रुपमा विद्यालयमा आबद्ध गराउन पाउँदा खुशी लागेको विद्यालयले जनाएको छ ।
यस्तै मण्डेकाजीले विद्यालयको ब्रान्ड एम्बासडर बनेर विद्यालयलाई सहयोग गर्न पाएकामा आफूलाई पनि धेरै नै खुसीको महसुस भएको बताए । ‘प्यारागन पब्लिक स्कुलले मलाई विद्यालयको खेलकुदको विकास गर्ने कार्यका साथै शैक्षिक गतिविधिमा समेत संलग्न गराई ब्रान्ड एम्बेसडरका रूपमा नियुक्त गरेकामा म विद्यालयप्रति हाद्धिक कृतज्ञता व्यक्त गर्दछु ।’ मन्डेले भने ।
विद्यालयले विभिन्न खेलकुदमा सहभागिता जनाउनुका साथै प्रतियोगिता पनि आयोजना गर्दै आइरहेको छ ।
