default_image

2 weeks ago

July 7, 2024

भारतले जिम्बाब्वेलाई हरायो

3185 views

0 Bookmark

एजेन्सी – पाँच टि-२० खेलका लागि जिम्बाब्वे पुगेको भारतीय क्रिकेट टोलीले दोस्रो खेलमा जित हात पारेको छ । हरारेमा भएको खेलमा भारतले घरेलु टोलीमाथि १०० रनको जित हात पर्दै शृंखलामा बराबरी गरेको हो ।

भारतले दिएको २३५ रनको लक्ष्य पछ्याएको जिम्बाब्वे १८.२ ओभरमा १३४ रनमा समेटियो ।

घरेलु टोलीका लागि वेस्ली मधुभेरेले ३९ बलमा सर्वाधिक ४३ रन जोडे । लुक जोङवेले ३३ तथा ब्रायन बेनेटले २६ रन बनाए ।

भारतका लागि मुकेश कुमार र आभेश खानले समान ३-३ विकेट लिए । रवि विश्नोइले २ तथा वाशिंटन सुन्दरले १ विकेट लिए ।

त्यसअघि टस ब्याटिङ गर्ने निर्णय गरेको भारतले निर्धारित २० ओभरमा २ विकेट मात्र गुमाएर २३४ रनको विशाल योगफल जोडेको थियो । भारतका लागि अभिषेक शर्माले ४७ बलमा ७ चौका र ८ छक्का सहित १०० रन पूरा गरे ।

रुतुराज गाइक्वाडले ४७ बलमा ११ चौका र १ छक्का सहित ७७ रन बनाएर अविजित रहे । रिंकु सिंह २२ बलमा ४८ रनमा अविजित रहे । शुभमन गिल १ रनमा आउट भएका थिए ।

जिम्बाब्वेका लागि बलेसिङ मुजराबानी र वेलिङटन मसाकाड्जाले समान १-१ विकेट लिए ।

५ खेल शृंखला अन्तर्गतको पहिलो खेलमा घरेलु टोली विजयी भएको थियो । शृंखलाको तेस्रो खेल बुधवार हुनेछ ।

July 22, 2024

रसियासँग नेपालको अर्काे हार

काठमाडौं (हाम्रो खेलकुद) – काभा नेसन्स लिगको तयारीमा रहेको नेपाली महिला राष्ट्रिय भलिबल टोलीले रसियन टोलीसँग अर्काे हार बेहोरेको छ । यससँगै नेपालले दुई मैत्रीपुर्ण खेलकाे सिरिज रसियालाई २–० ले सुम्पिएकाे छ । सोमबार भएको दोस्रो खेलमा नेपाल ३–० को सोझो सेटमा पराजित हुन पुग्यो । यसअघि आइतबार भएको पहिलो खेलमा पनि नेपालले ३–० कै […]

July 18, 2024

एपिएफ र पुलिस विजयी

काठमाडौं (हाम्रो खेलकुद) – ललित स्मृति यु-१८ लिगमा बिहीबार नेपाल एपिएफ क्लब र नेपाल पुलिस क्लब विजयी भएका छन् । लिग सिजनको पहिलो जित दर्ता गर्ने क्रममा एपिएफले सातदोबाटो माथि २-१ को जित हात पारेको हो । जितमा विकास टिटुङ र किशोर गुरुङले १-१ गोल गरे । सातदोबाटोका लागि योहान्ना लिम्बूले अन्तिम समयमा १ गोल […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.