default_image

9 months ago

May 31, 2023

भारतका सुमितलाई एमेच्योर गल्फ उपाधि, सुवास एक स्ट्रोकले पराजित

काठमाडौं (हाम्रो खेलकुद) – नेपाल नम्बर एक एमेच्योर गल्फर सुबास तामाङलाई एक स्ट्रोकले हराउँदै भारतका सुमित कोटवालले नवौं संस्करणको नेपाल एमेच्योर ओपन गल्फ प्रतियोगिताको उपाधि जितेका छन् । गोकर्ण गल्फ क्लबमा बुधबमर भएको प्रतियोगिताको अन्तिम दिन १–अन्डर ७१ को स्कोरमा सुमितले समग्रमा १३–अन्डर २ सय ३ को नतिजामा उपाधि जितेका हुन् । पहिलो दिनका लिडर […]

171 views

0 Bookmark

काठमाडौं (हाम्रो खेलकुद) – नेपाल नम्बर एक एमेच्योर गल्फर सुबास तामाङलाई एक स्ट्रोकले हराउँदै भारतका सुमित कोटवालले नवौं संस्करणको नेपाल एमेच्योर ओपन गल्फ प्रतियोगिताको उपाधि जितेका छन् ।

गोकर्ण गल्फ क्लबमा बुधबमर भएको प्रतियोगिताको अन्तिम दिन १–अन्डर ७१ को स्कोरमा सुमितले समग्रमा १३–अन्डर २ सय ३ को नतिजामा उपाधि जितेका हुन् । पहिलो दिनका लिडर सुवासले २–अन्डर ७० को कार्डसहित समग्रमा १२–अन्डर २ सय ४ सहित मात्र एक स्ट्रोकले पछि पर्दै दोस्रो भए ।

युवा गल्फर सदभाव आचार्यले दिनकै उत्कृष्ट ३–अन्डर ६९ को स्कोर बनाए । समग्रमा १०–अन्डर २सय ६ सहित तेस्रो भए । भारतीय बरूण मुथाप्पाले इभन–पार ७२ मा खेल सकउँदा समग्रमा २–अन्डर २ सय १४ सहित चौथो स्थानमा खेल सकाए ।

समग्रमा १–ओभर २ सय १७ सहित भुटानका उगेन दोर्जी र नेपालका टासी छिरिङ संयुक्त रुपमा पाँचौ भए । समग्रमा ३–ओभर २ सय १८ को स्कोरमा नेपालका वाङचेन ढोन्डुप सातौं हुँदा बंगलादेशका मोहम्मद सुमोन आठौं भए । उनले समग्रमा ३–ओभर २ सय १८ स्कोर गरे ।

त्यसैगरी समग्रमा १०–ओभर २ सय २६ सहित भारतका सुरज जोशी, बंगलादेशका सफिकुल इस्लाम र पाकिस्तानका उमैर सलिमले संयुक्तरुपमा १०औं स्थान बाँडे ।

दोस्रो दिनका लिडर भारतीय सुमितसँग अन्तिम १८ होलको सुरूवात गर्दा दुई स्ट्रोकको अग्रता थियो । सुमितले फ्रन्ट नाइन १–ओभर ३७ मा सकाए ।

पहिलो, तेस्रो र छैटौं होलमा एक–एक सट बचाए । तर दोस्रो, पाँचौ, सातौं र आठौं होलमा बोगी खेपे । यो स्कोरमा सुमितलाई सुवासले फ्रन्ट नाइनमा एक स्ट्रोकले पछि समेत पारेका थिए ।

तर यसपछि ब्याक नाइनमा सुमितले १२औं, १३औं, १४औं र १५औं होलमा बर्डीको सफलता प्राप्त गरे । १७औं र १८औं होलमा एक–एक सट खेर फाले । ब्याक नाइन २–अन्डर ३४ मा पुरा गर्दै एक स्ट्रोकको जितका साथ च्याम्पियन बने ।

टिममा स्वर्ण जितिसकेका सुवासले व्यक्तिगततर्फ पनि स्वर्ण जित्ने अपेक्षा गरिएको थियो । सोही अनुरूप फ्रन्ट नाइन २–अन्डर ३४मा सकाए । चौथो, पाँचौ र छैटौं होलमा बर्डी प्रहार गरे भने सातौं होलमा एक सट खेर फाले ।

ब्याक नाइनमा सुवासले लय गुमाए । १२औं होलमा एक सट बचाए तर १७औं होलमा डबल बोगीको सामना गरे । यो नै हारको कारण बन्यो । यसपछि १८औं होलमा बर्डी प्रहार गरे र ब्याक नाइन इभन पार ३६मा सकाउँदै दोस्रो स्थानमा चित्त बुझाए ।

सदभावले फ्रन्ट नाइन ३–अन्डर ३३ मा पुरा गरे । पहिलो र तेस्रो होलमा बर्डी प्रहार गरेका उनले पाँचौं होलमा बोगी खेपे । तर ५–पारको सातौं होलमा इगलको सफलता प्राप्त गरे । यसपछि १५औं होलको बर्डी र १८औं होलको बोगीले ब्याक नाइन इभन–पार ३६ मा सकाए ।

महिलातर्फ कश्मिरा शाहले उपाधि जितिन् । ४–ओभर ७६ को स्कोरमा उनले समग्रमा १८–ओभर २ सय ३४ सहित ५ स्ट्रोकको अग्रतामा उपाधि जितिन् । सुष्मा सिग्देल दोस्रो भईन् । ६–ओभर ७८सहित समग्रमा २३–ओभर २ सय ३९ को स्कोर गरिन् । २ सय ७२ सहित आईन्स्टिना टण्डनले तेस्रो स्थान हात पारिन् ।

प्रतियोगिताको टिमतर्फ नेपालले स्वर्ण, भारतले रजत र भुटानले कास्य पदक प्राप्त ग¥यो । यो प्रतियोगितामा सुवासले एक–एक स्वर्ण र रजत तथा सदभावले दुई रजत नेपाललाई दिलाए ।

विजयी खेलाडीहरुलाई राष्ट्रिय खेलकुद परिषदका सदस्य सचिव टंकलाल घिसिङ, माउन्टेन स्पोर्टस फाउन्डेसनका अध्यक्ष गोबिन्द भट्टराई, नेपाल गल्फ संघका अध्यक्ष टासी घले, उपाध्यक्षद्वय पवित्रकुमार कार्की र फुर्साङ लामाले पुरस्कृत गरे ।

नेपाल गल्फ संघ र नेपाल पर्यटन बोर्डको संयुक्त आयोजनामा सम्पन्न प्रतियोगितामा नेपाल, बंगलादेश, भुटान, भारत र पाकिस्तानका ५१ खेलाडीको सहभागिता रहेको थियो ।

प्रतियोगितालाई राष्ट्रिय खेलकूद परिषद्, बागमती प्रदेश खेलकुद विकास बोर्ड, गोकर्ण फरेस्ट गल्फ रिसोर्ट र होटल रोयल सिंगीको सहयोग रहेको थियो ।

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

February 19, 2024

दीलिप राणा स्मृति भेट्रान फुटबल – अभिषेक चर्च र चितवन निलो विजयी

सुशिल पन्त क्षेत्री, भरतपुरस्व. दीलिप राणा स्मृति अन्तर्राष्ट्रिय आमन्त्रण चितवन भेट्रान कप सुरु भएको छ । चितवन भेट्रान फुटबल क्लबको आयोजनामा सोमबार सुरु भएको प्रतियोगितामा अभिषेक चर्च रजहर र आयोजक निलोले विजयी सुरुवात गरेको छ । पहिलो खेलमा अभिषेक चर्च रजहरले वीरगन्ज सिटी भेट्रानलाई २-१ ले हरायो । अभिषेक चर्चको जितमा हरिप्रसाद पाण्डे र कप्तान […]

February 19, 2024

नामिबियामाथि नेदरल्याण्ड्सको सहज जित

काठमाडौं (हाम्रो खेलकुद) – आफ्नो पहिलो खेलमा नेपाल विरुद्ध हार बेहोरेको नेदरल्याण्ड्सले आईसिसि लिग-२ अन्तर्गत आफ्नो दोस्रो खेलमा सहज जित दर्ता गरेको छ । टियु क्रिकेट मैदानमा सोमबार नेदरल्याण्ड्सले नामिबियालाई ७ विकेटले हराएको हो । १२४ रनको झिनो लक्ष्य पछ्याएको नेदरल्याण्ड्सले २७.२ ओभरमा ३ विकेट गुमाएर पुरा गर्यो । नेदरल्याण्ड्सका लागि ओपनर माइकल लेभिटले ८१ […]

Success

Thank you for your time.