default_image

12 months ago

March 31, 2023

इतिहास रच्दै सद्भावले जिते सुर्य नेपाल च्यालेन्ज उपाधि

काठमाडौं (हाम्रो खेलकुद) – १६ वर्षे युवा गल्फर सद्भाव आचार्यले इतिहास रच्दै सुर्य नेपाल गल्फ टुर २०२२–२३ अन्तर्गत छैटौं प्रतियोगिता सुर्य नेपाल च्यालेन्जको उपाधि जितेका छन् । सद्भावले अन्तिम दिन ४–अन्डर ६४ को उत्कृष्ट स्कोर जोड्दा समग्रमा ३–अन्डर २ सय ६९ सहित उपाधि जितेका हुन् । उनले डिफेन्डिङ च्याम्पियन भुवन नगरकोटीलाई २ स्ट्रोकले माथ दिए […]

103 views

0 Bookmark

काठमाडौं (हाम्रो खेलकुद) – १६ वर्षे युवा गल्फर सद्भाव आचार्यले इतिहास रच्दै सुर्य नेपाल गल्फ टुर २०२२–२३ अन्तर्गत छैटौं प्रतियोगिता सुर्य नेपाल च्यालेन्जको उपाधि जितेका छन् ।

सद्भावले अन्तिम दिन ४–अन्डर ६४ को उत्कृष्ट स्कोर जोड्दा समग्रमा ३–अन्डर २ सय ६९ सहित उपाधि जितेका हुन् । उनले डिफेन्डिङ च्याम्पियन भुवन नगरकोटीलाई २ स्ट्रोकले माथ दिए ।

सद्भाव नेपाली गल्फमा सबैभन्दा कम उमेरमा सुर्य नेपाल टुरको प्रो टाइटल जित्ने खेलाडी बनेका छन् । १६ वर्ष १० महिनाका सदभावले नेपाल नम्बर एक एमरच्योर खेलाडी सुबास तामाङको कीर्तिमान तोडेका हुन् ।

सुवासले १६ वर्ष ११ महिनाको उमेरमा प्रो टाइटल जितेका थिए । उनले सन २०१९ मा भुवनलाई नै हराउँदै सुर्य नेपाल च्यालेन्ज जितेका थिए ।

अनुभवी गल्फर भुवन इभन–पार ६८ सहित समग्रमा १–अन्डर २ सय ६१ को नतिजामा दोस्रो भए । समग्रमा दोस्रो हुदा प्रोतर्फ भने उनी पहिलो भए । उनले नगद एक लाख प्राप्त गरे ।

तेस्रो दिनका लिडर रबि खड्काले ३–ओभर ७१ को खराब प्रदर्शन गरे । समग्रमा इभन–पार २ सय ७२ मा खेल सकाए । समग्रमा तेस्रो भएका उनले प्रोतर्फ दोस्रो बन्दै ६५ हजार हात पारे ।

नेपाल नम्बर एक एमरच्योर खेलाडी सुबास तामाङले अन्तिम दिन इभन–पार ६८ मा खेल सकाए । समग्रमा ३–ओभर २ सय ७५ को स्कोरमा चौथो भए । उनी एमरच्योरतर्फ दोस्रो भए।

३–ओभर ७१ को स्कोर बनाएका दिनेश प्रजापतिले समग्रमा ५–ओभर २ सय ७७ मा प्रतियोगिता सकाए। समग्रमा पाँचौ भएका उनले प्रोमा भने तेस्रो हुदै ४६ हजार प्राप्त गरेका छन् ।

समग्रमा ८–ओभर २ सय ८० सहित भुवन कुमार रोक्का र धन बहादुर थापाले संयुक्तरुपमा छैटौ स्थान बाँडे । भुवनले ८–ओभर ७६ को बिर्सनलायक प्रदर्शन गर्दा धनले २–ओभर ७० मा अन्तिम १८ होलको खेल सकाए्। प्रोतर्फ चौथो भएका दुवैले ३६ हजार हात पारे ।

भेट्रान गल्फर दीपक मगर र जय राम श्रेष्ठ समग्रमा १०–ओभर २ सय ८२ सहित संयुक्तरुपमा आठौं भए । दीपकले ४–ओभर ७२ र जय रामले २–ओभर ७० मा खेल सकाए । प्रो तर्फ छैटौ भएका दुवैले २८ हजार ५ सय प्राप्त गरे ।

समग्रमा ११–ओभर २ सय ८३ को नतिजामा सञ्जय लामा दशौं भए । उनले आज ३–ओभर ७१ मा खेल सकाए । प्रोतर्फ आठौं भएका उनलाई २४ हजार प्रदान गरियो ।

अन्तिम १८ होलको सुरूवात गर्दा तेस्रो दिनका लिडर रबि भन्दा चार स्ट्रोकले पछि परेका युवा गल्फर सदभावले परिपक्व खेल खेले । फ्रन्ट नाइन २–अन्डर ३२ मा सकाए । दोस्रो, चौथो र आठौं होलमा बर्डीको सफलता प्राप्त गरे ।

३–पारको तेस्रो होलमा एक सट खेर फाले । यसपछि दशौं होलमा बोगी खेपे । उनलाई डिफेन्डिङ च्याम्पियन भुवनले कडा चुनौती दिरहेका थिए । तर सदभावले बिना दबाब १३औं, १६औं र १७औं गोलमा बर्डी प्रहार गर्दा दिनको उत्कृष्ट स्कोर कार्डका साथ पहिलो पटक प्रो र एमरच्योर दुवैतर्फको उपाधि जिते ।

उपाधि जितेपछि खुशी बनेका सदभावले भारतको तरूण सरदेशाई एकेडेमीको प्रशिक्षण र अभिभावकको साथले यो सफलता प्राप्त गरेको बताए ।

भुवनले २–अन्डर ३२ मा फ्रन्ट नाइन सकाउने क्रममा उनले पहिलो, तेस्रो र चौथो होलमा बर्डी प्रहार गर्दा पाँचौ होलमा बोगी खेपे । ब्याक नाइनमा लय गुमाएका उनले १०औं, १२औं,१४औं र १८औं होलमा एक–एक सट खेर फाले । ११औं र १३औं होलमा बर्डी प्रहार गर्दै ब्याक नाइन २–ओभर ३६ मा सकाए ।

पहिलो र तेस्रो दिन शीषस्थानमा रहेका रबिले अन्तिम दिन खराब प्रदर्शन गरे । सुरूवात राम्रो गर्दै पहिलो दोस्रो र चौथों होलमा बर्डी प्रहार गरे । तर सातौ होलमा डबल बोगी खेपेपछि उनले लय गुमाए ।

लगतै आठौं र नवौं होलमा बोगीको सामना गर्दा फ्रन्ट नाइन १–ओभर ३५ मा पुरा गरे । यसपछि दशौं र १६औं होलमा एक–एक सट बचाए पनि १२औं र १५औं होलमा बोगी प्रहार मात्र गरेनन् । अन्तिम होलमा दिनको दोस्रो डबल बोगी खेपे ।

प्रोफेसनल गल्फर्स एसोसिएसन नेपालद्वारा आयोजित र सुर्य नेपाल प्रालिको प्रायोजनमा प्रतियोगितामा ३० प्रोफेसनल र ७ एमेच्योर गरी कुल ३७ खेलाडीले प्रतिस्पर्धा गरेका थिए ।

कुल ५ लाख ४५ हजार नगद पुरस्कार राशीको प्रतियोगिताका विजयी खेलाडीहरुलाई सुर्य नेपाल प्रालिका मार्केटिङ भाइस प्रेसिडेन्ट दीप्रा लहिरी, पिजिए नेपालका अध्यक्ष रबिन्द्रमान श्रेष्ठ, नेपाल गल्फ संघका अध्यक्ष टासी घले र रोयल नेपाल गल्फ क्लबका अध्यक्ष मधुकर याकथुम्बाले पुरस्कार वितरण गरे ।

March 18, 2024

गण्डकीको पहिलो जित

काठमाडौं (हाम्रो खेलकुद) – गण्डकी प्रदेशले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ पहिलो जित दर्ता गरेको छ । पहिलो खेलमा विभागीय त्रिभुवन आर्मी क्लबसँग सोझो सेटमा पराजित भएको गण्डकीले मणि मुकुन्द भलिबल क्लब बुटवललाई ३–१ को सेटमा पराजित गर्दै पहिलो जित दर्ता गरेको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा […]

March 18, 2024

पुलिस समूह विजेता बन्दै क्वाटरफाइनलमा

काठमाडौं (हाम्रो खेलकुद) – विभागीय नेपाल पुलिस क्लब समूह ‘सी’ को विजेता बन्दै आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फको क्वाटरफाइनलमा प्रवेश गरेको छ । समूह चरणको अन्तिम खेलमा बुढानिलकण्ठ भलिबल क्लबलाई ३–० को सोझो सेटमा पराजित गर्दै समूह विजेताको रुपमा पुलिसले अन्तिम आठमा स्थान सुरक्षित गरेको हो । पुलिससँगको हारको बावजुत पनि […]

March 18, 2024

एपिएफमाथि डायमण्डको जित

काठमाडौं (हाम्रो खेलकुद) – चन्द्रागिरी नगरपालिका न्यु डायमन्डले आठौं आरबीबी एनभिए महिला तथा पुरुष भलिबल च्याम्पियनसिपको महिलातर्फ विभागीय नेपाल एपिएफ क्लबलाई पराजित गर्दै विजयी सुरुवात गरेको छ । डायमण्डले उपाधि दावेदार एपिएफमाथि ३–१ को सेटमा जित निकालेको हो । खेलको सुरुवातदेखि नै उच्च प्रदर्शन गरेको डायमण्डले त्यही प्रदर्शनलाई निरन्तरता दिदा सफलता हात पारेको हो । […]

Success

Thank you for your time.