default_image

4 weeks ago

March 20, 2024

एपिएफलाई हराउँदै गण्डकी सेमिफाइनलमा

काठमाडौं (हाम्रो खेलकुद) – स्पाइरक रवि केसीको सानदार प्रदर्शनमा विभागीय नेपाल एपिएफ क्लबलाई सोझो सेटमा पराजित गर्दै गण्डकी प्रदेश आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ सेमिफाइनलमा प्रवेश गरेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा बुधबार भएको दोस्रो क्वाटरफाइनलमा एपिएफलाई ३–० को सोझो सेटमा पराजित गर्दै गण्डकीले अन्तिम चारमा स्थान […]

7121 views

0 Bookmark

काठमाडौं (हाम्रो खेलकुद) – स्पाइरक रवि केसीको सानदार प्रदर्शनमा विभागीय नेपाल एपिएफ क्लबलाई सोझो सेटमा पराजित गर्दै गण्डकी प्रदेश आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ सेमिफाइनलमा प्रवेश गरेको छ ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा बुधबार भएको दोस्रो क्वाटरफाइनलमा एपिएफलाई ३–० को सोझो सेटमा पराजित गर्दै गण्डकीले अन्तिम चारमा स्थान पक्का गरेको हो ।

रोमाञ्चक र प्रतिस्पर्धात्मक बनेको खेलको पहिलो सेटमा भने गण्डकीले एकपक्षीय प्रदर्शन गर्दै २५–१७ को सहज जित निकाल्न सफल भयो । प्रतिस्पर्धात्मक र रोमाञ्चक बनेको दोस्रो सेटमा गण्डकीले ३०–२८ को जित निकाल्यो । अत्यन्तै रोमाञ्चक बनेको खेलमा गण्डकीले ६ म्याच प्वइन्टमा सफलता हात पारेको हो ।

तेस्रो सेट पनि रोमाञ्चक बन्दा गण्डकीले २५–२३ जित निकाल्न सफल भयो । गण्डकीका रवि केसी केल्मी प्लेयर अफ दि म्याच घोषित भए । उनले केल्मीबाट गिफ्ट ह्याम्पर प्राप्त गरे ।

यस च्याम्पियनिसपमा रवि तेस्राेपटक केल्मी प्लेयर अफ दि म्याच चुनिएका हुन् । यसअघि रवि मणिमुकुन्द र न्युटनविरुद्धकाे खेलमा केल्मी प्लेयर अफ दि म्याच चुनिएका थिए ।

अब गण्डकीले सेमिफाइनलमा साविक विजेता तथा उपाधि दावेदार तीन पाकिस्तानी खेलाडी सम्मिलित टिप टप हेल्प नेपालसँग प्रतिस्पर्धा गर्नेछ । हेल्प नेपालले आज नै बुढानिलकण्ठ भलिबल क्लबलाई २५–१८, २५–१७ र २५–२३ को सोझो सेटमा पराजित गरि सेमिफाइनलमा स्थान सुरक्षित गरिसकेको छ ।

अब बिहीबार दुई क्वाटरफाइनल खेल हुनेछ । बिहीबार पहिलो क्वाटरफाइनलमा पुलिस र कोशी प्रदेश तथा दोस्रो क्वाटरफाइनलमा आर्मी र सुदुरपश्चिमबीच प्रतिस्पर्धा हुनेछ ।

आज नै महिलातर्फ नेपाल पुलिस क्लब र चन्द्रागिरि न्यु डायमण्डले सफलता हात पार्दै आ–आफ्नो समूहको विजेता बनेका छन् । विभागीय डर्वी भिडन्तमा त्रिभुवन आर्मी क्लबलाई २५–१५, २५–१६ र २५–१९ को सोझो सेटमा हराउँदै पुलिस समूह ‘ए’ को विजेता बन्दा पराजित आर्मी र कर्णाली प्रदेश प्रतियोगिताबाट बाहिरिएका छन् ।

यो समूहबाट तीन भारतीय खेलाडी सम्मिलित एभरेष्ट भलिबल क्लब समूहको उपविजेता बनेको छ । यस्तै मधेश प्रदेशलाई २५–१०, २५–६ र २५–८ को सोझो सेटमा पराजित गर्दै न्यु डायमण्ड समूह बीको विजेता बन्दै एभरेष्टसँगको सेमिफाइनल भेट पक्का गरेको छ ।

अब सेमिफाइनलमा पुलिस र एपिएफ तथा न्यु डायमण्ड र एभरेस्टबीच बिहीबार प्रतिस्पर्धा हुनेछ । महिलातर्फ सेमिफाइनलमा पुगेका पुलिस, न्यु डायमण्ड, एपिएफ र एभरेस्टसँगै आर्मी र कर्णाली प्रदेश शीर्ष ६ टोली भए र अर्काे वर्ष हुने लिगका लागि छनोट भएका छन् ।

पुरुषतर्फ हेल्प नेपाल, एपिएफ, पुलिस, आर्मीसँगै कोशी, सुदुरपश्चिम, बुढानिलकण्ठ र गण्डकी अर्काे वर्ष हुने आठौं एनभिए महिला तथा पुरुष भलिबल लिगको लागि छनोट भएका छन् । नेपाल भलिबल संघका अनुसार महिलामा शीर्ष ६ टोली र पुरुषमा शीर्ष ८ टोली लिगका लागि छनोट हुनेछन् ।

नेपाल भलिबल संघको आयोजना तथा राष्ट्रिय वाणिज्य बैंकको मुख्य प्रायोजनमा ८ दिनसम्म चल्ने प्रतियोगितामा महिलातर्फ ७ र पुरुषतर्फ १३ टोलीको सहभागिता छ । दुवैतर्फको विजेता टोलीले ५ लाख, दोस्रो टोलीले २ लाख र तेस्रो टोलीले १ लाख २५ हजार रुपैयाँ प्राप्त गर्नेछ ।

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

April 6, 2024

एन्फा महासचिव राई विरुद्ध सम्पत्ति शुद्धीकरणमा उजुरी

काठमाडौं (हाम्रो खेलकुद)- अखिल नेपाल फुटबल संघ (एन्फा) का महासचिव किरण राईमाथि एन्फामा भ्रष्टाचार र अनियमितताको‌ आरोप लागेको‌ छ । एन्फाको जिल्ला फुटबल संघ गोरखाका सदस्य अमित खत्रीले महासचिव राई विभिन्न शीर्षकमा अनियमितता संलग्न भएको आरोपसहित शुक्रबार सम्पत्ति शुद्धीकरण अनुसन्धान विभागमा छानविनको माग गर्दै उजुरी दर्ता गरेका छन् । खत्रीले एन्फामा र भ्रष्टाचार र वेथिति […]

Success

Thank you for your time.