1 year ago
July 17, 2023
एजेन्सी – अर्जेन्टिनाका कप्तान सुपर स्टार लियोन मेस्सीले अमेरिकाको मेजर सकर लिग टोली इन्टर मायमीबाट खेल्ने औपचारिकता पूरा भएको छ ।
बार्सिलोनामा लामो खेल जीवन बिताएका मेस्सी पछिल्लो दुई सिजन फ्रेन्च क्लब पेरिस सेन्ट जर्मेन (पिएसजी) मा रहेका थिए । गत वर्ष अर्जेन्टिनाका लागि विश्व कप जितेका मेस्सीलाई इन्टर मायमीले आइतबार हजारौं समर्थकका बीच स्वागत गरेको थियो । यद्दपी मायमी फोर्ट लाउडेरडाले क्षेत्रमा परेको आँधीका कारण कार्यक्रम पूर्व निर्धारित समय भन्दा ढिला भएको थियो ।
मेस्सीको आबद्धता मेजर सकर लिगको एतिहहासमा सबैभन्दा ठूलो सरुवाका रुपमा लिइएको छ । डिआरभी पिएनके रंगशालामा समर्थकहरुलाई सम्बोधन गर्दै मेसीले आफू कति खुसी रहेको र सुरुवातका लागि व्यग्र रहेको बताएका थिए ।
‘यो स्वागतका लागि यहाँ उपस्थित सबैलाई धन्यवाद दिन चाहान्छु । यहाँ आएदेखि नै मैले स्नेह पाएको छु । म तपाईहरुसँग हुँदा उत्साहित छु,’ उनले भने, ‘म जोसे मास, जार्ज मास र डेभिड बेकह्यामलाई धन्यवाद दिन चाहान्छु । जसका कारण यो प्रक्रिया सहज भयो र मलाई घर आएको अनुभुती भएको छ । म अभ्यास सुरु गर्न चाहान्छु । खेल्न, जित्न र टोलीलाई अघि बढाउन चाहान्छु ।’
पिएसजीमा रहँदा उनले युरोपियन च्याम्पियन्स लिग जित्न भने सकेनन् । बार्सिलोनामा उनले चार पटक त्यो सफलता हासिल गरिसकेका थिए । पिएसजीको सम्झौता टुंगिएपछि उनी साउदी अरेबिया वा बार्सिलोनानै फर्कने भन्ने चर्चा पनि चलेको थियो । तर, ३६ वर्षे सुपपर स्टारले एमएलएसको चुनौती स्वीकार गर्ने निर्णय गरे ।
१० पटक ला लिगा उपाधि जितेका मेस्सी एमएलएसका मार्की खेलाडीका रुपमा रहेका छन् । मेस्सीले आउने दिनमा पनि समर्थकको साथ रहने विश्वास व्यक्त गरे । ‘प्रतियोगितामा पनि समर्थकहरुको साथ यसै रहने विश्वास छ,’ उनले भने, ‘मलाई विश्वास छ क्लबका सहकर्मीले आफ्नोतर्फबाट क्लबको योजना पूरा गर्नका लागि शतप्रतिशत दिनेछन् । म यो सहर चुनेकोमा खुसी छु । मलाई पूरा विश्वास छ हामी यहाँ राम्रो समय बित्नेछ ।’
मायमीले मेस्सीका बर्सिलोना सहकर्मी सर्जियो बुस्केट्सलाई पनि सोही समारोहमा सार्वजनिक गरेको थियो ।
October 22, 2024
काठमाडौं (हाम्रो खेलकुद )- नेपाली उसु खेलाडीले जापानको टोकियोमा हुने तेस्रो थाउँलो वर्ल्डकप २०२४ भाग लिने भएका छन् । टोकियोस्थित योकोहा शहरमा वर्ल्ड कप कात्तिक ७ देखि १२ गते सम्म हुने बताइएको छ। दीपक हमाल, विजय सिंजाली, निमा घर्ती मगर, पासाङ शेर्पा र राजिव तामाङले वर्ल्ड कपमा भाग लिने बताइएको छ। नेपाल उसु महासंघका महासचिव […]
October 7, 2024
दिल तामाङ ,सिड्नी नेपाली महिला राष्ट्रिय भलिबल खेलाडी प्रतिभा माली र पुरुष राष्ट्रिय टोलीका सदस्य रहिसकेका राजेन्द्र विष्ट अस्ट्रेलियाको सिड्नीमा भएको पाँचौं महिला र पुरुष ढोरपाटन रनिङ कप भलिबल २०२४ मा सर्वाेत्कृष्ट खेलाडी घोषित भएका छन् । प्रतिभा र राजेन्द्रले आ–आफ्नो टोलीलाई च्याम्पियन बनाउन सानदार प्रदर्शन गरे। प्रतिभाले म्याग्दी काली युनाइटेड र राजेन्द्रल ढोरपाटन क्लबबाट […]
October 7, 2024
दिल तामाङ ,सिड्नी आयोजक ढोरपाटन क्लब अस्ट्रेलिया र म्याग्दी काली युनाइटेडले पाँचौं संस्करणको महिला र पुरुष ढोरपाटन रनिङ कप भलिबल २०२४ को उपाधि जितेका छन् । ढोरपाटन पुरुषमा तथा म्याग्दी काली महिलामा च्याम्पियन बनेको हो । अस्ट्रेलियाकाे सिड्नीस्थित अवर्न बास्केटबल सेन्टर लिडकममा आइतवार भएको एक दिने प्रतियोगिताको पुरुषतर्फको फाइनलमा आयोजक ढोरपाटनले म्याग्दी प्रवासी नेपाली संघ […]