भारतमा हुने १२ औं दक्षिण एसियाली खेलकुद (साग) मा सहभागी हुने हक्की र कबड्डी टोलीको छनोट गरिएको छ । हक्कीमा समान २०–२० तथा कबड्डीमा समान १२–१२ पुरुष/महिला टाृली छनोट गरिएको हो ।
हक्कीको पुरुषमा नेपाली सेनाका रन्जित राउत, दीपेन्द्र ऐर, सत्यनारायण चौधरी, अमित श्रीवास्तव, रोशन चौधरी, राम शाह, प्रदीप राजवंशी, श्यामुअल राई, देवसिंह धामी, मदन पन्त र राम ढुंगाना, मध्यमाञ्चलका दिनेश सिंह, रोशनकुमार क्षेत्री, गोविन्द अधिकारी, अंकित पाठक र सुरज घर्ती, पूर्वाञ्चलका सुन्नीराम हेमरम, कञ्चन्पुरका किशोर ओझा र गणेश साह तथा नेपाल प्रहरीका केशव जोशी रहेका छन् ।
महिलामा सेनाका चन्द्रकुमारी कुशवार, टंककुमारी खपांगी, होम दंगाल, सरिता मेचे, रजनीकुमारी गुरुङ, कुश्मा राना मगर र सीतामाया बल तथा कञ्चनपुरका ज्योति मल्ल, भागीरति विष्ट, विमला भट्ट, तुलसी डंगोरा, सीमा चौधरी, रेखा भट्ट, सिल्पा डंगोरा, अन्जु डंगोरा, कमला चन्द, तारा मल्ल, विन्दु रावल, निरा औझी र निलम जोशी छन् ।
कबड्डीको पुरुषमा सेनाका महेश बोहरा, जय बोहरा, भुवन खड्का, विजय चन्द र लालमोहर यादव, धनुषाका सञ्जय श्रेष्ठ, कल्याण भुजेल र सरोजकुमार सिंह, प्रहरीका इरसादमंसुर आलम, कञ्चनपुरका गोविन्द थापा, भक्तपुरका अनिल कोजु तथा सप्तरीका प्रकाश शाह रहेका छन् । वैकल्पिकमा सेनाका गोपाल महतो र कैलालीका मंगल चौधरी रहेका छन् ।
महिलामा प्रहरीका निर्मला विष्ट, शान्ति मल्ल, नितु गुरुङ, कौशिल्ला रोका र रुक्मणि चन्द, सेनाका कोषमाया बस्नेत, चन्द्रावती विष्ट, र मेनुका राजवंशी, भुक्तपुरकी सुदेशना प्रजापति, कञ्चनपुरकी रुपा महता, बाराकी सम्झना राई तथा धनुषाकी शीखा झा रहेका छन् । प्रहरीकी अर्पणा चौधरी र कञ्चनपुरकी सारदा राना वैकल्पिक सूचीमा परेका छन् ।
