2 years ago
October 17, 2023
काठमाडौं (हाम्रो खेलकुद) – नेपाली राष्ट्रिय पुरुष फुटबल टोलीका फरवार्ड अन्जन विष्टलाई आज इतिहास रच्ने मौका छ।
फिफा विश्वकप छनोटको पहिलो चरणको दोस्रो खेलमा नेपालले आज साँझ नेपाली समयअनुसार ५:४५ बजे लाओसको सामना गर्दै छ।
नेपाली राष्ट्रिय टोली बाट सबै भन्दा धेरै गोल गर्ने सूचीको शीर्ष स्थानमा तीन जनाको नाम छ। हरी खड्का, निराजन रायमाझी र अन्जन शीर्ष स्थानमा छन्। तीन जनाको समान १३ गोल रहेको छ।
अन्जनले गत बिहीबार लाओस विरुद्ध पहिलो खेलमा गोल गर्दै कीर्तिमान बराबरी गरेका थिए। आज गोल गर्न सफल भएमा अन्जन नेपाली फुटबलमा सुनौलो इतिहास रच्ने छन्।
नेपालले आजको खेलमा जित हासिल गरेमा छनोटको दोस्रो चरणमा प्रवेश गर्ने छ। नेपालले जित हासिल गर्न सकेमा दोस्रो चरणको समूह एचमा आफ्नो स्थान बनाउने छ। समूह एच मा युएई, बहराइनका साथै यमन र श्रीलंका बीचको विजेता रहनेछ।
नेपाल र लाओस बीचको दोस्रो खेल लाओसको राजधानी भ्येनट्यान स्थित राष्ट्रिय रंगशालामा हुने छ।
April 20, 2025
सिड्नी (हाम्रो खेलकुद) – ढोरपाटन क्लब अस्ट्रेलिया तेस्रो गल्कोट कप पुरुष भलिबल प्रतियोगिताको च्याम्पियन बनेको छ । सिड्नीको लिडकमस्थित ओवर्न बास्केटबल सेन्टरमा आइतबार भएको फाइनलमा म्याग्दी जलजला परिवार अस्ट्रेलियालाई ३–० को सोझो सेटमा पराजित गर्दै लगातार दोस्रो वर्ष उपाधि जित्न सफल भएको हो । पहिलो सेटमा पछि परेको स्थितिमा ढोरपाटनले २५–२२ को पूनरागमन जित निकाल्न […]
April 18, 2025
काठमाडौं (हाम्रो खेलकुद) – नेपालीहरुको मिनी ओलम्पिकको रूपमा चिनिने ओसियानिया नेपाली स्पोर्ट्स मिट (ओएनएसएम) २०२५ अस्ट्रेलियाको पश्चिम अस्ट्रेलिया राज्यको पर्थमा आजबाट सुरु भएको छ । छैटौं ओसियानिया नेपाली स्पोर्ट्स मिट पर्थमा ३ दिन (शुक्रबार, शनिबार र आइतबार) सम्म पर्थ मेट्रो एरियामा हुनेछ । यस खेल कुम्भमेलाका कारण अस्ट्रेलियाको पर्थ नेपालीमय भइसकेको छ । खेल महोत्सवमा […]
April 16, 2025
काठमाडौं (हाम्रो खेलकुद) – करातेका राष्ट्रिय च्याम्पियन खेलाडी मोहम्मद शेखु आलम अमेरिकामा नगदसहित सम्मानित भएका छन् । अमेरिकाको न्युयोर्कमा रहेको च्याम्पियन मार्सल आर्ट्स क्लबले आलमलाई १ हजार अमेरिकी डलर (१ लाख ३७ हजार रुपैयाँ) र सम्मान पत्रले सम्मानित गरिएको ११औं दक्षिण एसियाली खेलकुद (साग) का स्वर्ण तथा एसिया प्यासेफिक सितोरियो करातेका स्वर्णधारी, क्लबका प्रशिक्षक तथा […]