default_image

10 months ago

May 27, 2023

मोन्टि नेपाल आएर दक्षिण अफ्रिका जाने

काठमाडौं (हाम्रो खेलकुद) – नेपाली क्रिकेट टोलीको मुख्य प्रशिक्षक मोन्टि देशाई नेपाल आएर दक्षिण अफ्रिका जाने भएका छन् । स्वदेश फर्किएका मोन्टि उतैबाट दक्षिण अफ्रिका जाने कार्यक्रम रहेपनि भारतबाट भिसा नलागेपछि नेपाल आएर जाने नेपाल क्रिकेट संघ (क्यान) का अध्यक्ष चतुरबहादुर चन्दले हाम्रो खेलकुदलाई जानकारी दिए । ‘मोन्टिको उताबाट भिसा भएन । नेपाल बुधबार दक्षिण […]

123 views

0 Bookmark

काठमाडौं (हाम्रो खेलकुद) – नेपाली क्रिकेट टोलीको मुख्य प्रशिक्षक मोन्टि देशाई नेपाल आएर दक्षिण अफ्रिका जाने भएका छन् । स्वदेश फर्किएका मोन्टि उतैबाट दक्षिण अफ्रिका जाने कार्यक्रम रहेपनि भारतबाट भिसा नलागेपछि नेपाल आएर जाने नेपाल क्रिकेट संघ (क्यान) का अध्यक्ष चतुरबहादुर चन्दले हाम्रो खेलकुदलाई जानकारी दिए ।

‘मोन्टिको उताबाट भिसा भएन । नेपाल बुधबार दक्षिण अफ्रिका जान्छ । त्यसैले मोन्टि नेपाल आएर जान्छन्’, चन्दले भने । उता क्यानका कार्यवाहक सचिव दुर्गाराज पाठकले देशाइ सोमबार नेपाल आउने बताए । ‘मोन्टि सोमबार आउने कुरा छ । हामी बुधबार दक्षिण अफ्रिका जान्छौं । त्यहाँ दक्षिण अफ्रिका घरेलु टोलीसँग अभ्यास खेल्न कुरा पनि भएको छ । तर टुङ्गो भने लागेको छैन’, पाठकले भने ।

नेपालले दक्षिण अफ्रिकामा आगमी महिना जिम्बावेमा हुने आइसिसी एकदिवसीय विश्वकप छनोटको अन्तिम तयारीको लागि जानेछ । नेपालले नेदरल्यान्ड्स र स्कटल्यान्डसँग वार्मअप खेल खेल्नेछ । नेपालले अन्तिम टोली भने घोषणा गरेको छैन । एक साता अघि नेपालले २२ सदस्य टोली बन्द प्रशिक्षणमा बोलाएको थियो । उक्त टोलीबाट नेपालले अन्तिम १५ सदस्य टोली घोषणा गर्दै दक्षिण अफ्रिका जानेछ । नेपालले भने मोन्टि बिनानै प्रशिक्षण गर्दै आएको छ ।

मोन्टि गत माघमा नेपालको मुख्य प्रशिक्षकमा नियुक्त भएका थिए । उनको मुख्य प्रशिक्षकमा नेपालले ओडिआई मान्यता, विश्वकप छनोट र एसिसी प्रिमियर कपको उपाधि जित्दै एसिया कपमा स्थान बनाएको छ । नेपालले दक्षिण अफ्रिकाबाट जेठ १८ मा जिम्बावे जानेछ । त्यसको एक दिनपछि नेपालले युएईसँग वार्मअप खेल खेल्नेछ ।

नेपालले जेठ ३० मा युएई र जेठ ३२ मा ओमानसँग वार्मअप खेल खेल्नेछ । नेपाल जेठ १८ मा दक्षिण अफ्रिका जानेछ । एक हप्ताको तयारीपछि नेपाल जेठ २८ मा जिम्बावे लाग्नेछ ।

नेपालले दक्षिण अफ्रिकामा नेदरल्यान्ड्स र स्कटल्यान्डसँग वार्मअप खेल खेल्ने कार्यक्रम छ । नेपालले विश्वकप छनोट अघि खेल्ने चारै वार्मअप खेल एसोसिएट टोलीविरुद्ध हुनेछन् । प्रतियोगिता समूह ए मा नेपाल, वेस्टइन्डिज, जिम्बावे, अमेरिका र नेदरल्यान्ड्स छन् ।

समूह बी मा आयरल्यान्ड, श्रीलंका, युएई, स्कटल्यान्ड र ओमान छन् । प्रतियोगिता असार ३ देखि २४ (जुन १८ देखि जुलाई ९) सम्म जिम्बावेमा हुनेछ । नेपालले पहिलो खेल असार ३ मा (जुन १८) मा जिम्बावेसँग खेल्दै सुरुवात गर्नेछ । शीर्ष तीन टोली सुपर सिक्समा स्थान बनाउने छन् । सुपर सिक्समा अर्का समूहबाट आउने तीन टोलीसँग प्रतिस्पर्धा गर्नेछन् । सुपर सिक्समा समूह चरणको अंक पनि गणना हुने भएकाले आफ्नो समूहका टोलीसँग खेल्नु पर्दैन । अन्त्यमा शीर्ष दुई टोलीले विश्वकपमा स्थान बनाउनेछन् ।

बन्द प्रशिक्षणमा बोलाएको नेपालको २२ सदस्य टोली :

कुशल भुर्तेल, आशिफ शेख, ज्ञानेन्द्र मल्ल, रोहित पौडेल (कप्तान), कुशल मल्ल, आरिफ शेख, दीपेन्द्र सिंह ऐरि, गुलसन झा, सोमपाल कामी, करण केसी, सन्दीप लामिछाने, भीम सार्की, प्रतिश जि।सी, ललित राजवंशी, अर्जुन साउद, सन्दीप जोरा, देव खनाल, किशोर महतो, सुर्य तामाङ, कमलसिंह ऐरी, श्याम ढकाल (मौसम) र अभिनाश बोहरा ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.