काठमाडौं (हाम्रो खेलकुद) – त्रिभुवन आर्मी क्लब दोस्रो संस्करणको इंगेज ह्वीलचेयर बास्केटबल लिगको च्याम्पियन बनेको छ । छ हप्तासम्म चलेको ह्वील चेयर बास्केटबल लिगमा शनिबार जावलाखेलमाथि ४०–० को जित निकाल्दैच्याम्पियन बन्यो ।
लिगमा अपराजित रहेको आर्मीले १० खेलबाट ३० अंक जोड्यो । यस्तै महिलातर्फ ह्वीलचेयर स्पोर्टस् एसोसिएसन च्याम्पियन बन्यो । ह्वीलचेयर स्पोर्टस् एसोसिएसनले शनिबार नेपाल स्पाइनल कर्ड इन्जरी स्पोर्टस एसोसिएसनमाथि २०–१३ को जित निकाल्यो । पुरुषतर्फ जावलाखेलका दान बहादुर थिङ र महिलातर्फ ह्वीलचेयर स्पोर्टस् एसोसिएसनका यामी मगर मोष्ट भ्यालुएबल प्लेयर घोषित भए ।
यस्तै पुरुषतर्फ आर्मीका राजु कटुवालर महिलातर्फ ज्यनेति अर्याल सर्बाधिक स्कोरर भए । पुरुषतर्फको विजेताले २० हजार, दोस्रोले १६ हजार र तेस्रो हुने टोलीले १२ हजार रुपैयाँ प्राप्त गरे । यस्तै महिलातर्फको विजेताले १६ हजार, दोस्रोले १२ हजार र तेस्रो हुने टिमले ८ हजार प्राप्त गरे । यस्तै मोष्ट भ्यालुएवल खेलाडील ५ हजार तथा सर्वाधिक स्कोररले समान ३ हजार ५ सय रुपैयाँ प्राप्त गरे ।
जेठ १३ गतेबाट शुरु भएको लिगमा पुरुषतर्फ ६ र महिलातर्फ ४ टिमको सहभागिता रहेको थियो । लिग हरेक शनिबार उपत्यकाका विभिन्न कलेजका कोर्टमा हुने छ ।
