default_image

3 weeks ago

June 29, 2024

गण्डकी र बागमतीलाई यू१९ भलिबल उपाधि

1421 views

0 Bookmark

काठमाडौ (हाम्रो खेलकुद – गण्डकी प्रदेश र बागमती प्रदेश प्रथम सहाना प्रधान स्मृति यू–१९ पुरुष तथा महिला भलिबल च्याम्पियनसिपको च्याम्पियन बनेका छन् । गण्डकी पुरुषमा तथा बागमती महिलामा च्याम्पियन बन्न सफल भएका हुन् ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शनिबार सम्पन्न पुरुषतर्फको फाइनलमा गण्डकीले लुम्बिनीलाई ३–१ को सेटमा पराजित गर्दै उपाधि जित्न सफल भयो ।

यससँगै गण्डकीले समूह चरणमा भोगेको हारको बदला लिन सफल भएको छ । गण्डकी समूह चरणमा ३–० को सोझो सेटमा पराजति भएको थियो ।

रोमाञ्चक र प्रतिस्पर्धात्मक बनेको पहिलो सेट गण्डकीले २५–१५ ले सहजै आफ्नो पक्षमा पार्न सफल भयो । एक समय ६–१० ले पछि रहेको उत्कृष्ट पूनरागमन गर्दै खेललाई १२–१२ को स्थितिमा ल्याए ।

त्यसबाट अघि बढेको गण्डकीलाई लुम्बिनीले रोक्नै सकेन । लुम्बिनीले केवल ३ अंक बटुल्दा गण्डकीले सेट आफ्नो पक्षमा पार्यो ।

दोस्रो सेटमा त्यस्तै स्थितिमा गण्डकीले सेट लुम्बिनीलाई सुम्पियो । २०–१६ को स्थितिमा गण्डकीले नतिजा लुम्बिनीलाई २०–२५ ले सुम्पिन पुग्यो । त्यसपछिको दुवै सेट गण्डकीले समान २५–२० र २५–२० ले आफ्नो पक्षमा पार्दै उपाधि जित्न सफल भयो ।

महिलातर्फ लुम्बिनीलाई ३–० को सोझो सेटमा पराजित गर्दै बागमती च्याम्पियन बन्यो । बागमतीले खेल २५–२१, २५–१६ र २५–१८ को सेटमा जित्यो । बागमती अपराजित रहँदै च्याम्पियन बनेको हो ।

उपाधिसँगै गण्डकी र बागमतीले समान ३ लाख रुपैयाँसँगै शिल्ड, मेडल र प्रमाणपत्र प्राप्त गरेको छ । दोस्रो भएको लुम्बिनीले २ लाख, शिल्ड, मेडल र प्रमाणपत्र प्राप्त गरेको छ ।

पुरुषमा सुदुरपश्चिम र महिलामा गण्डकी प्रदेश तेस्रो भएको छ । सुदुरले बागमतीलाई तथा गण्डकीले कोशीलाई हराएर तेस्रो स्थान हासिल गरेकाे छ। उनीहरुले समान १ लाख रुपैयाँ हात पारे ।

सहाना प्रधान फाउन्डेसनको आयोजनामा ९ गतेबाट सुरु भएको प्रतियोगितामा पुरुष र महिला दुवैमा सातै प्रदेशको सहभागिता रहेको थियो ।

दुवैतर्फको सर्वोकृष्ट खेलाडीले जनही २५ हजार र विधागत उत्कृष्टले जनही १० हजार रुपैयाँ पाउनेछन् ।

July 22, 2024

रसियासँग नेपालको अर्काे हार

काठमाडौं (हाम्रो खेलकुद) – काभा नेसन्स लिगको तयारीमा रहेको नेपाली महिला राष्ट्रिय भलिबल टोलीले रसियन टोलीसँग अर्काे हार बेहोरेको छ । यससँगै नेपालले दुई मैत्रीपुर्ण खेलकाे सिरिज रसियालाई २–० ले सुम्पिएकाे छ । सोमबार भएको दोस्रो खेलमा नेपाल ३–० को सोझो सेटमा पराजित हुन पुग्यो । यसअघि आइतबार भएको पहिलो खेलमा पनि नेपालले ३–० कै […]

July 18, 2024

एपिएफ र पुलिस विजयी

काठमाडौं (हाम्रो खेलकुद) – ललित स्मृति यु-१८ लिगमा बिहीबार नेपाल एपिएफ क्लब र नेपाल पुलिस क्लब विजयी भएका छन् । लिग सिजनको पहिलो जित दर्ता गर्ने क्रममा एपिएफले सातदोबाटो माथि २-१ को जित हात पारेको हो । जितमा विकास टिटुङ र किशोर गुरुङले १-१ गोल गरे । सातदोबाटोका लागि योहान्ना लिम्बूले अन्तिम समयमा १ गोल […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.