default_image

1 year ago

May 9, 2023

प्रतिभा, कृपा र सरस्वती अन्तिम छनोटमा परेनन्

311 views

0 Bookmark

काठमाडौं (हाम्रो खेलकुद) – राष्ट्रिय टोलीका सदस्यद्धय स्पाइकर प्रतिभा माली, सेटर कृपा अधिकारीसँगै लिवेरो सरस्वती जैशी जेठ दोस्रो सातादेखि नेपालमा आयोजना हुने एनएससी काभा महिला भलिबल च्यालेन्ज कपको अन्तिम टोलीबाट बाहिरिएका छन् ।

नेपाल भलिबल संघले मंगलबार अन्तिम १४ सदस्यीय टोलीको घोषणा गर्दा राष्ट्रिय टोलीका भरपर्दा स्पाइकर प्रतिभा, सेटर कृपा अधिकारी र लिवेरो सरस्वती जैशी टोलीबाट बाहिरिएका हुन् ।

चोटका कारण प्रतिभा टोलीमा नपर्दा आर्मीकी कप्तान कृपा अधिकारी र लिबेरो सरस्वती जैशीले पनि काभा च्यालेन्ज कपमा स्थान बनाउन असफल भएका हुन् ।

प्रतिभा, कृपा र सरस्वती बाहिरिदा मिडल ब्लकर कविता भट्ट, मिडल ब्लकर संगम महतो, सेटर प्रगति नाथ, स्पाइकर रिमा कुँवर, पुजा चौधरी र लिवेरो शान्ति कला तामाङ पहिलोपटक टोलीमा पर्न सफल भएका छन् ।

स्पाइकर निरुता ठगुन्ना र पुनम चन्दले टोलीमा पूनरागमन गरेका छन् । कप्तान अरुणा शाही, सरस्वती चौधरी, साफिया पुन, उषा भण्डारी, कामना विष्ट र सलिना श्रेष्ठ टोलीका पूराना खेलाडी हुन् ।

नेपाल भलिबल संघले फागुन ७ गतेबाट २१ सदस्यीय टोलीबाट प्रशिक्षण सुरु गरेको थियो । प्रशिक्षण दौरान नै प्रतिभाले चोट बोक्न पुगेका थिए । प्रशिक्षण दौरान नै उनको शल्यक्रिया गरिएको थियो । संघले दोस्रो चरणमा १७ खेलाडीलाई बन्द प्रशिक्षणमा राखेको थियो ।

एनएससी काभा महिला च्यालेन्ज कप जेठ ८ देखि १४ गतेसम्म त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा हुनेछ । च्यालेन्ज कपमा ८ राष्ट्रको सहभागिता रहेको छ ।

आयोजक तथा घरेलु टोली नेपालले जेठ ८ मा कीर्गिस्तानसँग खेल्दै काभा महिला भलिबल च्यालेन्ज कपको सुरुवात गर्नेछ । सोही दिन उज्वेकिस्तान र श्रीलंका, बंगलादेश र भारत तथा माल्दिभ्स र काजकिस्तानबीच खेल हुनेछ ।

सात दिने प्रतियोगिताको सुरुवाती तीन दिन ४ खेल र बाँकी ४ दिन दुई खेल हुनेछन् । नेपालले जेठ ९ गते बंगलादेशसँग, र जेठ १० गते भारतसँग खेल्नेछ । समूह एमा नेपालसँगै भारत, बंगलादेश र कीर्गिस्तान रहेको छ । अर्को समूहमा उज्वेकिस्तान, श्रीलंका, माल्दिभ्स र काजकास्तान रहेका छन् ।

दुई समूहको राउन्ड रोविन लिगपछि शीर्ष २ टोलीले सेमिफाइनलमा र पुछारमा रहेका दुई टोलीले वरियताका लागि प्रतिस्पर्धा गर्नेछन् । च्यालेन्ज कपमा कुल २० खेल हुनेछ । च्यालेन्ज कपको प्रत्यक्ष प्रसारण हाम्रो खेलकुद डटकम र कान्तिपुर टेलिभिजनले गर्नेछन् ।

१४ सदस्यीय नेपाली टोली
अरुणा शाही (कप्तान), सरस्वती चौधरी (स्पाइकर), निरुता ठगुन्ना (स्पाइकर), कविता भट्ट (मिडल ब्लकर), पुजा चौधरी (स्पाइकर), सलिना श्रेष्ठ (लिवेरो), प्रगति नाथ (सेटर), रिमा कुँवर (स्पाइकर), साफिया पुन (मिडल ब्लकर), संगम महतो (मिडल ब्लकर), उषा भण्डारी (स्पाइकर), कामना विष्ट (स्पाइकर), पुनम चन्द (स्पाइकर) र शन्तिकला तामाङ (लिवेरो)

June 21, 2024

अस्ट्रेलियामा सर्वाधिक धनराशीको भलिबल प्रतियोगिता हुने

सिड्नी – अस्ट्रेलियाको मेलबर्नमा सर्वाधिक धनराशीको पुरुष भलिबल प्रतियोगता ‘ग्लोबल मिट कप २०२४’ आयोजना हुने भएको छ । एलिट गोर्खा स्पोर्ट्स क्लबको आयोजना तथा ग्लोबल मिट एजुकेशन एण्ड भिषा सर्भिसको मुख्य प्रायोजनमा खुल्ला पुरुष तथा ३५ बर्षमाथि गरि दुई विधाको ‘ग्लोबल मिट कप २०२४’ आगामी जुन ३० तारिखमा हुन लागेको हो । एक दिने प्रतियोगिता […]

June 20, 2024

चर्च ब्वाइजले एएफसी च्यालेन्ज लिग प्रारम्भिक छनोटमा पारो एफसी विरुद्ध खेल्ने

काठमाडौं (हाम्रो खेलकुद) – पछिल्लो सिजन सहिद स्मारक ए डिभिजन लिग विजेता टोली चर्च ब्वाइज युनाइटेड एसियाली फुटबलको तेस्रो तहको महाद्वीपीय प्रतियोगिता एएफसी च्यालेन्ज लिगबाट एक जित टाढा रहेको छ । एएफसीले सार्वजनिक गरेको छनोट यात्रा अनुसार चर्च ब्वाइजले भुटानी लिग विजेता पारो फुटबल क्लब विरुद्धको छनोट खेल आयोजना गर्ने भएको हो । खेल अगस्ट […]

June 17, 2024

बंगलादेशविरुद्ध जितका लागि नेपाललाई १ सय ७ रनको लक्ष्य

किंग्सटाउन (हाम्रो खेलकुद) – आइसिसी टि-२० विश्वकप अन्तर्गत समूह चरणको अन्तिम खेलमा नेपालले टेस्ट राष्ट्र बंगलादेश विरुद्ध १ सय ७ रनको लक्ष्य पाएको छ । टस हारेर पहिला ब्याटिङको निम्तो पाएको बंगलादेशले निर्धारित २० ओभरमा विकेट गुमाउँदै १ सय ६ रन बनाएपछि नेपालले सो लक्ष्य पाएको हो । दक्षिण अफ्रिका विरुद्ध १ रनको झिनो हार […]

Success

Thank you for your time.