लास एन्जेलस (एजेन्सी) – प्रि सिजनमा तयारीमा व्यस्त रहेका युरोपका दुइ ठुला क्लब रियल म्याड्रिड र म्यानचेस्टर सिटि बुधबार मैत्रीपूर्ण खेलमा आमने सामने हुँदैछन्।
नयाँ खेलाडीलाई क्लबमा चाडैं आफ्नो ठाउँ बनाउन प्रि सिजनले महत्त्वपूर्ण भूमिका खेल्दै आएको छ। यस्तोमा म्यानचेस्टर सिटीले काइल वाल्कर, बेन्जामिन मेन्डी, एडर्सन, लगायतका नयाँ खेलाडीलाई मौका दिंदै आएको छ। सिटिले पछिल्लो खेलमा म्यानचेस्टर युनाइटेडसंग पराजय भोगेपनि नयाँ खेलाडीहरुले राम्रो मौका पाएका थिए। रियलले पनि पछिल्लो खेलमा युनाइटेडसंग नै पेनाल्टीमा हार व्येहोरेको थियो।
यसै साता रियल म्याड्रिड छाडेर म्यानचेस्टर सिटि पुगेका ड्यानिलोली आजको खेलमा सिटीका लागि डेब्यु गर्ने सम्भावना रहेको छ। उनीसंगै वाल्कर र मेन्डी यसै सिजन सिटि पुगेका हुन्। सिटीले मिडफिल्डर बर्नार्डो सिल्भा र गोलरक्षक एडर्सन मोराएसलाई पनि यसै सिजन भित्र्याएको हो।
खेलको जानकारी:
खेल हुने समय: नेपाली समयानुसार बिहिबार बिहान ९:१५ बजे हुनेछ
प्रत्यक्ष प्रसारण: टेन २ र सोनी लिभ
