2 weeks ago
April 29, 2024
हिमाल खरेल,बिर्तामेड
कोशी प्रदेशका विभिन्न सहरमा हुने चार दिने ओलम्पियन्स रियुनियन (पुनर्मिलन) तथा सेलिब्रेटी खेलाडी भेटको तयारी पूरा भएको छ ।
प्रदेश खेलकुद विकास बोर्ड कोशीको आयोजना तथा नेपाल ओलम्पियन्स एसोसिएसनको संयोजनमा हुने कार्यक्रमको सम्पूर्ण तयारी भएको बोर्डका सदस्यसचिव हंशराज वाग्लेले जानकारी दिए ।
वैशाख १९ गते मोरङको सुन्दरहरैंचा नगरपालिकाबाट सुरु हुने कार्यक्रम इटहरी, बिर्तामोड हुँदै इलामको सूर्योदय नगरपालिकास्थित श्रीअन्तु र कन्याममा पुगेर सम्पन्न हुनेछ ।
वाग्लेका अनुसार पुनर्मिलन कार्यक्रममा ६० जना नेपाली ओलम्पियन र २५ जना प्रदेशभित्रका अनुभव र अभ्यासमा विशेष दख्खल राखेका चर्चित खेलाडीलाई सहभागिता गराइनेछ । विदेशी ओलम्पियन पनि कार्यक्रममा सहभागी हुने बताइएको छ ।
बोर्डले खेलकुद पर्यटनलाई उजागर गर्नेगरी पहिलोपटक एकै ठाउँ धेरै खेलाडीलाई प्रदेशमा ल्याउन लागेको हो । उनीहरूलाई भित्र्याउँदा यहाँका खेलप्रेमीलाई समेत पुराना नयाँ खेलाडीलाई नजिकबाट चिन्ने र बुझ्ने अवसर हुने वाग्लेको भनाइ छ ।
चार दिने भ्रमणका क्रममा खेलाडीलाई मोरङ, सुनसरी, झापा र इलाम जिल्लामा पर्यटन र खेल प्रवर्धनमा जोड मिल्नेगरी अघि बढाइनेछ तथा खेल पर्यटनसँगै श्रीअन्तु पर्यटकीय क्षेत्रलाई समेत पुनर्मिलन भ्रमण कार्यक्रमले थप उजागर गर्ने सदस्यसचिव वाग्लेले बताए ।
‘यसपटक बोर्डले एकैपटक ओलम्पियन , प्रदेशका खेलाडी र विभिन्न राष्ट्रका ओलम्पियनलाई भित्र्याउने जमर्को गरेको हो’, वाग्लेले भने, ‘हाम्रा खेलाडीसँगै यहाँको पर्यटन र खेललाई प्रवर्धन गर्नका लागि अन्य राष्ट्रका ओलम्पियनको समेत सहभागिता रहनेछ । खेल पर्यटनबाट प्रदेशलाई समेत विश्वस्तरमा विस्तार गर्न मद्दत गर्ने बुझाइ बोर्डको रहेको छ ।’
कार्यक्रमबारे नेपाल ओलम्पियन्स एसोसिएसनका अध्यक्ष दिपक विष्टले राष्ट्रिय गहनालाई बोर्डले पुनर्मिलन गराउन लागेकोमा हर्षित भएको बताए । विष्टले विभिन्न प्रतियोगितामा आफ्नो प्रतिभा प्रस्तुत गरिसकेका खेलाडीलाई फेरि एकै स्थान उभ्याउन प्रयास गरिरहेको बोर्डको काम सराहनीय रहेको उल्लेख गरे ।
नेपालले सन् १९६४ सालमा पहिलोपटक ओलम्पिकमा सहभागिता जनाएका खेलाडीदेखि हालसम्मका ओलम्पिन पुर्नमिलनमा सहभागी हुनेछन्।
पुनर्मिलन कार्यक्रमको उद्घाटन प्रदेशका मुख्यमन्त्री केदार कार्कीले गर्ने छन् । कार्यक्रममा करिब ३५ लाख रुपैयाँ खर्च हुने अनुमान गरिएको बताइएको छ।
ओलम्पियन्स पुर्नमिलनको पहिलो संस्करण दुई वर्षअघि काठमाडौं र दोस्रो संस्करण गत वर्ष पोखरामा आयोजना भएको थियो।
May 14, 2024
काठमाडौं (हाम्रो खेलकुद)– सरकारले यो वर्ष दसौं राष्ट्रिय खेलकुद आयोजनालाई नीति तथा कार्यक्रममा समेटेको छ । राष्ट्रिय खेलकुद परिषदले डेढ वर्ष अघि नवौं राष्ट्रिय खेलकुद समापनका दौरानमा २०८१ मंसिर २ देखि ९ गते सम्म दसौं संस्करण आयोजना गर्ने घोषणा गरेको थियो । सरकारले आगामी आर्थिक वर्ष २०८१/०८२ को नीति तथा कार्यक्रममा क्रिकेट मैदानलाई प्राथमिकतामा राखेको […]
May 14, 2024
पोखरा (हाम्रो खेलकुद)– गत वर्ष भएको चौथो टाइगर कप आमन्त्रित क्लब भलिबल च्याम्पियनसिपबाट १८ लाख रुपैयाँ भन्दा बढी बचत भएको छ । आयोजक टाइगर ग्रुप अफ पोखरा नेपालले सोमबार पत्रकार सम्मेलन गर्दै प्रतियोगिताको आय–व्यय सार्वजनिक गर्दै १८ लाख ३७ हजार ४ सय ६४ रुपैयाँ बचत भएको जानकारी दिएको हो । गत माघ १ देखि ७ […]
May 14, 2024
काठमाडौँ — चौंथो नेपाल ई–स्पोर्ट्स च्याम्पियनसिप तथा एक्स्पो २०२४ तयारी पूरा भएको छ । भृकुटीमण्डपस्थित एक्स्पो हलमा मंगलबारदेखि सुरु हुने च्याम्पियनसिप तथा एक्स्पो माइस इन्टरनेसनल सर्भिस प्रालि र नेपाल ई–स्पोर्ट्स एसोसिएसन (नेसा) ले संयुक्त रूपमा आयोजना गनै लागेको हुन् । वैशाख ४ गते सम्म हुने च्याम्पियनसिप तथा एक्स्पोका दौरान नेपाल स्पोर्ट्स कन्क्लेभ तथा स्पोर्ट्स फिटनेस […]