7 years ago
July 11, 2017
काठमाडौँ (हाम्रो खेलकुद) – लक्ष्मणकुमार श्रेष्ठ स्मृति चौथो राष्ट्रिय इन्डोर आर्चरी प्रतियोगिताको पुरुष व्यक्तिगत रिकर्भ स्पर्धाको उपाधि स्वयम्भू रिक्रिएसन सेन्टरका रमेश भट्टचनले जितेका छन्। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको फाइनलमा रमेशले कास्की जिल्ला आर्चरी संघका अशिम शेरचनलाई ६–० ले पराजित गरे । १२ औं दक्षिण एसियाली खेलकुद (साग) का कांस्य विजेता स्वयम्भूका […]
काठमाडौँ (हाम्रो खेलकुद) – लक्ष्मणकुमार श्रेष्ठ स्मृति चौथो राष्ट्रिय इन्डोर आर्चरी प्रतियोगिताको पुरुष व्यक्तिगत रिकर्भ स्पर्धाको उपाधि स्वयम्भू रिक्रिएसन सेन्टरका रमेश भट्टचनले जितेका छन्। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको फाइनलमा रमेशले कास्की जिल्ला आर्चरी संघका अशिम शेरचनलाई ६–० ले पराजित गरे ।
१२ औं दक्षिण एसियाली खेलकुद (साग) का कांस्य विजेता स्वयम्भूका प्रेमप्रसाद पुन तेश्रो स्थानमा चित्त बुझाउन बाध्य भए । सोही स्पर्धाको महिलामा नेपाल आर्मी क्लबकी ज्ञानु अवाले पहिलो भइन् । फाइनलमा ज्ञानुले कास्कीकी रश्मी दर्लामीलाई ६–० ले हराइन् । कास्कीकै राज्यलक्ष्मी जोशी तेश्रोमा सीमित भइन् ।
नेपाल आर्चरी संघद्वारा आयोजित प्रतियोगिताको पुरुष व्यक्तिगत स्ट्यान्डर्डमा अन्नपूर्ण आर्चरी क्लबका देउबहादुर रोका मगर पहिलो भए । उनले फाइनलमा आर्मीका डम्बर थापाको चुनौती ६–० ले समाप्त पारे । द बेस्ट आर्चरी क्लबका ग्रिष्म गुरुङले कांस्य हात पारे । त्यस स्पर्धाको महिलामा आर्मीकी केशरी आले मगरले स्वर्ण चुमिन् । उपाधि भिडन्तमा केशरीले अन्नपूर्णकी रोजिना थापा मगरलाई ६–२ ले पाखा लगाइन् । अन्नपूर्णकी सेलिना गुरुङ तेश्रो भइन् ।
पुरुष व्यक्तिगत कम्पाउन्डमा कञ्चनपुर जिल्ला आर्चरी संघ होमबहादुर थापा मगर शीर्ष स्थानमा रहे । उनले राजधानीका सनातन मल्लमाथि १३२–१३१ को कठिन जित निकाले । बेस्टका प्रजित अग्रवाल तेश्रो बने ।
पुरुष रिकर्भ टिममा स्वयम्भू पहिलो, कास्की दोश्रो र अन्नपूर्ण तेश्रो भए । पुरुष स्ट्यान्डर्ड टिममा बेस्टले स्वर्ण, अन्नपूर्णले रजत र स्वयम्भूले कांस्य जिते ।
विजेतालाई नेपाल ओलम्पिक कमिटी (एनओसी) का अध्यक्ष जीवनराम श्रेष्ठ, एनओसीका महासचिव समेत रहेका राखेपका उपाध्यक्ष लामा टेन्डी शेर्पा, राजधानी न्युज पब्लिकेसनका प्रमुख कार्यकारी अधिकृत आशिष शेरचन, स्व. श्रेष्ठकी धर्मपत्नी सुष्मा, आर्चरी संघका अध्यक्ष दीपक गुरुङ, महासचिव रमेश सिवाकोटीलगायतका पदाधिकारीले एक कार्यक्रमबीच पुरस्कृत गरे ।
सो अवसरमा आर्चरी खेलको विकास र विस्तारमा योगदान पु¥याएकोमा राजधानी, वेस्ट आर्चरी र स्वयम्भू रिक्रिएसनलाई प्रशंसा पत्रबाट सम्मान गरिएको थियो । १८ मिटर दूरीमा प्रतिस्पर्धा भएको दुईदिने प्रतियोगितामा ४७ पुरुषले ५ तथा १६ महिलाले २ स्पर्धामा प्रतिस्पर्धा गरेका थिए । स्व. श्रेष्ठ आर्चरी संघका अध्यक्ष थिए ।
April 22, 2024
काठमाडौं (हाम्रो खेलकुद) – गल्कोट स्पोर्ट्स क्लब टोकियो जापानबाट खेलेका गण्डकी प्रदेश भलिबल टोलीका सदस्य घनश्याम चौधरी नवौँ सिल्भर रनिङ कप खुल्ला पुरुष भलिबल प्रतियोगिता २०२४ को सर्वाेत्कृष्ट खेलाडी घोषित भएका छन् । घनश्यामले आफ्नो टोली गल्कोट स्पोर्ट्स क्लबलाई च्याम्पियन बनाउन सान्दर प्रदर्शन गरेका थिए । सर्वाेत्कृष्ट बनेसँगै घनश्यामले ट्रफीसँगै सम्मान पत्र प्राप्त गरे । […]
April 22, 2024
काठमाडौं (हाम्रो खेलकुद) – गण्डकी प्रदेश भलिबल टोलीका सदस्य घनश्याम चौधरीसम्मिलित गल्कोट स्पोर्ट्स क्लब जापान टाेकियाेले नवौं सिल्भर रनिङ कप खुल्ला पुरुष भलिबल प्रतियोगिता २०२४ को उपाधि जितेको छ । सिन्जुकु कोस्मिक स्पोर्ट्स सेन्टरमा सोमबार भएको फाइनलमा गल्कोट समाज जापानलाई २–० को सोझो सेटमा पराजित गर्दै गल्कोट स्पोर्ट्स क्लबले उपाधि जित्न सफल भएको हो । […]
April 20, 2024
मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]