9 months ago
March 24, 2025
एजेन्सी – दिल्ली क्यापिटल्सले रोमाञ्चक खेलमा लखनउ सुपर जाइन्ट्सलाई १ विकेटले हराउँदै इण्डियन प्रिमियर लिग (आइपिएल) मा सोमवार विजयी सुरुवात गरेको छ।
दिल्लीको जितमा आशुतोष शर्मा नायक बने। जितको लागि २ सय १० रनको लक्ष्य पछ्याएको दिल्लीले १९.३ ओभरमा ९ विकेट गुमाउँदै जित हात पार्यो। दिल्लीको सुरुवात अत्यन्तै खराब रह्यो ।
मात्र ७ रन जोड्दा ३ महत्वपूर्ण विकेट गुमायो। ओपनर जेकी फ्रेजर १ रनमा, अभिषेक पोरेल रनको खाता नखोली र समिर रिज्भी ४ रनमा आउट भए।
लगतै कप्तान अक्षर पटेल पनि २२ रनमा आउट भए। पहिलो पावर प्लेमा ५८ रन जोड्दा दिल्लीके ४ विकेट गुमाइसकेको थियो।
यो सँगै दबाबमा आएको दिल्लीलाई सम्हालिन कठिन भएको थियो । फाफ डु प्लेसिस २९ रनमा र ट्रिस्टन स्टुब्स ३४ रनमा आउट भएसँगै दिल्ली हार नजिक पुगेको थियो।
आशुतोष र भिपराज निगमले सातौं विकेटको लागि ५५ रनको साझेदारी गरेपछि दिल्ली केहि सम्हालियो । यो नै दिल्लीले बनाएको सबैभन्दा ठूलो साझेदारी रह्यो।
भिपराज १५ बलमा ३९ रन जोडेर आउट भए। त्यसपछि पनि आशुतोष डटिरहे र उत्कृष्ट ब्याटिङ गर्दै दिल्लीलाई जित दिलाए।
१९ औं ओभर टर्निङ पवाइन्ट बन्यो। तेस्रो बलमा प्रिन्स यादवले कुलदीप यादवलाई आउट गरे। चौथो बलमा २ रन प्रहार गर्दै आशुतोषले अर्धशतक बनाए। यही ओभरको पाँचौं बलमा छक्का र छैटौं बलमा चौका प्रहार गरे।
त्यसपछि दिल्लीलाई अन्तिम ६ बलमा जितका लागि ६ रन नै आवश्यक थियो। जहाँ दोस्रो बलमा मोहित शर्माले १ रन जोडेर आशुतोषलाई स्ट्राइक दिए।
तेस्रो बलमा बलर सहबाज अहमदलाई निरिह बनाउँदै आशुतोषले छक्का प्रहार गरे। यो सँगै दिल्लीले ३ बल बाकी छँदा १ विकेटले खेल जित्यो। ३१ बलमा आशुतोषले ५ चौका र ५ छक्का सहित अविजित ६६ रन बनाए।
बलिङमा लखनउका सार्दुल ठाकुर, मनिमरन सिद्धार्थ, दिगभेष राथी रवि विष्नोईले समान २ विकेट लिए।
त्यसअघि टस हारेर पहिले ब्याटिङको निमन्त्रणा पाएको लखनउले २० ओभरमा ८ विकेट गुमाउँदै २ सय ९ रन बनायो।

ओपनर एडेन मारक्रम १५ रनमा आउट भए। मिचेल मार्स र निकोलास पुरनले विष्फोटक ब्याटिङ गरे। पहिलो पावर प्लेमा लखनउले १ विकेटको नोक्सानीमा ६४ रन जोड्यो। मात्र ४९ बलमा लखनउले १ सत रन बनाउँदै सुरुवात राम्रो गर्यो।
मिचेलले ५ चौका र ६ छक्का सहित २१ रनमा अर्धशतक बनाए। निकोलासले भने २४ बलमा अर्धशतकको सफलता प्राप्त गरे।
दोस्रो विकेटको लागि ८७ रनको साझेदारी गरेका मिचेल ३६ बलमा ७२ रन जोड्दै मुकेश कुमारको बलमा आउट भए। लगत्तै कप्तान ऋषभ पन्तले रनको खाता खोल्न सकेनन्।
त्यसपछि ३० बलको सामना गर्दै ६ चौका र ७ छक्का सहित निकोलस ७५ रन जोडेर आउट भए। डेबिट मिल्लरले अविजित २७ रन बनाए।
बलिङमा दिल्लीका लागि मिचेल स्टार्कले ४ ओभरमा ४२ रन खर्चेर ३ विकेट , कुलदीप यादवले २ तथा विपराज निगम र मुकेश मारले समान १ विकेट लिए । दिल्लीले विजयी सुरुवातका साथ २ अंक जोडेको छ।
December 1, 2025
काठमाडौं (हाम्रो खेलकुद)- दक्षिण अफ्रिकाका पूर्व कप्तान फाफ डु प्लेसिस आज नेपाल आइपुगेका छन्। दोस्रो नेपाल प्रिमियर लिग (एनपिएल) खेल्ने उनी सबै हाई प्रोफाइल खेलाडी हुनेछन्। उनलाई आज त्रिभुवन अन्तर्राष्ट्रिय विमानस्थलमा नेपाल क्रिकेट संघ (क्यान) का प्रवक्ता छुम्पी लामा तथा विराटनगर किंग्सका पदाधिकारीले स्वागत गरे। विमानस्थलमा नै पत्रकारसँग बोल्दै फाफले भने, ‘म यहाँ केही छोटो […]
December 1, 2025
एजेन्सी – रियल माड्रिड ला लिगामा लगातार तेस्रो खेल पनि बराबरीमै रोकिएको छ। आइतबार जिरोनासँग १-१को खेल बराबरी खेलेपछि रियलले शीर्ष स्थानमा फर्कने मौका गुमाएको छ। खेलको सुरुवातमै रियल निकै आक्रामक देखियो। एम्बाप्पेले २ वटा राम्रा मौका गुमाए भने भिनिसियसको शट पनि क्रसबार माथि गयो। मिलिताओको बलियो हेड गोलरक्षकले रोकिदिँदा रियलले अग्रता लिने अवसर फरि […]
November 26, 2025
एजेन्सी – बायर लेभरकुसेनले च्याम्पियन्स लिगमा मंगलवार म्यानचेस्टर सिटीलाई २-० ले पराजित छ। योसँगै सिटीको लिग चरणमा रहेको सात वर्षको घरेलु अपराजित यात्रा समाप्त भएको छ। एलेहान्द्रो ग्रिमाल्डो र पात्रिक शिकको गोलमा लेभरकुसनको जित सम्भव भएको हो। खेलको सुरुवातमै सिटीले अग्रता लिनसक्ने मौका पाएको थियो। तर नाथन एके को प्रहारलाई लेभरकुसेनका गोलरक्षक मार्क फलेकनले उत्कृष्ट […]