एजेन्सी – इङ्ग्लिस प्रिमियर लिगमा वेस्ट ह्यामलाई पराजित गर्दै आर्सनल दोस्रो स्थानमा उक्लिएको छ ।

आर्सनलले शनिवार वेस्ट ह्याममाथि ५-२ ले हरायो। वेस्ट ह्यामको घरेलु मैदानमा आर्सनलको जितमा बुकायो साका, ग्याब्रियल, लियान्ड्रो ट्रोसार्ड, मार्टिन ओडेगार्ड र काई हाभर्ट्जले गोल गरे ।

घरेलु टोलीका लागि भने इमेर्सन र आरोन विसाकाले गोल गरे । सबै गोल पहिलो हाफमा सम्भव भएको थियो।

खेलको १०औं मिनेटमा ग्याब्रियलले गोल गर्दै आर्सनललाई अग्रता दिलाए। २७औं मिनेटमा आर्सनलका ट्रोसार्डले गोल गर्दै अग्रता दोब्बरको बनाए । ३४औं मिनेटमा मार्टिनले पेनाल्टिमार्फत गोल गर्दै आर्सनललाई ३-० को स्थितिमा पुर्याए । हाभर्ट्जले ३६औं मिनेटमा आर्सनलका लागि अर्को गोल गरे ।

त्यसको ३८औं मिनेट र ४०औं मिनेट पछि वेस्ट ह्यामले गोल फर्काउदै खेलमा फर्कने संकेत गरेको थियो । पहिलो हाफको इन्ज्युरी समयको पाँचौं मिनेटमा साकाले आर्सनलका लागि थप गोल गरे ।

जितसँगै १३ खेलमा २५ अंकका साथ आर्सनल दोस्रो स्थानमा उक्लिएको छ । एक खेल कम खेलेको लिभरपुल शीर्ष स्थानमा छ ।

वेस्ट ह्याम १३ खेलमा १५ अंकका साथ १४औं स्थानमा छ ।शनिबारका अन्य खेलमा नटिङघम फरेस्टले इपस्विच टाउनलाई १-०,ब्रेन्टफोर्डले लेस्टर सिटीलाई
४-१ र बर्नमाउथले उल्भ्सलाई ४-२ ले पराजित गर्यो।
क्रिस्टल प्यालेस र न्युकासल युनाइटेडले १-१ को बराबरी खेले ।

तालिकाको शीर्ष स्थानमा रहेको लिभरपुल र साविक विजेता म्यानचेस्टर सिटीबीच आज प्रतिस्पर्धा हुनेछ।