1 year ago
May 11, 2024
एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई सहजै हराएको छ। गुजरातले चेन्नाई माथि ३५ रनको सहज जित दर्ता गर्यो ।
अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । गुजरातका लागि गिलले ५५ बलमा ९ चौका र ६ छक्का सहित १ सय ४ रन बनाए । सुदर्शनले ५१ बलमा ५ चौका र ७ छक्का सहित १ सय ३ रन जोडे । डेविड मिलरले १६ रन जोडे ।
चेन्नाईका तुशार देशपाण्डेले २ विकेट लिए ।
जवाफमा चेन्नाईले ८ विकेटको क्षतिमा १ सय ९६ रन मात्र बनाउन सक्यो । चेन्नाईका लागि ड्यारील मिचेलले सर्वाधिक ६३ रन बनाउँदा मोइन अलिले ५६ रन जोडे । महेन्द्र सिंह धोनीले २६ रन र शिवम दुबेले २१ रन बनाए ।
गुजरातका मोहित शर्माले ३, राशिद खानले २ तथा उमेश यादव र सन्दिप वारियरले १-१ विकेट लिए ।
जित पछि गुजरात १२ खेलमा १० अंक सहित आठौ स्थानमा छ । चेन्नाई भने १२ खेलमा १२ अंकका साथ चौथो स्थानमा छ।
आइपिएलमा शनिबार कोलकत्ता नाईट राइडर्स र मुम्बई इंडियन्सबीच प्रतिस्पर्धा हुनेछ ।
July 2, 2025
सिड्नी (हाम्रो खेलकुद) – अस्ट्रेलियाको सिड्नीमा पहिलो भलिबल अवार्ड कार्यक्रम आयोजना हुने भएको छ । नेपाल भलिबल संघ अस्ट्रेलिया (एनभिएए) को आयोजनामा साउन ४ गते (१९ जुलाई) उक्त अवार्ड कार्यक्रम हुने भएको हो । अवार्ड कार्यक्रम सिड्नीस्थित रकडेलमा रहेको इन्द्रेणी फङ्सन सेन्टरमा हुनेछ । एनभिएएले वर्षभरि उत्कृष्ट प्रदर्शन गर्ने पुरुष र महिला खेलाडीलाई अवार्ड प्रदान […]
July 1, 2025
काठमाडौं (हाम्रो खेलकुद)- अर्को वर्ष जापानमा आयोजना हुने २० औं एसियाली खेलकुद (एसियाड) मा भाग लिन ३० खेल राष्ट्रिय संघ दर्ता भएको छ। युवा तथा खेलकुद मन्त्रालय र राष्ट्रिय खेलकुद परिषद् राखेप) ले जवाफ नदिएपछि राष्ट्रिय खेल संघहरुलाई पत्राचार गरेको नेपाल ओलम्पिक कमिटी (एनओसी) ले मंगलवार पत्रकार सम्मेलनमार्फत जानकारी दिएको छ।त्यसमा ३० खेल एसियाडका लागि […]
June 29, 2025
सिड्नी (हाम्रो खेलकुद) – भलिबलका पूर्व सुनिल श्रेष्ठले अर्काे महिना अस्ट्रेलियामा हुने गैर आवासीय नेपाली संघ (एनआरएनए) न्यु साउथ वेल्स (एनएसडब्लु) को एससिसी सदस्यमा उम्मेदारी दिएका छन् । एनएसडब्लुबाट एनआरएनए न्यू साउथ वेल्स राज्यको सन् २०२५–२०२७ कार्यकालका लागि संघीय समिति सदस्य (एससिसी) पदमा उम्मेवारी दिएका हुन् । नेपालको राष्ट्रिय खेल भलिबलमार्फत आफ्नो पहिचान स्थापित गरिसकेका […]
