default_image

4 weeks ago

April 24, 2024

नवलपुर र पर्वतलाई भलिबल उपाधि

1074 views

0 Bookmark

गोरखा (हाम्रो खेलकुद) – नवलपुर र पर्वतले गण्डकी प्रदेश स्तरीय महिला तथा पुरुष भलिबल प्रतियोगिताको उपाधि जितेका छन् । नवलपुर पुरुषमा तथा पर्वत महिलामा च्याम्पियन बनेका हुन् ।

गोरखाको बारपाक सुलिकोट गाउँपालिकामा बुधबार भएको फाइनलमा स्याङ्जालाई ३–२ को सेटमा पराजित गर्दै नवलपुरले उपाधि जित्न सफल भएको हो । नवलपुरले सुरुवाती दुई सेट गुमाएपनि त्यसपछिको तीनै सेट आफ्नो पक्षमा पार्दै च्याम्पियन बन्न सफल भयो ।

पहिलो सेट २५–२१ ले जितेको स्याङ्जाले दोस्रो सेट २५–१७ ले आफ्नो पक्षमा पार्दै उपाधितर्फ लम्कियो । तर, त्यसपछि स्याङ्जाको प्रदर्शन फितलो बन्न पुग्दा नतिजा नै नवलपुरलाई सुम्पन पुग्यो ।

तेस्रो सेट २५–१६ ले जित्दै खेलमा फर्किएको नवलपुरले चौथो सेट २५–२१ ले जित्दै खेलदलाई पाँचौं सेटमा लम्ब्याए । निर्णायक सेटमा पनि सानदार प्रदर्शन गर्दै नवलपुर १५–११ ले अघि रहँदै उपाधि जित्न सफल भयो ।

महिलातर्फ पर्वतले म्याग्दीलाई ३–२ को सेटमा पराजित गर्दै उपाधि जित्न सफल भयो । रोमाञ्चक र प्रतिस्पर्धात्मक बनेको खेलको पहिलो सेट २५–२२ ले जित्यो । दोस्रो सेटमा पर्वत २५–२३ ले विजयी भयो ।

तेस्रो सेटमा म्याग्दी २५–२३ ले विजयी हुँदा चौथो सेटमा पर्वत २५–१४ ले विजयी हुँदा खेल पाँचौ सेटमा लम्बियो । निर्णायक तथा पाँचौं सेटमा पर्वत १६–१४ ले विजयी हुँदै च्याम्पियन बन्न सफल भयो ।

उपाधिसँगै नवलपुर र पर्वतले समान १ लाख रुपैयाँसँगै कप, मेडल र प्रमाण पत्र प्राप्त गरेको छ । उपविजेता स्याङ्जा र म्याग्दीले ७५ हजार रुपैया, कप मेडल र प्रमाण पत्र प्राप्त गरेको छ ।

तेस्रो भएको म्याग्दी र स्याङ्जाले ५० हजार रुपैयाँ प्राप्त ग¥यो । पुरुषमा म्याग्दीले तनहुँलाई ३–२ को सेटमा तथा स्याङ्जाले कास्कीलाई हराएर तेस्रो स्थान हासिल गरेको थियो ।

पुरुषतर्फ नवलपुरका हिमाल सुनारी प्रतियोगिताको सर्वोत्कृष्ट खेलाडी घोषित भए । उनले १० हजार रुपैयाँसँगै ट्रफी मेडल र प्रमाणपत्र प्राप्त गरेको छ ।

पुरुषतर्फ स्याङ्जाका सञ्जुविक्रम शाह स्पाइकर, नवलपुरका दानबहादुर गाहा सेटर, म्याग्दीका देवेन्द्र बुढा मगर सर्भर, नवलपुरका सरोज बर्देवा ब्लकर, स्याङ्जाका राजन दर्लामी मगर लिवेरो र नवलपुरका राम नारायण महतो उत्कृष्ट प्रशिक्षक चुनिए । उनीहरूले समान ५ हजार रुपैयाँसँगै ट्रफी र प्रमाया प्राप्त गरे ।

महिलामा पर्वतकी रिमा कुँवर प्रतियोगिताको सर्वोत्कृष्ट खेलाडी घोषित भइन् । उनले उनले १० हजार रुपैयाँसँगै ट्रफी मेडल र प्रमाणपत्र प्राप्त गरिन् ।

म्याग्दीकी रञ्जना बोटे उत्कृष्ट स्पाइकर, पर्वतकी विना पुलामी सेटर, स्याङ्जाकी सोइङ थापा सर्भर, म्याग्दीकी मनिषा तिलिजा ब्लकर, स्याङ्जाकी जायरा निशा लिवेरो र पर्वतका जगदीश सुवेदी उत्कृष्ट प्रशिक्षक चुनिए । उनीहरूले समान ५ हजार रुपैयाँसँगै ट्रफी र प्रमाणपत्र प्राप्त गरे ।

विजयी टोली तथा खेलाडीलाई प्रदेश खेलकुद विकास परिषद गण्डकीका सदस्यसचिव श्रीधर शर्मा र नेपाल भलिबल संघका उपाध्यक्ष गौतम प्रसाद लासिवालगायतले पुरस्कृत गरे ।

१० बैशाखबाट शुरु भएको प्रतियोगितामा पुरुष र महिलातर्फ गण्डकी प्रदेशका समान १० जिल्लाको सहभागिता रहेको थियो । सहभागी टोलीलाई चार समूहमा विभाजन गरी प्रतिस्पर्धा गराइएको थियो ।

प्रदेश खेलकुद विकास परिषद गण्डकीको आयोजनामा भएको प्रतियोगितालाई जिल्ला खेलकुद विकास समिति गोरखा, जिल्ला भलिबल संघ गोरखाले समन्वय गरेको थियो ।

May 19, 2024

म्यानचेस्टर सिटी लगातार चौथो पटक प्रिमियर लिग च्याम्पियन

एजेन्सी – म्यानचेस्टर सिटी लगातार चौथो पटक इंग्लिश प्रिमियर लिगको उपाधि जितेको छ । लिगको अन्तिम खेलमा वेस्ट ह्याम माथि ३-१ को जित निकालेर आर्सनललाई पछि २ अंकले पार्दै सिटीले कीर्तिमानी लिग उपाधि जितेको हो । इंग्लिश फुटबल इतिहासमा कुनै पनि टिमले लगातार चार पटक लिग उपाधि जितेको यो पहिलो पटक हो । यसअघि हडर्सफिल्ड […]

May 19, 2024

सुमित्रा र राजनलाई वान रन हाफ म्याराथन उपाधि

ललितपुर (हाम्रो खेलकुद)- सुमित्रा चौधरी र राजन रोकायाले पहिलो वान रन अन्तर्राष्ट्रिय हाफ म्याराथन उपाधि जितेका छन्। आइतबार भएको हाफ म्याराथनको महिलातर्फ सुमित्राले १ घण्टा ३४ मिनेट २६ सेकेन्डमा दौड पूरा गरिन् । पुष्पा भण्डारी १ घण्टा ४२ मिनेट ५४ सेकेन्डमा दौड पूरा गर्दै दोस्रो भइन् । मञ्जु सुनार २ घण्टा ३ मिनेट ८ सेकेन्डको‌ […]

May 18, 2024

सिता ललितपुर मेयर्स कपमा उत्कृष्ट खेलाडी घोषित

काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]

Success

Thank you for your time.