default_image

1 year ago

April 2, 2023

गण्डकी ढोरपाटन भलिबलको सेमिफाइनलमा

302 views

0 Bookmark

काठमाडौं (हाम्रो खेलकुद) – गण्डकी प्रदेशको पुरुष भलिबल टोली काठमाडौंमा जारी छैटौं ढोरपाटन पुरुष भलिबल च्याम्पियनसिपमा दोहोरो सफलता हात पार्दै एक खेल बाँकी छँदै सेमिफाइनलमा प्रवेश गरेको छ ।

नयाँ बसपार्कस्थित ढोरपाटन भलिबल प्रशिक्षण केन्द्रको मैदानमा आइतबार गण्डकीले नेपाल गणतान्त्रिक खेलकुद महासंघलाई २५–१८, २८–२६ र २५–१४ ले तथा दोस्रो खेलमा किङ्स क्लब काठमाडौंमाथि ३–२ को रोमाञ्चक र प्रतिस्पर्धात्मक जित निकाल्दै एक खेल बाँकी छँदै समुह ‘ए’ बाट सेमिफाइनलमा पुगेको हो ।

पहिलो सेट २२–२५ ले गुमाएको गण्डकीले दोस्रो सेट २५–२० ले जित्न सफल भयो । तेस्रो सेट २३–२५ ले गुमाएको गण्डकीले चौथो सेट २५–१८ ले जित्दै खेललाई पाँचौ सेटमा लम्ब्याए । निर्णायक तथा अन्तिम सेटमा गण्डकीले १५–११ को जित निकाल्न सफ भयो ।

गण्डकीको दोहोरो जितले आर्मी पनि एक खेल बाँकी छँदै सेमिफाइनलमा पुगेको छ । अब यि दुई टोलीबीच सोमबार हुने खेलले समूह विजेताको निर्धारण गर्नेछ । यो समूहबाट किङ्स क्लब, हिमरश्मी, र गणतान्त्रिक बाहिरिएको छ ।

अर्काे खेलमा पुलिसले पहिलो खेलमा मणि मुकुन्द क्लबलाई २५–१३, २५–१७ र २५–७ ले तथा दोस्रो खेलमा न्युटन भलिबल एकेडेमीलाई २५–१२, २५–१९ र २५–१३ ले पराजित गर्यो । अर्काे खेलमा ढोरपाटनले मणि मुकुन्दलाई २५–१७, २५–१८, ३७–३९ र २५–१६ को सेटमा पराजित गर्न सफल भयो ।

च्याम्पियनसिपमा सोमबार समूह चरणका अन्तिम तीन खेलमा प्रतिस्पर्धा हुनेछ । यस खेलपछि सेमिफाइनल पुग्ने चार टोलीको टुंगो लाग्नेछ । च्याम्पियनसिपमा ११ टोलीको सहभागिता रहेको छ । सहभागी टोलीलाई दुई समूहमा विभाजन गरिएको छ । हरेक समूहका शीर्ष दुई टोलीले सेमिफाइनलमा स्थान पक्का गर्नेछ । फाइनल २२ चैतमा हुनेछ ।

च्याम्पियनसिपको विजेताले २ लाख ५० हजार, कप र मेडल प्राप्त गर्नेछ । दोस्रो हुनेले १ लाख २५ हजार, कप र मेडल प्राप्त गर्नेछ । तेस्रो हुनेले ६५ हजार, कप र मेडल प्राप्त गर्नेछ । च्याम्पियनसिपको सर्वाेत्कृष्ट खेलाडीले १० हजार रुपैया प्राप्त गर्नेछ ।

व्यक्तिगत विधातर्फ स्पाइकर, सेटर, ब्लकर, सर्भर, डिफेन्डर र प्रशिक्षकले समान ५ हजार रुपैयाँ प्राप्त गर्नेछ । प्रशिक्षण ट्रेनिङ गरेका प्रशिक्षकलाई मात्रै उत्कृष्ट प्रशिक्षक प्रदान गरिने आयोजकले जनाएको छ ।

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ । फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा […]

Success

Thank you for your time.