default_image

1 year ago

March 30, 2023

रवि पुनः शीर्षस्थानमा

105 views

0 Bookmark

काठमाडौं (हाम्रो खेलकुद) – सूर्य नेपाल गल्फ टुर २०२२–२३ अन्तर्गत छैटौं प्रतियोगिता सूर्य नेपाल च्यालेन्जको तेस्रो दिन रबि खड्का पुनः शीर्षस्थानमा उक्लन सफल भएका छन् ।

बिहीबार १–अन्डर ६७ को कार्ड बनाउँदा समग्रमा ३–अन्डर २ सय १ सहित रवि शीर्षस्थानमा उक्लिएका हुन् । पहिलो दिनका लिडर उनले साविक विजेता भुवन नगरकोटीलाई २ स्ट्रोकले पछि पारे।

१–अन्डर ६७ सहित समग्रमा १–अन्डर २०३ को स्कोरमा भुवन दोस्रो स्थानमा रहे । २–ओभर ७० मा तेस्रो दिनको खेल सकाएका भुवन कुमार रोक्का समग्रमा इभन–पार २ सय ४ सहित तेस्रो स्थानमा छन् ।

एमेच्योर खेलाडी सदभाव आचार्यले आज २–ओभर ७० मा खेल सकाए । समग्रमा १–ओभर २ सय ५ को नतिजामा चौंथो स्थानमा रहे । एमरच्योरतर्फ उनी शीर्षस्थानमा छन् । दिनेश प्रजापति समग्रमा २–ओभर २ सय ६ सहित पाँचौं स्थानमा रहे। उनले आज ३–ओभर ७१ मा खेल सकाए ।

नेपाल नम्बर एक एमरच्योर खेलाडी सुबास तामाङले खराब प्रदर्शन गर्दै ४–ओभर ७२ मा खेल सकाउँदा समग्रमा ३–ओभर २ सय ७ सहित छैटौं स्थानमा झरे । एमरच्योरतर्फ सुबाश सदभावभन्दा २ स्ट्रोकले पछि परेका छन् ।

समग्रमा ६–ओभर २ सय १० स्कोर जोडेका दीपक मगर र धन बहादुर थापाले संयुक्तरुपमा सातौं स्थान बाँडे । दीपकले ७–ओभर ७५ र दोस्रो दिनका लिडर धनले ९–ओभर ७७ को बिर्सनलायक प्रदर्शन गरे। यसैगरी जयराम श्रेष्ठ (६७), सञ्जय लामा (७०), शिवराम पौडेल (७२) र एमरच्योर खेलाडी युवराज भुजेल (७२) संयुक्तरुपमा नवौं स्थानमा छन् । उनीहरूले समग्रमा ८–ओभर २ सय १२ स्कोर गरे ।

रबिले फ्रन्ट नाइन इभन–पार ३४ मा सकाए । उनले पहिलो र चौंथो होलमा बर्डी प्रहार गर्दा आठौं र नवौं होलमा बोगीको सामना गरे । यसपछि १०औं, १३औं र १७औं होलमा एक–एक सट बचाए । तर ३–पारको १२औं होलमा डबल बोगी खेप्दा ब्याक नाइन १–अन्डर ३३ मा सकाए ।

भुवनले चौथो र आठौं होलमा बर्डी प्रहार गरे । सातौं र नवौं होलमा एक–एक सट खेर फाल्दै फ्रन्ट नाइन इभन–पार ३४ मा सकाए । ब्याक नाइन १–अन्डर ३३ मा पुरा गर्ने क्रममा १०औं, १२औं र १४औं होलमा तीन बर्डी प्रहार गरे । यस्तै ११औं र १७औं होलमा एक–एक सट प्रहार गरे ।

भुवन कुमार रोक्काले पहिलो होलमा बर्डी प्रहार गर्दा नवौं होलमा बोगीको सामना गर्दै फ्रन्ट नाइन इभन–पार ३४ मा सकाए । यसपछि दशौं र पन्ध्रौं होलमा एक–एक सट खेर फाले भने १२औं र १६औं होलमा बर्डी प्रहार गरे । तर ४–पारको १८औं होलमा डबल बोगी खेप्दै ब्याक नाइन २–ओभर ३६ मा पुरा गरे ।

सदभावले पहिलो होलमा बर्डी प्रहार गरे। नवौं होलमा एक सट खेर फाले र फ्रन्ट नाइन इभन–पार ३४ मा सकाए। ब्याक नाइन भने नाटकीय बन्यो। ११औं होलमा एक सट खेर फाल्दा ५–पारको १३औं होलमा इगलको सफलता प्राप्त गरे । तर ३–पारको १५औं होलमा ट्रीपल बोगी खेपे। १७औं होलमा एक सट बचाए पनि १८औं होलमा बोगी प्रहार गरे ।

प्रोफेसनल गल्फर्स एसोसिएसन नेपालद्वारा आयोजित र सुर्य नेपाल प्रालिको प्रायोजनमा जारी प्रतियोगितामा ३० प्रोफेसनल र ७ एमेच्योर गरी कुल ३७ खेलाडीले प्रतिस्पर्धा गरिरहेका छन् ।

कुल ५ लाख ४५ हजार नगद पुरस्कार राशीको प्रतियोगिताको विजेताले उपाधिसँगै १ लाख प्राप्त गर्नेछ । दोस्रो हुनेले ६५ हजार र तेस्रो हुनेले ४६ हजार प्राप्त गर्नेछन् । साथै उत्कृष्ट २१ र टाइमा पर्ने खेलाडीले पनि नगद पुरस्कार प्राप्त गर्नेछन् ।

May 18, 2024

सिता ललितपुर मेयर्स कपमा उत्कृष्ट खेलाडी घोषित

काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]

May 16, 2024

कोशीको अन्तिम खेलमा पहिलो जित

काठमाडौं (हाम्रो खेलकुद) – ललितपुर मेयर्स कप २०८१ को आफ्नो अन्तिम खेलमा कोशी प्रदेशले सान्त्वना जित दर्ता गरेको छ । पहिलो जित दर्ता गर्ने क्रममा कोशीले आयोजक ललितपुर मेयर्स-११ लागि ६ विकेटले पराजित गरेको हो । ललितपुरले दिएको ८९ रनको लक्ष्य कोशीले १८औं ओभरको अन्तिम बलमा ४ विकेट गुमाएर भेटायो । कोशिका लागि ओपनर काजल […]

May 11, 2024

गिल र सुदर्शनको शतकसहित गुजरातको जित

एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई‌ सहजै हराएको छ। गुजरातले चेन्नाई माथि ३५ रनको सहज जित दर्ता गर्यो । अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । […]

Success

Thank you for your time.