काठमाडौं (हाम्रो खेलकुद) – काठमाडौं ११ स्वर्ण, ११ रजत र ८ कास्यसहित दोश्रो बागमती प्रदेश प्रतियोगिता अन्तरगत पौडीमा पहिलो भएको छ ।
दोश्रो स्थानमा रहेको ललितपुरको ७ स्वर्ण, ७ रजत र १० कास्य जित्यो । पुरुषतर्फ ललितपुरका अनुभव सुब्बा र महिलामा काठमाडौंकी आर्या महर्जनले समान ३ स्वर्ण जितिन् ।
प्रदेश खेलकुद विकास परिषद्, बागमती प्रदेशको आयोजनामा भएको प्रतियोगिताको पुरुष ५० मिटर ब्रेष्टस्ट्रोकमा ललितपुरका सेरेन सिंहले स्वर्ण हात पारे । काठमाडौकै जाडेन श्रेष्ठले रजत र गौरव लामाले कास्य पदक पाए ।
महिलामा काठमाडौंकी रोयल प्रजापतीले स्वर्ण, काठमाडौंकी अदिप्सा बैद्यले रजता तथा ललितपुरकी उपास्ती महर्जनले कास्य पाए ।
अन्तर्राष्ट्रिय खेलकुद परिसरको पौडी पोखरीमा भएको प्रतियोगिताको १०० मिटर ब्याकस्ट्रोक पुरुषमा काठमाडौंका जाडेन श्रेष्ठ र महिलामा काठमाडौकै आर्या महर्जनले स्वर्ण जिते ।
ललितपुरका अभिर प्रधान र काठमाण्डौका गौरव लामाले रजत र कास्य पाए । यस्तै महिलामा काठमाडौंकी राभ्या श्रेष्ठ र ललितपुरकी आर्जु थापा मगरले रजत र कास्य पाए ।
२०० मिटर फ्रिस्टायल पुरुषमा काठमाडौंका सनिल कुमार थापा मगरले स्वर्ण, काठमाडौंका युभान लाल श्रेष्ठले रजत तथा ललितपुरका उर्गेन महर्जनले कास्य पाए ।
महिलामा काठमाडौंकी आर्या महर्जनले स्वर्ण, काठमाडौंकी अदिप्सा बैद्यले रजत तथा ललितपुरकी श्रेवी मजर्हनले कास्य पाए । ५० मिटर बटरफ्लाईमा ललितपुरले एकलौटी बाजी मा¥यो ।
ललितपुरका अनुभव सुब्बाले स्वर्ण जिते । ललितपुरका अल्भिन महर्जन र सेरेन सिंहले रजत र कास्य पाए । महिलामा ललितपुरले तीन वटै मेडल हात पा¥यो । रोसा न्यौपानेले स्वर्ण, आर्जु थापा मगरले रजत र काभ्या श्रेष्ठले कास्य पाए ।
५० मिटर फ्रिस्टायल पुरुषमा ललितपुरले ३ वटै मेडल कब्जा ग¥यो । अनुभव सुब्बाले स्वर्ण, सेरेन सिंहले रजत र अल्भिन महर्जनले कास्य पाए ।
महिलामा काठमाडौंकी रोयल प्रजापतीले स्वर्ण, काठमाडौंकी आर्या महर्जनले रजत र ललितपुरकी उपास्ती महर्जनले कास्य पाए । १८ स्वर्ण पदकका लागि भएको प्रतियोगितामा पहिलो दिन ८ स्वर्ण र दोश्रो दिन १० स्वर्ण पदकका लागि प्रतिस्पर्धा भएको थियो ।
