default_image

3 weeks ago

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

2270 views

0 Bookmark

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् ।

फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन मध्यम रहँदा फखरउद्दिनले फाइनलमा उच्च प्रदर्शन गरेका थिए । एभरेस्टकी केपी अनुश्रीले आँफुले खेलेको सबै खेलमा सानदार प्रदर्शन गरेकी थिइन् ।

फखरउद्दिन दुई महिनाअघि पोखरामा सम्पन्न चौथो टाइगर कपमा पनि सर्वाेत्कृष्ट खेलाडी चुनिएका थिए । पहिलोपल्ट नेपाली क्लबबाट खेलेकी केपी अनुश्री पहिलो सहभागितामै सर्वाेत्कृष्ट खेलाडी बनिन् । सर्वाेत्कृष्ट दुवैले समान ४० हजार रुपैयाँसँगै ट्रफी र प्रमाणपत्र पाए । पुरुष र महिला दुवैतर्फको विधागत उत्कृष्टले जनही १५ हजार रुपैयाँसँगै ट्रफी र प्रमाण पत्र प्राप्त गरे ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शनिबार भएको पुरुषतर्फको फाइनलमा तीन पाकिस्तानी खेलाडीसम्मिलित टिप टप हेल्प नेपालले विभागीय त्रिभुवन आर्मी क्लबमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भयो ।

हेल्प नेपालले आर्मीमाथि २०–२५, २७–२५, २३–२५, २९–२७ र २२–२० को रोमाञ्चक र प्रतिस्पर्धात्मक जित निकाल्न सफल भयो । आँठौं संस्करणसम्मको च्याम्पियनसिपमा हेल्प नेपाल तेस्रोपटक च्याम्पियन बनेको हो । यसअघि हेल्प नेपाल २०७३ र २०७६ मा च्याम्पियन बनेको थियो ।

यता, महिलामा नेपाली राष्ट्रिय टोलीका कप्तान अरुणा शाहीसहित तीन भारतीय राष्ट्रिय टोलीका खेलाडी सम्मिलित एभरेस्ट भलिबल क्लब बुटवलले पहिलोपटक आरबीबी एनभिए महिला तथा पुरुष भलिबल च्याम्पियनसिपको महिलातर्फ च्याम्पियन बनेको छ ।

आठौं संस्करणसम्म आइपुग्दा एभरेस्ट पहिलोपल्ट च्याम्पियन बन्न सफल भएको हो । कुनै पनि राष्ट्रिय प्रतियोगितामा एभरेस्टको यो पहिलो उपाधि हो ।

यसअघि आफ्नै खेलाडीमा खेल्दै आएको एभरेस्टले यसपल्ट च्याम्पियन बन्ने लक्ष्यसहित कप्तान अरुणा र भारतीय राष्ट्रिय टोलीका तीन खेलाडीलाई टोलीमा समेट्दा उपाधि जित्न सफल भएको हो ।

पहिलोपल्ट च्याम्पियन बन्ने क्रममा एभरेस्टले दुईपल्टको च्याम्पियन तथा साविक विजेता नेपाल पुलिस क्लबलाई १९–२५, २५–२२, २५–१८ र २५–१९ को सेटमा हरायो । 4

एभरेस्टले सुरुवाती सेट गुमाएपनि त्यसपछिको तीनै सेट आफ्नो पक्षमा पार्यो । पुरुषतर्फ पुलिस र महिलामा नेपाल एपिएफ क्लब तेस्रो भएको छ । पुलिसले गण्डकी प्रदेशलाई शनिबार २५–१५, २५–२० र २९–२७ ले पराजित गरी तेस्रो स्थान हासिल गर्यो ।

पुरुष र महिलाको विजेता हेल्प नेपाल र एभरेस्टले समान ५ लाख रुपैयाँसँगै ट्रफी, मेड र प्रमाणपत्र प्राप्त गरेको छ । दोस्रो भएको आर्मी र पुलिसले समान २ लाख रुपैयाँसँगै ट्रफी, मेड र प्रमाणपत्र प्राप्त गर्यो । तेस्रो भएको पुलिस र एपिएफले समान १ लाख २५ हजार रुपैयाँ प्राप्त गरेको छ ।

विजेतालाई राष्ट्रिय खेलकुद परिषद (राखेप) का सदस्यसचिव टंकलाल घिसिङ, मुख्य प्रायोजक राष्ट्रिय वाणिज्य बैकका प्रमुख कार्यकारी अधिकृत (सिइओ) किरण कुमार श्रेष्ठ, नेपाल भलिबल संघका अध्यक्ष जितेन्द्र बहादुर चन्दलगायतले पुरस्कृत गरे ।

महिलातर्फ सेमिफाइनलमा पुगेका पुलिस, न्यु डायमण्ड, एपिएफ र एभरेस्टसँगै आर्मी र कर्णाली प्रदेश शीर्ष ६ टोली भएर अर्काे वर्ष हुने लिगका लागि छनोट भएका छन् ।

पुरुषतर्फ हेल्प नेपाल, एपिएफ, पुलिस, आर्मीसँगै कोशी, सुदुरपश्चिम, बुढानिलकण्ठ र गण्डकी अर्काे वर्ष हुने आठौं एनभिए महिला तथा पुरुष भलिबल लिगको लागि छनोट भएका छन् । नेपाल भलिबल संघका अनुसार महिलामा शीर्ष ६ टोली र पुरुषमा शीर्ष ८ टोली लिगका लागि छनोट हुनेछन् ।

नेपाल भलिबल संघको आयोजना तथा राष्ट्रिय वाणिज्य बैंकको मुख्य प्रायोजनमा चैत ३ गतेबाट शुरु भएको च्याम्पियनसिपमा महिलातर्फ ७ र पुरुषतर्फ १३ टोलीको सहभागिता रहेको थियो ।

खेल आठौं आरबीबी एनभिए महिला तथा पुरुष भलिबल च्याम्पियनसिपको
महिलातर्फ
सर्वाेत्कृष्ट – केपी अनुश्री (एभरेस्ट)
स्पाइकर – उषा भण्डारी (पुलिस)
सेटर – अरुणा शाही (एभरेस्ट)
सर्भर – सरस्वती चौधरी (एपिएफ)
ब्लकर – सुर्या (एभरेस्ट)
लिवेरो – शान्तिकला तामाङ (पुलिस)
प्रशिक्षक – अर्जुन घिमिरे (एभरेस्ट)

पुरुषतर्फ
सर्वाेत्कृष्ट – फखरउद्दिन (हेल्प नेपाल)
स्पाइकर – उस्मान फरयाद अली (हेल्प नेपाल)
सेटर – इम बहादुर राना (पुलिस)
सर्भर – धन बहादुर भट्ट (आर्मी)
ब्लकर – दुर्गा बहादुर खड्का (आर्मी)
लिवेरो – टोप बहादुर थापा ‘दीपक’ (हेल्प नेपाल)
प्रशिक्षक – उत्सव खड्का (हेल्प नेपाल)

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

April 6, 2024

एन्फा महासचिव राई विरुद्ध सम्पत्ति शुद्धीकरणमा उजुरी

काठमाडौं (हाम्रो खेलकुद)- अखिल नेपाल फुटबल संघ (एन्फा) का महासचिव किरण राईमाथि एन्फामा भ्रष्टाचार र अनियमितताको‌ आरोप लागेको‌ छ । एन्फाको जिल्ला फुटबल संघ गोरखाका सदस्य अमित खत्रीले महासचिव राई विभिन्न शीर्षकमा अनियमितता संलग्न भएको आरोपसहित शुक्रबार सम्पत्ति शुद्धीकरण अनुसन्धान विभागमा छानविनको माग गर्दै उजुरी दर्ता गरेका छन् । खत्रीले एन्फामा र भ्रष्टाचार र वेथिति […]

Success

Thank you for your time.