default_image

8 months ago

October 21, 2023

प्रिन्सकाे यात्रा क्वाटरफाइनलमै रोकियाे

252 views

0 Bookmark

काठमाडौं (हाम्रो खेलकुद) – नेपाली ब्याडमिन्टनका युवा स्टार प्रिन्स दाहाल सिड्नी इन्टरनेसनल ब्याडमिन्टन सिरिज २०२३ को क्वाटरफाइनलमै रोकिएको छ ।

अष्ट्रेलियाको सिड्नीस्थित सिड्नी अन्तर्राष्ट्रिय ओलम्पिक पार्कको कोर्टमा शनिबार भएको क्वाटरफाइनलमा चाइनिज ताइपेईका टिङ येन चेनसँग २१–१७ र २१–१८ को सोझो सेटमा पराजित हुँदै प्रिन्स अन्तिम आठबाटै बाहिरिएको हो ।

यसअघि पनि प्रिन्स अष्ट्रेलियाकै मेलवर्नमा भएको योनेक्स वेन्डिगो इन्टरनेशनल च्यालेन्ज २०२३ मा पनि न्युजिल्याण्डका इडवार्ड लोउसँग २–० को सेटमै पराजित हुँदै क्वाटरफाइनलबाटै बाहिरिएका थिए ।

पहिलो सेटमा एक समय ५–४ ले अघि रहेपनि त्यसलाई जोगाउन सकेन । ५–५ को बराबरीबाट पछि परेको प्रिन्सले त्यसपछि खेलमा फर्कने प्रयास गरेपनि सफल हुन सकेन ।

दोस्रो सेटमा ८–७ को स्थितिबाट १५–८ को आरामदायी अग्रता लिएपनि प्रिन्सले त्यसलाई जोगाउन नसक्दा पराजित हुन पुग्यो । लगातार अंक गुमाएको प्रिन्स १६–१६ को बराबरीबाट पछि पर्यो । त्यसपछि प्रिन्सले मात्रै २ अंक बटुल्दा नतिजा नै सुम्पन पुग्यो ।

प्रिन्सले राउन्ड अफ ६४ मा अष्ट्रेलियाका छिङ होङ गोलाई २१–६ र २१–८, राउन्ड अफ ३२ मा सिंगापुरका जोङ हान लिलाई २१–१२ र २१–९ ले पराजित गरेको प्रिन्सले प्रि–क्वाटरफाइनलमा अष्ट्रेलियाका याकुव सुलरबाट वाकओभर पाएका थिए ।

यस्तै विष्णु कटुवालले राउन्ड अफ ६४ मा अष्ट्रेलियाका विल्सन लिलाई २१–८ र २१–१४, राउन्ड अफ ३२ मा अष्ट्रेलियाका टिमोथी एल्बर्टलाई ९–२१, २१–१९ र २१–१७ ले पराजित गर्दा प्रि–क्वाटरफाइनलमा भारतका साहास कुमारसँग १४–२१ र १३–२१ ले पराजित भए ।

राउन्ड अफ ६४ मा अष्ट्रेलियाका ब्रेन्ट गुओलाई २१–११ र २१–१० ले पराजित गरेको प्रफुल महर्जन राउन्ड अफ ३२ मा अमेरिकाका एनरिको असुनएिनसँग १५–२१ र १५–१३ ले पराजित भए ।

महिला एकलमा अनुमाया राई राउन्ड अफ ३२ मा अष्ट्रेलियाकी मौरिन क्लारिसा विजयसँग १९–२१, २१–१९ र २१–७ ले पराजित भइन् । नङ्सल देवी तामाङले राउन्ड अफ ३२ मा अष्ट्रेलियाकी युरान झाङलाई १७–२१, २१–१७ र २१–१३ ले हराएपनि प्रि–क्वाटरफाइनलमा न्युजिल्यान्डकी सौना लिसँग १०–२१ र ८–२१ ले पराजित भइन् ।

पुरुष डबल्समा प्रिन्स र विष्णुको जोडीले अष्ट्रेलियाका एलेन फाङ र जियालिन गुओलाई २१–८ र २१–१४ ले पराजित गर्दा अर्काे खेलमा अष्ट्रेलियाका यि सुएन का र केन रिचार्डसनको जोडीसँग २१–१४ र २१–१२ ले पराजित भए ।

महिला डबल्समा नङ्सल र अनुमायाको जोडी अष्ट्रेलियाकी फाय हुओ र भिक्टोरिया लिको जोडीसँग २१–२३ र ८–२१ ले पराजित भइन् ।

June 15, 2024

कुशलले दक्षिण अफ्रिकाको दोस्रो विकेट लिए

किङ्कटाउन (हाम्रो खेलकुद)– नेपालले दक्षिण अफ्रिकाको दोस्रो विकेट लिएको छ । कुशल भुर्तेलले १२ औं ओभरको दोस्रो बलमा कप्तान एडियन मार्कक्रमलाई बोल्ड गराएपछि दक्षिण अफ्रिका ६८/२ मा छ । दक्षिण अफ्रिका विरुद्ध टि ट्वान्टी विश्वकपको समूह चरणको खेलमा मध्यम सुरुवात गरेको छ । १० ओभरको समाप्तीमा दक्षिण अफ्रिकाले १ विकेटको क्षतिमा ५७ रन बनाएको छ […]

June 10, 2024

छन्त्याल र ढोरपाटनलाई भलिबल उपाधि

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]

June 9, 2024

अष्ट्रेलियाले इंग्ल्यान्डलाई हरायो

एजेन्सी – अष्ट्रेलियाले आइसीसी टि२० विश्वकप अन्तर्गत समूह बी को खेलमा इंग्ल्यान्डलाई पराजित गरेको छ । प्रतियोगितामा लगातार दोस्रो जित हासिल गरेको अष्ट्रेलियाले ३६ रनको जित दर्ता गर्यो । बार्बाडसमा पहिलो ब्याटिङको निम्तो पाएको अष्ट्रेलियाले २० ओभरमा ७ विकेट गुमाएर २ सय १ रन जोडेको थियो । अष्ट्रेलियाका कुनैपनि ब्याटरले ४० रन कटाएनन् तर आक्रामाक […]

Success

Thank you for your time.